كيف لي اكمال الماجستير؟ مليت من البحث يا أخواني.. نصائحكم..

[Say81er]

المشاركة الأصلية كتبت بواسطة الحضارة الإغريقية لا تسمع كلامهم ياصاحب الموضوع..!! يبون يقصمون ظهرك بالمشاوير ذولي, شلون تدرس بجدة وأنت بحايل؟!! تبي نصيحتي: جامعة حايل بها ماجستير لغة عربية, روح لمهم وشوف وشنوح برنامجهم عند دكتور بقسمهم لحيتن غانمة اسموه: سليمان خاطر. تلقاه بعد يشارك بمنتدى الفصيح. وإن ضاقت بك الوسيعة فعليك بجامعة مؤتة ودق لك اجازة استثنائية لمدة ترمين لدراسة المقررات.. وما ظنتي تحتاج للاجازة لأن الدراسة بالشام تبي تكون نهاية الاسبوع ومسائية. هذا العلم اللي يجمد على الشارب ويناسب وضعك ياهملالي

يالغالي جامعة حايل ما اتوقع فيها برامج خاصة تنفعني في اللغة العربية أوالتربية..
لأني على رأس العمل والتعليم ماراح يعطيك استثنائية ترم واحد فكيف ترمين؟ لذلك لا يناسب لي إلا البرامج الخاصة المدفوعة سواء في القصيم وإن انحديت بجدة ومكة

أما مؤتة أو غيرها :
1-تبي لها واحد متفرغ ماوراه دوام وغثى وأنا على رأس العمل ومااقدر اتفرغ أو بالأصح ما راح يفرغوني هذا شي..
2-الشي الثاني وزارة التعليم العالي ماينعرف لها ومالها أمان ويمكن تلغي اعترافها بأي جامعة بالخارج وأنت تدرس بها وتتورط يعني ماراح يدقوا لك خبر!! ولا عليهم منك!! عشان كذا خلك بالمضمون..

[لا يكثر]

المشاركة الأصلية كتبت بواسطة say81er الله يجزاك خير والله يستر من اختبار الإنجليزي ستيب هل أحد عنده خلفيه عنه؟؟

شوف هذا الستيب براسك براسك الا اذا كان البرنامج اللي مقدم عليه يتيح لك دورة لغة انجليزية بديلة عن هذا الاختبار

لكن انا ارجع واقول لك خلك متابع موقع قياس ولا يمر اختبار للجامعيين الا وانت مقدم عليه لانه من هنا لوقت التقديم ترى فترة طويلة وانت استثمرها في الاختبارات حتى لو جبت درجة ضعيفة في الاختبار الاول تقدر تعوض في اللي بعده لو لحقت عليه

[لا يكثر]

المشاركة الأصلية كتبت بواسطة say81er ما قصرت أخوي.. والله أنك طمنتني وريحت بالي ولكن عندي تساؤلات: 1-الماستر الصباحي لا يقبلني لأني على رأس العمل ولالا؟ لذلك أبحث عن البرامج الخاصة.. 2-بالنسبة للعمر هل البرامج تشترط عمر معين لأني كأني قرأت أنه يجب أقل من 30سنة 3-لا يوجد جامعات قريبة سوى جامعة حائل ولا اعتقد فيها برامج مدفوعة تنفعني في اللغة العربية أو التربية. 4-اختبار الانجليزي مسوي لي قلق لأني مييح بالإنجليزي وأخاف مااجيب شي فيه.. فمالحل لتجاوزه؟؟ وكم يطلب مني درجة في برامج اللغة العربية وبرامج التربية؟وهل هناك كتاب يساعدني فيه أو نماذج له؟ 5-هل هناك برامج خاصة مدفوعة لتخصص اللغة العربية في القصيم أو الغربية؟وهل لها شروط معقدة؟ ودمتم بخير..

