بخصوص الانجليزي 401 دخول للاهميه

[مشوار طويل]

يا اخوان لاتخافون احفظوا النماذج الثانيه زي اسمك وماراح تطلع الاسئله منها

وماراح يكون في تغيير في النماذج حسب ماشفت بالاترام السابقه من نماذج

اذا حصل تغيير ممكن يحص بالنموذج الي فيه الهرم ممكن يزود الدكتور فقره او يغير في فقره
وفي سؤال توصيل كلامات هو بنموذج الترم الي راح وجابه من برى النماذج

هذا حسب ما استنتجه لمراجعة اسئلة السنوات السابقه ومتابعتي للدكتور


الاهم يا اخوان تكفون ما نبي احد سحضر بالنماذج الثمانيه معاه ونحرج الدكتور

لانو الدكتور محارب بطريقة مع الطلاب من امثال المزجاجي وحداد

وتذكرون الماده كانت بتسحب من الدكتور الترم الي فات

وسببها تصرف الطلاب الي حظروا بالنماذج ونطلوها

لازم نقدر الدكتور ولانجني على اخوينا بالاترام السابقه


اتمنى الرساله وصلت

[STC]

يسلمووووو وياليت يسوون اللي تقوله لانه عين العقل

[ماني من أشباهي]

للأسف في كل ترم وكل ما ادخل اختبار ألقى كثير معهم نماذج اسئلة في القاعة ،
طيب راجع النماذج في السيارة واذا جيت تنزل للقاعة خذ الكتاب او الملخص معك وخل الاسئلة :)
الله يوفق الجميع .

[نايف1]

ربي يوفقك ويسعدك

وكماقال اخوي اقل شي نقدمة للدكتور عدم احضار النماذج للقاعة

[مشوار طويل]

المشاركة الأصلية كتبت بواسطة نايف1 ربي يوفقك ويسعدك وكماقال اخوي اقل شي نقدمة للدكتور عدم احضار النماذج للقاعة

الله يوفقكم على تفاعلكم


وياليت يا اخواااااااااان مانشوووووف ولا نموذج اسئله بالقاعه

يعني يجيني واحد في يده كل النماذج ومايلقى يذاكر الا بالقاعه

والله هذا اسميه تخلف بعد احترامي ولا احد يزعل


خصوصا والدكتور الحركان والله كويس وواقف معانا والله لو الماده عنده غيره لو تجيب معاك الكتاب بالاختبار ما تعرف تحل


المهم يا اخوان اقل مانقدمه للدكتور عدم احضار النماذج الله يوفقكم

لاتحرجون الدكتور ونجني على الطلاب بالاترام الجايه

[الذابح11]

هل يغير الدكتور في ترتيب الاجابات ولا نفس الترتيب

[النجم العالي]

شكرا اخي مشوار وجزاك الله خيرا بالنسبه للي يحضرون بالنماذج صدقني مايدري عن المنتدى اخي مشوار انت توصي اللي في المنتدى لكن لاتنسى ان عدد الطلاب 1178 يعني ثلاثه ارباعهم يحضر بالنماذج الله يعين انا مادري وش يستفيد اذا حضر والنموذج بيده لابعد ويحطه بوسط القاعه صدقوني ياخوان ان الضرر على اخوانا الطلاب في الاترام القادمه

[mood.10]

تكفون نبي أسئلة الأترام السابقه للإطلاع عليها والفائده

[مشوار طويل]

المشاركة الأصلية كتبت بواسطة النجم العالي شكرا اخي مشوار وجزاك الله خيرا بالنسبه للي يحضرون بالنماذج صدقني مايدري عن المنتدى اخي مشوار انت توصي اللي في المنتدى لكن لاتنسى ان عدد الطلاب 1178 يعني ثلاثه ارباعهم يحضر بالنماذج الله يعين انا مادري وش يستفيد اذا حضر والنموذج بيده لابعد ويحطه بوسط القاعه صدقوني ياخوان ان الضرر على اخوانا الطلاب في الاترام القادمه

