افيدوني بتخصص ادارة عامه بالمتخصصين

[الابتسامه الورديه]

السلام عليكم ورحمة الله وبركاته

اصدقائي واخواني الكرام

انا انتهيت من السنه التحضيريه الحمدالله

وكالعاده ومثلي مثل غيري الحيره والخوف تذبحني

ابغا اعرف منكم انتو دارسين التخصص وعارفين

هل هوا صعب ولا سهل ؟؟ ممتع ولا ممل ؟؟

كيف اسالة الاختبارات فيه صعبه ولا سهله

يعني لو دخلته اقدر اجتاز بدرجه حلوه ولا على الحافه ؟؟؟

خصوصا انا متخوفه مره من القسم بس هوا مستقبله افضل من غيره

ولا تنصحوني اخدها من قصيرها وادخل علم نفس احسن ؟؟

ارجوكم ساعدوني والف شكر لكم

[عيوني حزينه]

بقول لك شيء قبل ما تدخلين اذا تقدرين تذاكرين كويس ما في شي صعب ابداً ابداً فيه مواد صعبه شوي بس لما تاخذين دروس خصوصيه حتوشفيها سهله بالنسبه لك وباقي المواد حلوه بالنسبة للمواد الصعبه في قسم الادارة العامة هي الاقتصاد الجزئي - مبادىءالمحاسبة - المحاسبه الحكومية - بحوث العمليات كل هذه المواد تعتبر حسابيه وباقي المواد نظريه واعزمي وتوكلي على الله وحافظي على المعدل لا ينزل بس ... بالتوفيق

[الابتسامه الورديه]

الف شكر عيوني على كلامك والنصيحه
انا فاشله بالحساب وبجداره بس الله يستر

انتظر الباقي

[عبدالله بن سليمان]

تخصص الادارة العامة

فيه مواد نظرية وهي

مبادئ المحاسبة

الاقتصاد الجزئي

محاسبة حكومية

بحوث العمليات

باقي المواد نظرية

لاكن نظرية تعتمد على الفهم بالدرجة الأولى

يعني مو مثل مواد تخصصات كلية الآداب

تحفظها وتدخل الاختبار

لا مواد الادارة العامة الي هي مواد التخصص

تعتمد على الفهم

والأسئلة تجي من بين السطور

ونصيحتي لك باختيار التخصص

إذا كنتي تبغين التدريس روحي كلية الآداب

وإذا كنتي تبغين العمل الإداري الحكومي روحي إدارة عامة

وإذا كنتي تبغين العمل في القطاع الخاص شركات ومؤسسات روحي إدارة أعمال

بالتوفيق

[الكمثرا]

إذا كنتي تبغين التدريس روحي كلية الآداب

وإذا كنتي تبغين العمل الإداري الحكومي روحي إدارة عامة

وإذا كنتي تبغين العمل في القطاع الخاص شركات ومؤسسات روحي إدارة أعمال

بالتوفيق[/quote]


اولاً ودي اقول مافية شئ اسمه تدريس بالنسبة لطلاب الانساب

ثانياً ودي اقول للاخت ان قسم الادارة العامة صعب شوي للي يبغى درجات ومعدل حلو

افضل قسم من حيث التخرج بامتياز هو تخصص الاعلام مرة سهل

هذا ماوددت اضافته وشكراً

[h99m]

مع العزيمة مافيه شي صعب والدراسة في جميع الكليات تبغى منك مجهود ويحدد ذلك الرغبه والميول والفايدة من الاختيار ولافيه احد ادرى منك في نفسك بس التوكل على الله قبل كل شي واستخيري في امرك

[أمير بكلمتي@@]

اختي اذا انك تبين بس شهاده جامعيه خشي كلية الاداب بكل اقسامها سهل اما اذا تبين وظيفه زينه خشي الاداره العامه مسار عام بس يبي له دراسه وبعدين الماده ترجع لدكتورها اذا سهلها والله لو انها صعبه تتفوقين فيها ولو انها سهله ودكتورها مصعب الاسئله مثل المزجاجي بماده اخلاقيات العمل شئ ثاني انا والله لو اني مكانك كان اخش اداره عامه
ولابالاخير انتي دافعه فلوس دافعه ومذاكره مذاكره خشي اداره عامه وريحي نفسك والله انا اداره عامه مسار عام ومعدلي الحمد لله زين كنت تخصص علم اجتماع بس احمد ربي اني حولت اداره عامه وكل الشباب متندمين انهم ماخشو معي والسلام