موقف :في الثقافة امس جالس اختبر على كرسي هزاز

[بدايتي]

السلام عليكم

والله يا اخوان كرسي هزاز ,, نعم

وفي قاعة الاختبار

جالس بجمبي واحد يهز هز غير طبيعي طبعا التظليل دوائر ولاكنها صارت مثلثات

ذبحني وخلاني من جد اتنرفز

انا اعرف انها لا شعوري عند البعض لاكن والله انها من جد مربكه

قمت صرخت عليه وقلت له وقف خلاص تراني دخت!!

وجاني المراقب ومسك ورقتي والله كان بيسحبها والسبة طبلون الكهرب الي جنبي

طيب بتقولون وش الفائدة من طرح الموضوع؟

اقولكم لو ان المراقب سحب ورقتي والغاء اختباري من المتسبب؟طيب لو التظليل صار غلط من المتسبب؟ طيب لو تشتت ام بنات افكاري من المتسبب؟

طبعاً طبلون الكهرباء...

[asd997]

لاتقولي اختبرت في مبنى 125

قايلك من اول تعالى مبنى 44 بس ماتسمع الكلام

تصدق اني زعلان عشان اختباري لمادة المحاسبة الحكومية بيكون في 125


احبك يامبنى 44

[wooOOoow]

بسم الله عليك .. كان غيرت كرسيك وانتهى الموضوع

[أبوياسر الجهني]

هههههههه
حلوه طبلون الكهرب

اختبر بجنبي واحد الله يشفيه كان مزكم ومعاه رشح
كل شوي يسحب له وحده اقسم بالله كرهت الاختبار

عاد ماهو طبلون كهربه الا درل

[abu.hossam]

اكره هذي الحركة ودايم اتكلم مع اللي مشغلين الهزاز والاسوأ منها يوم يجيك مراقب هذر يبربر مسوي نفسه وسط الامتحان ازعاج وقروشه وعدم تركيز

[عبدالله بن سليمان]

عادي

والي يجي بجنبك سمين

يحط يده اليمين على طاولته

ويده اليسار على طاولتي

وش تسوي فيه

تلمح واذا مافهم

تقوله بالعربي شيل يدك

ها الموقف صار لي شخصيا

[أبو طلال22]

ههههههههههههههه

الله يعينه على تسديد الفاتورة شكلها بتجية دسمه

[max93]

هههههههههههههههههههههههههههههههههههههههههههههههههه هههه

الله يسعدك ضحكت من قلب

[SkAyLaR]

يارجاال اذا جات على كرسي هزاز بسسسسسسيطه ..

المصيبه اذا جلس جمبك واحد مزززززكم .. ياشيخ لو فيك خير حل الاختبار هههههههههه

[asd997]

المشاركة الأصلية كتبت بواسطة عبدالله بن سليمان عادي والي يجي بجنبك سمين يحط يده اليمين على طاولته ويده اليسار على طاولتي وش تسوي فيه تلمح واذا مافهم تقوله بالعربي شيل يدك ها الموقف صار لي شخصيا

هههههههههههههههههههههههههههه

نفس الموقف ذا حصلي كثير وخصوصاً في الدورات التاهلية تلمح تلمح مافي فايدة

الله يعين بس