درجاتكم في غير عضوية مع اماني ؟؟؟؟؟

[حنان 90]

كل وحدة اخذت المادة مع اماني ياليت تقول درجتها , لان لاحظت ان تصحيحها يخسف بالدرجااات
انا رسبت فيها ..<< اول مرة يصير لي كذا
رحت اليوم الشؤون اشوف درجاتي , طلعت مررة منخفضة شيء مو طبيعي
ورحت لها غرفتها عشان اشوف الورق بس غرفتها مقفلة

و النشاط اللي عليه 10 , عطتني 5 , تخيلوا وهو شغل متعوب عليه , استعرت كتابين من المكتبة , واستخرجت معلومات , وترجمتها للانجليزي , وكتبتها ,واضفت معلومات بسيطة من النت
يعني مو زي البعض اللي بس ينسخ ويلصق من النت في دقيقتين .
بس نسيت مااسوي الغلاف وماكتبت اسمي والشعبة بالكمبيوتر ! وقالت بنقصك عليها

ماادري اذا من جد نقصتني 5 درجات عشان هذا السبب !! ظلم

يعني احس مررة ماتعطي درجات وشكلها مررة ماتراعي في التصحيح بعد

سمعت ان فيها كثير رسبوا فيها !!
المشكلة انها هي الوحيدة اللي تعطي المادة ؟

انا اسألكم كم درجاتكم عشان بشوف بس انا اللي درجاتي مخسوفة ولا الكل ؟

[بيو كيميائية ^_^]

الله يعوض عليكِ

بس أنتِ كيف كانت درجاتك في الدوريات أصلًا ؟؟

وعلى النشاط ترا هي قالت اللي 5 وكتبت اسمائهم لهم فرصة يعيدون البحث حقهم وآخر يوم لهم يوم الإختبار

وصديقتي عادته لها

ايش كان موضوعك ؟؟

كتبتبي الرفرينس أو لا عملتي تيبل اوف كونتنت أو لا

لازم تشوفي ليه عطتك 5

أنتِ تعبتي فيه لكن يمكن ماكتبتي صح يعني فيه بنات كانوا كاتبين عن العنصر من ناحية كيميائية وهذا غلط أو عنصر ماهو من العناصر مثلًا اوكزليت

أيضًا أماني ماتخسف في التصحيح بس تعطي كل وحدة حقها مو معقولة تحط صح على شيء ناقص أو شيء ماله علاقة

وعلى فكرة صديقتي دخلت الفاينل وباقي لها كثير على النجاح لكن الحمدلله حلت أحسن من كل مرة ونجحت فيها فلو كانت تخسف الدرجات كان مانجحت

أنا أخذت المادة الترم اللي فات والحمدلله درجتي حلوة وهذا الترم أخذت معاها البحث ومرة حلو الحمدلله

بالمناسبة إذا تبين نتأكد من حلك بإمكانك تقولي الأسئلة وتكتبي إجابتها نفس اللي كتبيته وأنا بقول لك صح أو خطأ ونشوف مين الغلطان

وإن كانت هي غلطانة راح تاخذي حقك أكيد وتتعدل لكـ

الله يوفقك ويعوض عليك يارب

[فتاة جدة الذهبية]

ياقلبي الله يعوضك خيير...بس ادا انت متأكدة من درجاتك اللي بالدوريات انها كويسه فروحي راجعي ورقتك ضرورري

[لوفه]

الحمدلله درجتي راضية عنها ود/أماني مااتوقع تظلم احد
اذا متأكدة انك حليتي راجعي ورقتك زي ماقالو البنات

[MALY]

لحمدلله درجتي راضية عنها ود/أماني مااتوقع تظلم احد اذا متأكدة انك حليتي راجعي ورقتك زي ماقالو البنات

نفس اللي كنت راح اقوله

[دروووووووب]

بشرينا لو تعدلت درجتكي او طلع في خطاء ولا حاجه ... بالدات لو كنتي حاسه انك جاوبتي كويس راجعي وتاكدي عشان مصلحتك

الله يعين بس على دي الجامعه ...