المشاركة الأصلية كتبت بواسطة همة همة همة وعليك ان تحصل على الدرجة المطلوبة في اختبار القدرات وستيب .. من هنا موقع قياس تلقى ازمنة الاختبارات http://www.qeyas.com/qiyas/examdates/examdates.5.aspx اذا بتقدم على اللغة العربية كونها من كلية الادراب والعلوم الانسانية فحاول تحصل على درجة 75 واكثر في القدرات وكذلك واجب جدا وهو شرط ان تحصل على درجة 52 في اختبار ستيب قياس ..اذا لم تحصل على هذه الدرجة في ستيب فلاباس هناك دورة بديلة تدرسها لمدة شهرين ب2000 ريال وانت تدرس الماجستير ... من هذا الرابط راح تعرف ماهي شروط ماجستير اللغة العربية كونه من كلية الادراب والعلوم الانسانية وهو عام وكذلك تخصصات الماجستير التربوي كونها من برامج الماجستير الخاص تفضل : http://graduatestudies.kau.edu.sa/co...g=ar&cid=98743

اظن في هالاقتباس اجابة لتساؤلاتك


بالنسبة للعمر ارقد وآمن معك الى 40 سنة اللي قريت انه شرط يكون 30 سنة هذا اللي يبغى يقدم على برنامج خادم الحرمين الشريفين للابتعاث الخارجي يعني ماهو لك

[Say81er]

المشاركة الأصلية كتبت بواسطة لا يكثر شوف هذا الستيب براسك براسك الا اذا كان البرنامج اللي مقدم عليه يتيح لك دورة لغة انجليزية بديلة عن هذا الاختبار لكن انا ارجع واقول لك خلك متابع موقع قياس ولا يمر اختبار للجامعيين الا وانت مقدم عليه لانه من هنا لوقت التقديم ترى فترة طويلة وانت استثمرها في الاختبارات حتى لو جبت درجة ضعيفة في الاختبار الاول تقدر تعوض في اللي بعده لو لحقت عليه

الله يعطيك العافية ما قصرت
بعد كل الارتياح والتفاؤل اللي جاء بسبب ردودكم وتشجيعكم لا يبقى شيء يؤرقني إلا:
1-اختبار ستيب
2-المفاضلة لأن حسب ماقلتو لي أن المقاعد محدودة!!
والباقي كله تماااااااااااام ونطمع بالمزيد من المعلومات فلا تبخلوا علينا إخواني، وأنا معكم ومتابع معكم..

[النقد الهادف]

1- اختبار استيب لابد منه . لكن لو جبت أي درجة فأنت مقبول.
بمعنى أن درجاته تستخدم للمفاضلة فقط. و عليه 10 درجات فقط من 100 درجة.
لو جبت 52 و أعلى تأخذ ال 10 درجات كاملة. لو جبت أقل على كل 10 درجات = درجة واحدة
يعني 40 = 4 درجات من عشرة المفاضلة.

اذن المطلوب هو أداء الاختبار أما الدرجة فهي مقبولة مهما كانت.

و فيه اختبار ثاني أسهل من الاستيب هو اختبار الآيتلس و هو أغلى من الاستيب.

الاستيب = 100 ريال الآيتلس = 850

و أعرف كثير جابوا درجات سيئة في الاستيب و لما اختبروا الآيتلس جابوا درجة حلوة.

و لكن اختبر الاستيب و جرب حظك ترى الأسئلة كلها اختياري.

و بالنسبة للمفاضلة فهي أمر طبيعي فالمقاعد المطروحة فقط 30 مقعد.

و لكل مجتهد نصيب.

[المتسامح]

السلام عليكم
إذا كنت ترغب في الإنتقال للتعليم العالي والتدريس في الجامعات فالأفضل لك إكمال الماجستير في تخصصك ..... أما إذا كنت ترغب في المستوى السادس فقدم على برنامج الماجستير الخاص في جامعة الملك عبدالعزيز العام القادم والذي يقام في كليات القصيم الأهلية .
واحرص على التسجيل في اختبار القدرات العامة للجامعيين و اختبار كفايات اللغة الإنجليزية في اواخر شهر رجب .

[النقد الهادف]

عندك فرع جامعة الملك عبدالعزيز في القصيم فيها أغلب البرامج .
و عندك جامعة طيبة فيها برامج ما جستير موازي.
و ما أدري عن تبوك !!!

و دائما ابحث أولا عن الأقرب ...

[همة همة همة]

كفووا ووفوا الاخوان بحكم خبرتهم الكبيرة في التعليم العام وكيف التقديم للماجستير
فأرى ..ان تكمل ماجستير تربوي في القصيم وهذا افضل لك كونك معلم لاتستطيع التفرغ في الصباح..كما ذكر الاخ المتسامح ..



