( .. وظائف للسعوديين بالكويت .. )

[ولد الجهراء .....]

المشاركة الأصلية كتبت بواسطة سمارت غيرل لجل الله اخوي لا تلمع الكويتيات من هالناحية، خل تنحل مشكلة العنوسة في بلدنا

لا ماألمع أنا ساكن بالكويت وغير بنت السعوديه ماأخذ

وبكل شي كلن له رأي وتوجه اللي يبي يأخذ إن شاءالله من مصر والا أفريقيا يحق له



مشكلة العوانس حلهاااا بيد الحكومه توظيف العاطلين وتعطيهم المهر

والشي الثاني من أهل العروس لازم يخففون الطلبات

الكويت يعطون المواطن 6 الاف دينار مهر يعني 80 ألف ريال

الاف له هديه والفين يقصد على كيفه

ليت الحكومه تشوف الخليج حولناااا وترتقي بشعبهااا


مشكوره عالمرور

[عبدالعزيز حسين]

اخوي ولد الجهراء
اول شي الله يعطيك العافية و جزاك الله خير و ما قصرت لانني و الله العظيم كنت شايل هم كبير خصوصاً انه اهلي خلاص انتقلو من الكويت للشرقيه قبل 4 شهور وانا صراحه دورت كل مكان ما حصلت على وظيفة فقلت شكلي ابي ارد للكويت عند خوالي و ادور و انت ما قصرت نورتني و علمتني جزاك الله الف خير
و بالنسبة للردود الي مالها داعي ترا حرام عليكم الرجال و الله ما قصر و انت يا خوي لا تشيل همهم ترا و الله العظيم ما عندها ما عند جدتي على الكلام الي كتبته قبل شوي و بعدين الكويتين و السعودين اخوان و عيال عم ما يفرقهم شي تافه من شخص
اانا انولدت بالكويت و طول عمري عايش فيها والله العظيم اني ما واجهت من اهل الكويت الا كل خير ويشهد علي ربي
و بعدين شنو فيها اذا السعودي راح للكويت واشتغل ؟ ترا قاعد بين اهله و ناسه حتى لو اول مره يطب الكويت ما راح يحس بغربه
شنو ذنبهم اذا مو لاقين وظايف بديرتهم ؟ هل اقعد بطالي و انطر لين احد يدورلي حلول ؟
و الله قمت استحي اطلب فلوس من ابوي انا رجال متعلم ماني محصل على وظيفه في ديرتي شسوي اقعد رجل على رجل و انطر حلول ؟
وبعدين اهل الكويت ما عمرهم تكرمو علينا بشي و الله انا ابوي من انولدت و هو يشتغل بالبحرية الكويتيه و تقاعد ولله الحمد و رجع للسعوديه ما عمره انكر هذا الشي وترا مو عيب اذا الواحد اشتغل بالخليج ترا الخليج كله واحد و ما يفرقنا شي و حرام عليج اتفرقين بيننا
و زبده الموضوع يبا اذا ما تبين على قولتج الكويتين يتكرمون عليج خلاص اقعدي بمكانج و لا تتهجمين عليهم ترا و الله عيب و ما يصير تجرحين بالمصرين ترا كلنا مسلمين
و مره ثانيه اخوي ولد الجهراء مشكور والله يجزاك خير و اعذروني اذا كنت غلطت على احد

[ولد الجهراء .....]

المشاركة الأصلية كتبت بواسطة عبدالعزيز حسين اخوي ولد الجهراء اول شي الله يعطيك العافية و جزاك الله خير و ما قصرت لانني و الله العظيم كنت شايل هم كبير خصوصاً انه اهلي خلاص انتقلو من الكويت للشرقيه قبل 4 شهور وانا صراحه دورت كل مكان ما حصلت على وظيفة فقلت شكلي ابي ارد للكويت عند خوالي و ادور و انت ما قصرت نورتني و علمتني جزاك الله الف خير و بالنسبة للردود الي مالها داعي ترا حرام عليكم الرجال و الله ما قصر و انت يا خوي لا تشيل همهم ترا و الله العظيم ما عندها ما عند جدتي على الكلام الي كتبته قبل شوي و بعدين الكويتين و السعودين اخوان و عيال عم ما يفرقهم شي تافه من شخص اانا انولدت بالكويت و طول عمري عايش فيها والله العظيم اني ما واجهت من اهل الكويت الا كل خير ويشهد علي ربي و بعدين شنو فيها اذا السعودي راح للكويت واشتغل ؟ ترا قاعد بين اهله و ناسه حتى لو اول مره يطب الكويت ما راح يحس بغربه شنو ذنبهم اذا مو لاقين وظايف بديرتهم ؟ هل اقعد بطالي و انطر لين احد يدورلي حلول ؟ و الله قمت استحي اطلب فلوس من ابوي انا رجال متعلم ماني محصل على وظيفه في ديرتي شسوي اقعد رجل على رجل و انطر حلول ؟ وبعدين اهل الكويت ما عمرهم تكرمو علينا بشي و الله انا ابوي من انولدت و هو يشتغل بالبحرية الكويتيه و تقاعد ولله الحمد و رجع للسعوديه ما عمره انكر هذا الشي وترا مو عيب اذا الواحد اشتغل بالخليج ترا الخليج كله واحد و ما يفرقنا شي و حرام عليج اتفرقين بيننا و زبده الموضوع يبا اذا ما تبين على قولتج الكويتين يتكرمون عليج خلاص اقعدي بمكانج و لا تتهجمين عليهم ترا و الله عيب و ما يصير تجرحين بالمصرين ترا كلنا مسلمين و مره ثانيه اخوي ولد الجهراء مشكور والله يجزاك خير و اعذروني اذا كنت غلطت على احد

