ملعب في وسط البحر !!!!!!

[Da_JokEr]

بقلم الاستاذ
خالد حمد السليمان


السفر لحضور مباراة !


لا أفهم سر غضب الرياضيين في جدة من اختيار أمانة جدة لمكان يبعد عن المدينة 120كيلو مترا ليكون موقعا لإنشاء الإستاد الرياضي الجديد؟! فالأمانة أرادت أن يتلافى جمهور جدة المشكلة التي يقع فيها جمهور الرياض، فالمشجع الذي يحضر مبكرا بعد صلاة المغرب ليحتل موقعا جيدا في إستاد الملك فهد بالرياض يخسره عندما يخرج لأداء صلاة العشاء لحساب مشجع يحضر متأخرا، أما مشجع جدة فلن يواجه نفس الخسارة لأنه سيحظى بفرصة جمع و قصر الصلاة قبل دخول الملعب!!
طبعا ما سبق ليس أكثر من مزاح، فأمانة جدة لن ترغب في أن يكون حضور مباراة في كرة القدم عملية سفر شاقة، و لو قدر لها لجعلت الملعب في قلب مدينة جدة ليكون من معالمها المعمارية البارزة، و لكن اليد قصيرة و العين بصيرة فليس في جدة شبر واحد شاغر، و إن وجد فإن ألف مطالب و مطالب سيبرزون من العدم لادعاء ملكيته!!
و قد قرأت أمس للكاتب الرياضي فواز الشريف في جريدة الرياضي فكرة إقامة المشروع داخل البحر، و هي فكرة مثيرة، فمن يدفن البحر لإقامة المنتجعات والأبراج التجارية ومنتزهات الشيشة لن يعجزه دفنه لإقامة تحفة معمارية بهذه الأهمية!!
بل إن مشروعا رياضيا كهذا يقام داخل البحر قد يكون مشروعا سياحيا جاذبا بأن يضم أسواقا تجارية و مطاعم و حدائق و منتزهات تستثمر لحساب الإستاد الرياضي كما يحصل في العديد من الملاعب العالمية الشهيرة، فما رأي الأمانة ؟!


http://www.okaz.com.sa/okaz/osf/2009...0221259994.htm
===================================

من زمان ونحن شباب جدة منتظرين ملعب حلو وانيق بدل الملعب ابو تكوة الموجود الان

يعني مدينة الرياض عندهم ملعبين والمعلبين من احسن ما يكونو من ناحية الجلسات ومن ناحية السعة الجماهيرية

وقبل فترة قالو حيكون الملعب جهة ابوجعالة في الطريق الى مكة عند مستشفى الحرس الوطني

والان غيروا المكان وقالو عند مزارع رضوى ,,,,يعني مسافة ساعة ونص تقريبا

عايدي برضو ماعندنا اي مانع اهم شي ملعب كبير ومحترم وفيه جلسات الواحد يقدر يجلس فيها بدل الصبات الموجودة

لكن اللي استغرب منه انه يجي كاتب كبير ويقول نخلي الملعب وسط البحر

يا اخي اتقي الله ,,ملعب في وسط البحر وفي جدة؟؟؟؟

خلينا نحل مشاكل الغربان اول شي ومشاكل الفئران يعني اللي بيروح البحر بيتفرج على االحياة الفطرية وكيفية نشأتها وتأألقمها في كورنيش جدة

غير كده المطبات اللي سارت مطب وحفرة لكل مواطن

وكمان المطار الفشيلة اللي سار علبة تونة

وكمان مشكلة الصرف الصحي اللي سارت مزمنة وادبية وكل ما نشوف حفريات ومن دون ما نطل عاللوحة حتلاقيها للصرف الصحي نأسف لازعاجكم ولنتعاون معا في المشروع !