اشتغل الان على :
القدرات ..تدرب من من منتدى اسمه (منتدى قدرات)+ابحث تحميل لكتاب الفريد في المهارات اللغوية لاختبارات القبول في الجدامعات السعودية هذا الكتاب افهمه واحفظ الي فيه وكونك لغة عربية فراح تحصل على 90 واعلى في الجزء اللفظي لان اغلب من يحصل على درجات عالية في قدرات الا وتلقى الجانب اللفظي عاااااااااااااااااالي هذ1ا الي اعرف لانه سهل فقط احفظ وافهم قوعد قليلة منهاا التناظر اللفظي ..

وايضا بامكانك تحمل للقسم الكمي ملزمة اسمها (ابدا من هنا مع يزيد التعليمية )

وفيك تشتري كتاب اسمه القدرات العامة للجامعين ..للمؤلف لقبهُ الطيب .

تدرب فقط الاختبار هذا يحتاج تدريب للمهارات العقلية ..وفيه اختبارات تجريبية في موقع قياس .

وللمعلومية وانا ماامشي ابد مع ضربات الحظ ..فيه طلاب وطالبات لم يستعدوا للاختبار ولم يتدربوا عليه لكنهم وحصلوا على درجات 75 وفوق ...يعني لاتتوتر ولا تحتار ولا تتأفف من الاختبار ..


وستيب ... الاخوان وضعوا مايكفي عنه ...واقولك جرب انك تدخله واحكم على نفسك ..
الدورة البديلة عن اختبار التوفل وستيب فقط متاحة لكلية الاداب والعلوم الانسانية وكلية الادارة والاقتصاد

جدا مهعم ان تعرف كما ذكروا الاخوان في ستيب انه اي درجة مقبووووووووووووووووووولة لكــــــــــــــــــــــن مهم ارتفاع الدرجة في المفاضلة ...




الى الان المهم :

قدرات
ستيب
المعدل
الدورات والخبرات

اذا فيه زيادة اعتذر ان نسيتها


كلها تدخل في المفاضلة اذا ودك تدخل ماجستير تربوي موازي...



موفق

[الحضارة الإغريقية]

المشاركة الأصلية كتبت بواسطة say81er يالغالي جامعة حايل ما اتوقع فيها برامج خاصة تنفعني في اللغة العربية أوالتربية.. لأني على رأس العمل والتعليم ماراح يعطيك استثنائية ترم واحد فكيف ترمين؟ لذلك لا يناسب لي إلا البرامج الخاصة المدفوعة سواء في القصيم وإن انحديت بجدة ومكة أما مؤتة أو غيرها : 1-تبي لها واحد متفرغ ماوراه دوام وغثى وأنا على رأس العمل ومااقدر اتفرغ أو بالأصح ما راح يفرغوني هذا شي.. 2-الشي الثاني وزارة التعليم العالي ماينعرف لها ومالها أمان ويمكن تلغي اعترافها بأي جامعة بالخارج وأنت تدرس بها وتتورط يعني ماراح يدقوا لك خبر!! ولا عليهم منك!! عشان كذا خلك بالمضمون..

مين قالك ياحبيبي إن التعليم مايعطيك استثنائية؟ هل أنت متأكد إنك مطّلع على لوائح الخدمة المدنية ؟

بل فيه شي اسمه اجازة دراسية لمدة ثلاث سنوات من حق اي موظف ياخذها.. والاستثنائية تاخذها زي شرب المويه.

رح لإدارة التدريب والتطوير اللي تتبع لها وتأكد بنفسك واذا صرفوك راسلني بالخاص واجيب لك خبرها

[النقد الهادف]

المشاركة الأصلية كتبت بواسطة الحضارة الإغريقية مين قالك ياحبيبي إن التعليم مايعطيك استثنائية؟ هل أنت متأكد إنك مطّلع على لوائح الخدمة المدنية ؟ بل فيه شي اسمه اجازة دراسية لمدة ثلاث سنوات من حق اي موظف ياخذها.. والاستثنائية تاخذها زي شرب المويه. رح لإدارة التدريب والتطوير اللي تتبع لها وتأكد بنفسك واذا صرفوك راسلني بالخاص واجيب لك خبرها

بداية أستغرب تهجمك على الأعضاء الكرام و تهامهم بأنهم يريدون يمرمطونه و التحذير من كلامنا.

و هذا شيء نرفضه و لا نقبله و نطالبك بالاعتذار .

و بخصوص الاجازات فحسب علمي أن الاجازة تكون بدون راتب .

و أرى أن الدراسة المسائية تحقق الهدفين من تحصيل الراتب + تحضير الماجستير.