الله يجزاك خير

الله يعافيك ياأخوي

مشكور عالكلام الطيب أخوي عبدالعزيز

وصدقت الرجل يسعى للرزق بين المسلمين سواء بالكويت اوبالسعوديه او غيره


وماعليه يالغالي حتى اللي يتكلمون يبقون أخوان لكن لهم أراء أخرى رغم أنه المفروض

مايحطونها بالموضوع لأن الموضوع للفايده والمساعده باللي نقدر عليه انا ولا غيري

وأنا صج مرات فيه ردود تضيق خلقي من فئات من الناس لكني أستمريت في الموضوع

لأني أدري أنه بإذن الله فيه ناس بيستفيدون من هالموضوع فلا بد نتغاضى عن أمور ونتحملهاا

لأجل ناس يحتاجون أحد ربما يفيد بمعلومهم تتغير فيها حياته أو احد يلقى رزق يفتح فيه بيت

وأنا ماأبي أحد يمدح فيني من الناس ولا أحد حتى يعرفني


سبب الموضوع لأني عايش بالكويت وشايف السعوديين شلون أمورهم زينه وأهل الشهايد

موظفين وظايف زينه , لأني ودي أساعد شباب بلدي العاطلين .


وخل اللي يتكلم يتكلم

ماعند الله خيرا وأبقى


وعسى ربي يوفقك ويفتحها بوجهك


( إذا أنت بالشرقيه تحديدا الدمام أوالجبيل ) وحاب تتوظف فيهاااا بالشركات الكبيره علمني وراح أقول لك وين تروح ولمنو تروح ؟




مشكور على الكلام الطيب يالطيب

[عبدالعزيز حسين]

اي و الله انا اهلي ساكنين بالدمام

[ولد الجهراء .....]

المشاركة الأصلية كتبت بواسطة عبدالعزيز حسين اي و الله انا اهلي ساكنين بالدمام

موفقين إن شاء الله

بدز لك رساله بالخاص إن شاء الله فيها كل شيء

[وفيت وبكيت]

المشاركة الأصلية كتبت بواسطة ولد الجهراء ..... وعليكم السلام ورحمة الله وبركاته .... حاضر إذا تبي أرسل أوراقك وراح أحط تلفوني عندهم بس بالاول حط لي مجالات التوظيف حق هالتخصص وين ؟؟ أيميلي موجود في بداية الموضوع

أخوي ولد الجهراء أرسلت لك مجالات التوظيف والسي في لي أيميلك
يعطيك العافيه على هالمجهود.

[ولد الجهراء .....]

المشاركة الأصلية كتبت بواسطة وفيت وبكيت أخوي ولد الجهراء أرسلت لك مجالات التوظيف والسي في لي أيميلك يعطيك العافيه على هالمجهود.

الله يعافيك يالغالي

أبشر بس أرجع الكويت راح أطبع الأوراق وأراجع بالمعامله

ولما أقدم الأوراق راح أعطيك خبر وأقولك شنو يصير معاي


وبالتوفيق إن شاء الله

[خريج بممتاز]

السلام عليكم ورحمة الله وبركاته ..
اولا: اخوي تحية عطرة لك على جهودك واسأل الله العلي العظيم ان ينفع بك الامة ..
ثانيا: انا خريج هذه السنة ما مر على تخرجي اكثر من اسبوعين تخصص تربية خاصة
مسار صعوبات تعلم وتقديري ممتاز مع مرتبة الشرف واتمنى ان اجد وظيفة كمعيد في احد الجامعات
او في التعليم اذا كان افضل وله مميزات اعلى من ماهو موجود عندنا .. ولو تقدر تساعدني بأي شي انا
بكون ممتن لك .. واسأل الله لي ولك الاجر ..

[توووbearooيتي]

ههههههههههههـ أمبيهـ نصّ آلشعبِ آلإسكَآآوٍيْ بيهَآآجِر للكُويتْ ،،،،

آلحححينْ طيّب حِلّوآآ لنَآآ مِشكلة هـ آآآلمححرًمم

[خريج بممتاز]

مهما صار ما اقول غير الله يسامحك يا وطني ..*_*