التحويل ولا التسجيل من جديد !

[محمد907]

السلام عليكم

وش الأفضل احول من جامعة الملك سعود ولا اسجل كأني طالب جديد ؟

من شروط التحويل ما ينزل المعدل عن 3 وأنا الحمدلله معدلي عالي

ولا من جديد مع اني حسبت معدلي التراكمي طلع 80.40%

وبعدين يا أخوان كم عندكم قسم للطب ؟

قريت في طب جدة الرئيسي وفي شمال جدة وفي طب عفيسان وطب موازي
ليش التفرقة كذاا ولا في اختلاف ؟

بالنسبة للطب انا قاري الشروط ويقول ما ينزل عن b+ في الأحياء والكيمياء والفيزياء

هل هو شرط اجباري ؟ طيب تخيلوا محد جاب b+ من الطلاب في المواد هذي يعني بتقفل كلية الطب محد بيدخلها ؟

ومعدلات التسكين للطب هل هي مرتفعة ولا عادية ؟ واحد مثلي ضامن الآيلتس يعني بسهولة ادخل طب إن شاء الله والمواد الثانية صارت عادية.

ويا ليت احد يفهمني طريقة التسكين ؟

الله يعيني ع الغربة

[سملّق :)]

أولاً : مافي فرع اسمه عفيسان .. الله يعفس ابليسك عفست أم أبو جد الفررع ههههه

واجابة على اسئلتك أخي

يمديك تروح موقع الجامعة وتقرأ شروط التحويل بنفسك .. وتتخذ قرار من هناك ..

أما اذا تبيها كذا يعني على بلاطة .. انا اقول لك

يقول لك ياحبيبي انت لازم تدرس تحضيري .. محوّل ،، ولا مسجل من جديد / الله لايعوق بشر بتدرس يعني بتدرس .. حتى لو كنت جاي من هارفارد .. لازم تدرس المواد حقت التحضيري ..

وانك لازم معدلك فوق الـ 3 .. وانت ماشاء الله معدلك عالي .. ( لذا ماعندك اي مشكلة من هالناحية )

وانك ( اللهم صل على محمد ) لازم تكون منت جايب العيد في مادة في المكان اللي انت حولت منه ..

،،،،


طيب نجي للسؤال المهم .. بتقول ( اجل كيف يعادلون لي المواد واناا برجع ادرس تحضيري من جديد ؟؟ )

سؤؤؤؤال يسدح نفسه


انا اجاوبك ...... يقول لك اول شيء انت تحول للملك عبدالعزيز ( طيب الله ثراه ) وبعدين يدرسونك تحضيري زي ما قلنااااااا .. أسوة بالطلاب المجدعين اللي قدامك .. وانك لازم تمر على ( نزار رضوان ) عشان يذوقك من سوط عذابه قليلاً لوهلة ما

المهم ياخويي بعد ماتدرس التحضيري وتخلص من هالسنة اللي مدري وش تبي .. يصير وقتها زيك زي اي طالب من جامعة الملك عبدالعزيز ( الطلاب الاصليين ) << حسيت اني في امريكا ايام كولمبوس ههههههه ( سكان اصليين ) و( سكان مستوردين ) ههههههه



المهم ياخويي اكمل لك .. بعدها تتخصص على حسب درجاتك .. يعني درجاتك كويسة وصاير مصطفى ماشاء الله عليك راح تخش الطب .. اما اذا درجاتك من جنب القدّة زي بعض العالم .. فوالله ان مامعك ياخويي الا كلية العلوم وتخب عليك هههه


بعدها اذا تخصصت وصرت كبير ماشاء الله عليك .. ذااااااااك الووووووقت ( يفكرون يعادلون لك المواد )
وتروح تقدم ، وياخذون طلبك ويعادلون لك المواد اللي تعجبهم .. واللي ماتعجبهم ( بلها واشرب مويتها ) ههههههه

وبعدها .. تبدأ تمشي في التخصص وتدرس طبيعي (( على اساس انك اول مو طبيعي )) هههه


المهم نستنتج من كلامي يا أخي الفاضل :

1) انك راح تدرس سنة تحضيرية .. راح تدرس سنة تحضيرية في كلا الحالتين
وانك راح تمر على نزار رضوان ( الله لايعوق بشر ) في كلا الحالتين ..

