الي عندها تعارض في مادتي الموروفلوجي والترجمة تتفضل

[الملاك الأبيض]

السلام عليكم ورحمة الله وبركاته

مساءكم خير وسرور

مثل ماهو واضح من العنوان يابنات نبغى نتكاتف سوا الي عندها تعارض مثلي بين مادتي المورفولوجي والترجمة ياليت
انو تراسلني على الخاص حتى نكتب رسالة موحدة بأسمائنا لميس جميلة ونحاول انو نقنعها تفتح لنا شعبة وهمية لحل التعارض لأانو بجد محتاجة اخذ المادتين وكل الاوقات الثانية تعارض في جدولي
ياليت الي مثل مشكلتي نتواصل سوا لأنو البنات يقولو انو لو الاستاذة لقت انو اكثر من عشرين بنت عندها نفس التعارض ومحتاجين اضافة المواد تفتح لنا شعبة وهمية واخاف لو راسلتها لوحدي او روحت لها لوحدي تردني عشان ماراح تفتح شعبة كاملة لشخص واحد فياليت نتعاون قبل ماتبدأ السنترا يابنات حتى تكون المادة في جدولنا السنترا ولا بعدين مانقدر نحضر محاضرات :(

[لصممتي حكممه]

نفس اللي صاير لي في الفونتكس والادب ,, بس ماادري اذا فيه احد مثلي , انا مرررا مضطره اضيفه ,

لما تكلموهم قولوا لنا اش هيا الاجراءات ,..

بالتوفيق ,..

[الملاك الأبيض]

عزيزتي لصمتي الافضل تراجعيهم في الجامعة لو تقدري او تراسليهم حتى تلحق المواد تنضاف للسنترا لأنو الترم الي فات صارت مشكلة كبيرة عندنا كنا نضيف المواد على الاودس وماتتم اضافتها للسنترا الا بعد اسبوع وحتى لما تنزل كانت المحاضرات الي فاتتنا ماتكون مسجلة ففاتني محاضرات كثيرة لولا الله ثم صاحباتي الله يسعدهم ساعدوني واعطوني محاضراتهم المسجلة فانتبهي وحاولي تضبطي امورك قبل يوم السبت وربي يوفقك .

[لصممتي حكممه]

مااتوقع اني راح إقدر أراجعهم لكن راح أرسلهم إن شاء الـلہ ،..

[SARO0O]

مرحبا حبايبي

ملوكتي اذا تبغون شعبة وهميه طالبو للترجمه لانها ابدن ماتحتاج شرح فيه بس كم نقطه مهمه وتلاقوها في التجمع حق السمستر اللي فات

اما المورف فخليكم على نفس الشعبه

الله يكون بعونكم ان شاء الله
بالتوفيق للجميع

سرو ...

[sweet bobo]

انا كمان عندي تعارض ومره محتاجه انزل هادي المادتين هاد السمستر ياليت يفتحو شعبه وهميه

[white rose]

الله يوفقكم بنوتات مجهود طيب حلو انكم تتجمعو وتكونو يد وحدة الله يسهل لكم امركم ويرضو يفتحو لكم شعب جديدة وتتعدل جداولكم على خير ياااااااارب :)

المشاركة الأصلية كتبت بواسطة الملاك الأبيض عزيزتي لصمتي الافضل تراجعيهم في الجامعة لو تقدري او تراسليهم حتى تلحق المواد تنضاف للسنترا لأنو الترم الي فات صارت مشكلة كبيرة عندنا كنا نضيف المواد على الاودس وماتتم اضافتها للسنترا الا بعد اسبوع وحتى لما تنزل كانت المحاضرات الي فاتتنا ماتكون مسجلة ففاتني محاضرات كثيرة لولا الله ثم صاحباتي الله يسعدهم ساعدوني واعطوني محاضراتهم المسجلة فانتبهي وحاولي تضبطي امورك قبل يوم السبت وربي يوفقك .

لا بجد هالكلام وعلى كذا راح تفوتنا محاضرات سواء رحنا نضيف المواد بدري هالاسبوع او لا
الله يهديهم يعني هما يتاخرو في الحذف والاضافة واحنا نتورط بعدها

[الملاك الأبيض]

والله ياوايت روز ماادري ايش بيكون مصيرنا هذا الترم فاجأونا بالتقويم وكمان ليسا ماعملنا الجداول ياارب تكون مشكلة الترم الي فات حلوها لانو بجد كان شي فظييع , انا ليسا باقي ماسددت ولا نزلت ولا شي ماادري راح الحق اضيف المواد في الجدول ولا لا , وبعدين هم ليه نايمين يعني ؟ متى راح ينزلو الحذف والاضافة مابقي شي ,,الله يسهل ياارب

[الملاك الأبيض]

سرو ياقلبي منورة الموضوع , وشكرا لنصيحتك وشكلنا بنعمل كذا في النهاية بس ياارب توافق ميس جميلة

امم وبوبو خلاص باذن الله راح اضيفك معي بس في الرسالة بس وين باقي البنات مررة مافي تفاعل شكلهم ليسا مافاقو من الاجازة ^^ ,,

[white rose]

المشاركة الأصلية كتبت بواسطة الملاك الأبيض والله ياوايت روز ماادري ايش بيكون مصيرنا هذا الترم فاجأونا بالتقويم وكمان ليسا ماعملنا الجداول ياارب تكون مشكلة الترم الي فات حلوها لانو بجد كان شي فظييع , انا ليسا باقي ماسددت ولا نزلت ولا شي ماادري راح الحق اضيف المواد في الجدول ولا لا , وبعدين هم ليه نايمين يعني ؟ متى راح ينزلو الحذف والاضافة مابقي شي ,,الله يسهل ياارب

والله المفاجاة من جد لسه مأثرة فينا لسه بنرجف منها وتخيلي عندنا سنترا وبعدها دورة حضور ورا بعض 6 اسابيع متتالية يعني معاناة جدولين والتنسيق بينهم
ونصحيتي لكي حاولي تسددي قريب لانو ما فيه وقت وبالنسبة للحذف والاضافة روحي بنفسك لا تصبري لهم لانو فيه احتمال تنزل الربوع زي ما قالو في مكتب الانتساب لصحبتي واحتمال تتاخر الله يعينا جميعا هالترم