والله انك صادق


بس بتعاونا والله نقدر نقلل او نقضي على الظاهره هذي التي تسببت بنكبات لطلاب وتغيير اسئلة كثير من الاترام الماضيه


الان الطلاب يحضرون باسئلة وملخصات ويخشون فيها القاعه والي يقهرك انو يقعد بيده ماسكه ولايذاكر منه ويقعد مراقب القاعه يشحذهم يطلعونها عشان الاختبار يبداء


والله يا اخوان ان الحركه هذي ماجابت لنا الا وجع الراس والنكبات

انا ولله الحمد خريج ولم يتبقى لي سوى ايام واغادر الجامعه باذن الله


بس حبيت انبه الاخوان والطلاب على الدخول بالاسئله للقاعه ووالملخصات

وماسببت لنا من احراجات ونكبات مع الدكاتره وللمعلوميه بعض او اغلب الدكاتره تستفزه هذي الملخصات والاسئله وتشووف ملامح وجه تتغير اذا شافها ويقوم يسمع الطلاب كلام هم في غنى عنه

من هنا ويدا بيد بالمنتدى نقدر والله نقضي او نقلل بنسبة 99% من هذي الظاهر بالتكاتف ومناسحة الطلاب الي نلقاهم بالجامعه ومعاه كرتون بيده كله اسئله وكلخصات

التوفيق للجميع

[مشوار طويل]

وعندي ملاحظه ثانيه وقد تكون هي الاهم يا اخوان واتمنى نكون صادقين مع انفسنا بالاعتراف بها لاني شاهدتها كثيرر والله وخربت علينا كثير


في بعض اللطلاب يسئء الكلام مع الدكتور بعض الاختبار لانو اكثر الدكاتره يكون برى جالس عشان يشوف ردود بعض الطلاب ..........................

ولكن للاسف نلاحظ بعض الطلاب ومع احترامي لهم لايملك اسلوب للحديث مع الدكاتره ويتلفظ بكلام قاسي قد ينكب كل الطلاب بسببه ويجني على الطلاب الاترام التاليه

لانو الدكاتره يقيسو طلاب الانتساب وعقلياتهم عليهم بعد الاختبار وشفنا كثير والله

او بعض الطلاب الي يقعد يشحذ الدكتور وحنا ورانا عيال وحنا مساكين وندفع فلوس

يا اخي الي بيتكلم بكلام قاسي او شحاذه يتكلم عن نفسه يقول للدكتور انا ولايقوله نحن الطلاب

المهم مانبي تكون طريقة حديثنا مع الدكاتره قاسيه ومانبيها تكون شحاذه وهذا الي لاحظته على طلاب كثير هداهم الله

نبي يكون اسلوب راقي يدل على درجة تعلم طالب الانتساب وفهمه للحوار واستفادته من كتب ومولفات الجامعه

انا بالنسبه لي طحت في موقفين ومنه موقف مع حداد كلمته بخصوص الاسئله ورفض والله يوقف يكلمن لكن باسلوب احرجة الرجال وخليته يوقف ويسمع مني وش ابي اوصله .... والحيت على الدكتور انو يساعد الطلاب باقل شي 5 درجات المهم نطلع منه بشي ( شعره من جلد ... فائده ) ولكن للاسف قلط علي طالب وخربها مع الدكتور وخربت علينا كلنا لا 5 درجات ولا 10 درجات

تكفون الله الله بالاسلوب لا احد يقول ماعلي منه مايعرفني لاتتسبب بنكبه لاخوياك الطلاب على حسابك

ما ودي اقول حسبي الله ونعم الوكيل على بعض التصرفات الي ما جانا من وراه الا وجع الراس

ولكن اقول الله يهديهم بعض الطلاب


اتمنى ما اطلت عليكم لكن والله هذي الي لاحظته من اربع سنين وانا خريج الان الحمدلله

ولو ما ابي مصلحة الطلاب ماكان نزلت الموضع هذا ولا كتبته كان قلت خريج وش علي منهم

بس دامني استفدت من المنتدى والطلاب الله يوفقهم ليش ما افيدهم بالي ينفعهم واحذرهم من بعض السلبيات بالحياة الجامعيه

بالتوفيق لكم