سؤال بالنسبة لكلية الطب

[kingOFweal]

السلام عليكم ورحمة الله وبركاته

انا طالب سنة تحضيرية وحبيت اسال

وابغا منكم تجاوبوني بكل صراحة :--

هل كلية الطب صعبة بدروسها يعني بشكل عام ؟

يعني ما ينجح بسنواتها الا الدافور ؟

لاني خايف ومتردد...

[محمد الداود]

أخي الحبيب ..
قيمة الصعوبة والسهولة تقاس بمدى اجتهادك فيها ..
لأني أعرف دوافير في التحضيري رسبوا في مواد والعكس !!
فالعبرة بجهدك وعملك فيها لا بشيءٍ آخر ..

الطب يحتاج مذاكرة شبه يومية بالميت !!
وتراكم الدروس والتسويف تقدر تقول معناته 50٪ رسوب !!

عشان كذا اللي يبي طب لازم يكون إنسان محترم جدداً لوقته
تقدر تلعب وتقدر تطلع وتقدر تفل برااااحتك ..
لكن في بعض الحالات لازم تضحي شوي وتذاكر
""احتراماً لاختيارك كلية الطب وتقديراً لهدفٍ تسعى لأجله""

وفقك الباري .. وأسأله من فضله أن ييسر لك كلّ أمرك
إنه سميعٌ مجيب ..

[محمد الداود]

وهذا الرد النفيس للدكتورة الفاضلة هدّولا .. عن سؤال يشابه سؤالكم .. في هذا الموضوع
http://www.skaau.com/vb/showthread.php?t=561114


"- ايش تعريف كلمة الصعب عندكم ! , الدرجات أبداً ماهي مقياس للصعوبة أو السهولة
أنا قلت أن المواد ماهي صعبة ولا هي تعجيزية نحن لمن نذاكر بنفهم وبنعرف ايش المكتوب والمادة العلمية اللي بيدرسونا هي مو من الفضاء حاجات سهلة ومنطقية وتنفهم ماهي معادلات رياضية عشان أقول والله نحن مساكين ! , بس ضغطططط نحن اللي مأزمنا ضغط المواد والمحاضرات الكتييييييييير في الفترة القصيرة والدوام وضغط الإختبارات هذا الشي اللي يخلينا من جد نكره نفسنا , وإذا سألتوا أغلب الطلاب بيقولوا لكم نحن بندخل الإختبار مو مختمين المنهج مو محنا فاهمينه إلا في حالات استثنائية لبعض المواد ..

- تعالوا وقولوا لي لو كانت دراسة الطب زي دراسة التخصصات التانية نفس موادنا بس بطريقة الدوام غير مثلا يوم أوف محاضرات في اليوم ساعتين أو ثلاثة محاضرات , والله تجيبوا درجات بالرااحة لأنكم بتلاقوا وقت تذاكروا وتختموا هذا اولا , ثانياً السبب الرئيسي ف7ي خسف المعدلات بالشكل دا هو عدد الساعات للمادة والله يابويا لمن تجيب c ولا b في مثلا ثقافة ولا عربي مابيتأثر المستوى زي لمن تكون في مواد طبية ساعاتها أربعة وخمسة ..


- وأنا من الناس اللي من اول ما أتخصصوا أنخسف المعدل بشكل مو صاحي وبرضه شايفة أن الطب مو صعب !



- وعالعموم لأي أحد حاب يدخل طب , كل واحد له تجربته الخاصة مستحيل نخلي أحد يحكم لنا حياتنا ... دي رسالة وأمانة ومسؤولية وروح مستحيل تستلم دي الثقة وانت منت قادر تتحمل ضغط ولا تبغى كل شي سهل قدامك .. لازم تعاني عشان الأرواح مو لعبة .. عشان لو جيت في يوم تبغى تخالف ضميرك تتذكر قد ايش تعبت عشان توصل للمرحلة دي ...



- آسفة على الإطالة , موفقين جميعاً :)"

[M!SS Lara]

المشاركة الأصلية كتبت بواسطة محمد الداود أخي الحبيب .. قيمة الصعوبة والسهولة تقاس بمدى اجتهادك فيها .. لأني أعرف دوافير في التحضيري رسبوا في مواد والعكس !! فالعبرة بجهدك وعملك فيها لا بشيءٍ آخر .. الطب يحتاج مذاكرة شبه يومية بالميت !! وتراكم الدروس والتسويف تقدر تقول معناته 50٪ رسوب !! عشان كذا اللي يبي طب لازم يكون إنسان محترم جدداً لوقته تقدر تلعب وتقدر تطلع وتقدر تفل برااااحتك .. لكن في بعض الحالات لازم تضحي شوي وتذاكر ""احتراماً لاختيارك كلية الطب وتقديراً لهدفٍ تسعى لأجله"" وفقك الباري .. وأسأله من فضله أن ييسر لك كلّ أمرك إنه سميعٌ مجيب ..

جزآك الله خير د. داوود ع الرد المهم ..
كلامكم يحمسني لدرآسة الطب واشوف وأجربت التعب الي تقولوه

[محمد الداود]

^
بشكل عام .. الاستعداد والشغغل البدري البدري :)
له طعم خاص خااصة قبل الاختبار ..

[kingOFweal]

ما شاء الله عليك يا محمد الداوود من جد كلام رائع ومحمس
بارك الله فيك وتم قرائة رد هدولا من جد كلام معبر
والله يستر ...