بخصوص منع خروج الطالبات ؟؟ [مُع ـدل]

[mesk-3]

انا اذكر كان ممنوع الخروج قبل تسعة
ذحين خلوه عشرة!!!!!!



الله يعين

[mo0oka]

والله حرام عليهم انا عندي يوم الربوع محاضرة وحدة من 8 ل9 ليش لازم استنى ساعة كاملة
دي الساعه الاولى اني ارجع فيها لبيتي وانتبه لولدي واسوي اشغال بيتي عشان بعدها افضى للمذاكرة
يضيعولنا وقتنا فوق ما احنا مضغوطين وعندنا مسؤليات تانية حسبي الله عليهم

يعني هل من المعقول انحبس ساعة في الجامعة بدون شغلة ولا مشغلة
ولا تقولو دي الساعه افطري فيها لانو مافي اكل طيب في الجامعة كله استغفر الله مو نظيف
ولا تقولو ذاكري لانو جو الجامعة وازعاجه ما يساعد عالمذاكرة

ولا اسوا شي الانتساب يعني البنت كده كده حتدخل الجامعة ايش دخل البوابات ليش مثلا ابويا يحطني عند غربية 1 عشان قريب من كليتي ويروح يضرب مشوار ثاني يودي اختي شمالية ليش يمشورو الناس يعني ما وراهم اشغال ثانية
والله حرام عليهم
استغفر الله العظيم واتوب اليه