2) وانك راح تمر بمشوار التسكين زيك زي اي طالب في الجامعة .. على حسب معدلك ودرجاتك


اللهم الشيء الوحيد اللي تتميز فيه ( انهم يعادلون لك بعض المواد بعد التخصص ) وليس قبل التخصص




يعني فرضاً لاسمح الله .. انت تخصصك طبي في جامعة الملك سعود ،، وجيت هنا بمواد طبيــّة بحته ..

ويعني لاسمح الله .. الزمان خانك وأنقبلت في الهندســــــــــة !!! وما انقبلت في الطب !!!!!

في هذي الحالة ( يقومون ويشتالون درجاتك .. وبأقوى ماعطاهم ربي يرمونها في وجهك )

لانها ببساطة = ماتخدم تخصصك ..

......

أما حكاية انهم يعادلون لك من مواد السنة التحضيرية .. بئا أبلني اذا سووها ..

،،،،


زي ماقلت لك .. الشغلة نسبية ولا احد يقدر يعلمك فيها او يفتي لك ( كل اللي نقدر نقدمه لك ) = معلومات فقط

انت ادرى بنفسك .. وادرى بمستواك .. شوف حالتك .. بناءاً على المعلومات اعلاه

وقرر ،، واستخر ربك .. واستشير كبار هيئة العلماء .. وماخاب من استشار ولا ندم من استخار ..

ولكن حكاية ان واحد يجي يفتي لك ويقول يافلان سوي كذا !! ترى بتتوهق ..



انت شوف حالتك وشوف هل تقدر تجيب معدل يدخلك طب في الملك عبد العزيز ؟؟ وهل هذي المواد اللي تبي تعادلها راح تخدمك في تخصصك المستقبلي ؟؟

....


أخيراً .. وليس اخراً / التمس منك العذر على الرد الطووويل ولكن وش نسوي وانا اخوك

فاضي .. وابي اسوي يعنني سويت شيء مهم :)))

وهذا وشسمه الدرجات في الاودس ماهي راضية تنزل .. وقلنا نطقطق على هالمنتدى شوي ليييين يجي من الله نصر وفتح قريب ..


يالله الله يوفقك :))

[سملّق :)]

ايوه ايوه نسيت ...

بخصوص تقفيل كلية الطب .. انت تقول اذا أحد ماجاب b+ ..؟؟؟؟؟؟؟؟ ههههي ههههاا

قال ايه قال تتقفل ..

اي تتقفل يابن الحلال !! اصلاً ناس جايبين المعدل المطلوب وزيادة ولا قدروا يدخلونها


تتقفل .. منجدك تتكلم .. هذي كلية((((( الطب)))))) ..

ماهي زي بعض الكليات اللي في احصائيات السنة اللي راحت ، كان فيها ( 11 ) طالب هههههههههههههه

هذولا نص قاعة تكفيهم :))

[محمد907]

ههههههههههههههههه

والله ما ادري كأني قريها زي كذاا

تخيل ادرس في هارفارد واجي افتح موضوع بهالشكل خخخخ

ع العموم مشكوور ما قصرت

ننتظر باقي الأخوان

[Dr.Hend]

اضافه على الكلام الموجود

المعادله تتم وقت قبل ما يبدا يبدرس

يعني بعض المواد اللي تنأخذ بالتحضيري تتعادل له مو بعد ما يتخصص

الكلام ذا عن تجربه (=

[محمد907]

أنا ما ابي يعادلون موادي

لأني حامل مادة

ابي بس يقبلوني كطالب جديد

أقدر ؟

[محمد907]

أقصد في السنة التحضيرية

[S.Bn]

^^^^

ايوا بإذن الله يقبلوك

[املي بك يالله]

ايوا ان شاء الله
يقبلوك

موفق