مشكلة مشروع خزام ومشكلة العشوائيات والخ من المشاكل اللي ما تنتهي

كثر الدق يفيد صحيح انه الواحد طفش من الاسطوانة هدي لكن السبل كلها في النهاية لتطوير العروس
وتكون عروسا حلوة كالعادة وتاخد العقل موافقين على كلامي ولا لا؟؟؟

ونشوووووفكم تاني

[بدرالبدر]

دكتور ماشاء الله انت تحب الكورة اكيد معاك الادويه ههههههههههههههههههههههه

شطحه،،

يارجال خلهم يطووروا التعليم بالاول

ليش تحرق دمك على التفاهات يادكتور المستقبل

وليش تنسخ الخبر

قبل كم يووم انت ماخليت واحد ماحشيته وتقول ياجماعه لاتنسخوا

سلملي على خشمك يارجال

ونشوفكم خامس وسادس وسابع

[Tomy]

إذا سلمت الميزانية المعده للملعب من الأختلاسات
فستستطيع الأمانه ببناء ملعب
على سطح القمر
دمـت بـود

[Da_JokEr]

يا بدر,,,النسخ ماعندي اي اعتراض عليه لكن حكاية افتح الايميل وانسخ والزق مرررة بااايخة ومالها اي طعم

والخبر هدا يمس كل شباب جدة مس مباشر مو مس من الجن الله يحفظ الجميع

وعلى قولك بالفلوس اللي راح يحطوها هنا في الملعب يقدرو يحطوها بالتعليم ويبنو كم فصل دراسي بدل ما يحشروا الطلاب في غرف تقول انها غرف عزل وسجن

وهات خشمك ,,,,,

تومي
موضوع الامانة موضوع محزن,,,كل واحد مسؤول قدام ربه ومني عارف كيف الواحد يرضى ياكل فلوس حرام ازا يرضى ياكل من فلوس الحرام وش ذنب اولاده؟؟؟؟؟ واهله؟؟؟

وعلى قولك لو سلمت من الاختلاسلات نشتري القمر بزاته

ونشووووفكم تاني

[بدرالبدر]

والخبر هدا يمس كل شباب جدة مس مباشر مو مس من الجن الله يحفظ الجميع

والله يالغالي حبيت امزح معك لااكثر ولا اقل .. ونا بصراحة احد المعجبيين بطريقة تفكيرك واسلوبك ..

وفاهم قصدك كويس بس زي ماقلت لك مجرد مزح ،،

[Da_JokEr]

يا شيخ تك ايزي مررة عايدي والشرف لي بمعرفتك

لكن بالله وش رايك باقتراح الكاتب؟؟؟ يعني بدل ما يصب حديثه في هموم الشارع ,,,يروح يوقف مع كاتب تاني انه يعملو الملعب وسط البحر؟؟؟

يا اخي نقدر نخلص مشاريع كثيرة بالفلوس الموجودة بدل ما نروح نصرفها على اشياء كمالية جمالية

نبغى نصرف عالكباري وعالانفاق وعالجسور والمستشفيات وعالمدارس و و و و و و

اااخ ياشبدي,,,ولع

ونشووفك تاني

[Miss Aphrodite]

لا انا صراحة رئي من رئي الكاتب فواز الشريف

ويسلموا على الموضوع

[Miss stat]

والله مني عارفه عن ايش الموضوع

قريتو مرتين

بس مخي متنح

نشوفكم تاني

[Da_JokEr]

المشاركة الأصلية كتبت بواسطة miss aphrodite لا انا صراحة رئي من رئي الكاتب فواز الشريف ويسلموا على الموضوع

شوفي معايا هو عايدي الفكرة حلوة ولا باس فيها

اليابان بنت مطار على البحر وبميزانية معقولة ,,,لقلة مساحة اليابسة

لكن اللي رافع ضغطي انه عندنا يبون يبنون ملعب وفي يابسة

وغير كده فيه مشاريع تانية اولى بملون مرة من انهم يبنو ملعب في وسط البحر

انا ضد فكرة الكاتبين وكنت اتمنى منهم انهم يركزو عالمواضيع الجوهرية بدل ما يتكلمو عالقشور والكماليات

مشكورة على مشاركتك

ونشوفك تاني

[Da_JokEr]

المشاركة الأصلية كتبت بواسطة miss stat والله مني عارفه عن ايش الموضوع قريتو مرتين بس مخي متنح نشوفكم تاني

الموضوع انه الكاتب اتفق مع كاتب تاني انهم يدعو الى بناء ملعب وسط البحر,,,,

انا اشوف الفكرة هدي هيا قمة التحشيش والله المستعان

ونشوفك تاني لكن خففي من الفول