بليز ساعدوني جايتكم من تحضيري

[136]

بليز ساعدوني جايتكم من تحضيري
السلام عليكم
لوسمحتو ابا رأيكم سمعت
انو القسم الوحيد الي اقدر احول منو ع الطب هوا قسم العلوم
دا الشي صح ولا غلط؟
تاني شي لو كان الكلام دا صح ايش. افضل قسم ادخلو
مع العلم اني احب الكيميا واستمتع في الماده

و ابا ادخل علوم طبيه علاج طبيعي
اتمنى انكم تساعدوني

[بنت كيوت على طول]

اتوقع احسن قسم عشان تحولي للطب هو الكيميا الحيوية عشان موادها قريبة منها وبالتوفيق يارب

[d.tooty]

يب صح كلامك العلوم تقدري تحولي منها للكليات الصحيه
ادخلي احيا او كيميا حيوي عشان موادو قريبه من الطب
وبالتوفيق يارب (:

[بيو كيميائية ^_^]

دخلي القسم اللي أنتِ حابته عشان لو الله ماكتب لك إلا أنك تكوني في التخصص اللي تحبيه

أو من الأساس سجلي في المنحة وروحي كلية أهلية و عادلي المواد ودرسي أفضل وأضمن لك

لأن التحويل المعدل التراكمي مايقل عن 4ونص

بالتوفيق

[dr.imey]

شوفي ي عسسل

انا ممكن افيدك بموضوعك

لاني مريت في حالتك تماما

اتخرجت من التحضيري بنسبة موزونة 83 ومعدل 4.17

كنت ابغا علوم طبية تطبيقية (علاج طبيعي) وسكنوني علوم

طبعا بعد بكا ونفسية وحالة فكرت اني اقدم على ابن سينا او منحة داخلية

لكن كانت عقبتي انو بجدة كلية البترجي وجامعة الملك عبدالعزيز هما الوحيدتين اللي فيهم دراسة علاج طبيعي

سلمت امري لربي واتخصصت كيميا حيوي ودرست سمسترين

رفعت فيهم معدلي الى 4.55 لانو من شروط التحويل انو معدلك اعلى من 4.5

والان انتظر عملية التحويل ودعواتك

لاتيأسي اذا معدلك ف التحضيري حاليا اعلى مني او ممكن يترفع بسهولة

ولو تحتاجي جدول المواد اللي اخذتها عشان ترفعني والكتب وككل التفاصيل عندي

اذا احتجتيني انا ف الخدمة

[136]

بليز ايوا قوليلي ايش اخدتي
طيب دحين صح الي محمل ماده صيفي يروح عليه الطب
حتى لو اجتاز الماده ودخل علوم سنه وكان المعدل عالي؟!

[dr.imey]

اذا حملتي المادة بدا الصيف حيمنعك تتسكني ف الطب لكن بعد سنة مايمنعك تحولي

طيب ي عسل

اول قوليلي كم معدلك تتوقعي بعد ماتجتازي هاذي المادة ف الصيف

لانو ممكن مهما شديتي ماتوصلي ل 4.5 وتكوني ضيعتي سنة عالفاضي

اذا كدا افضل لك تشوفي منحة وتروحي لكلية اهلية

[Noor Moon]

بسالك كيف الكيمياء حيوي
فيلو آحياء كتيرر

هل نقدر نجيب الخمسه

وكيف مستوى السهوله والصعوبه
وهل فيه محاضرات تطبيق مثلا في مختبرات

سوري لصاحبة الموضوع

[dr.imey]

والله حبيبي انا لاني دخلت الكيميا حيوي وانا موناوية اكمل فيه

فمااخذت غير في السنة ذي مادتين في تخصصي ومادة اختياري

وكلللهم مستوى سهولتهم زي الموية

لوذاكرتي اول باول حتجيبي الايه بلس

ومافهمت اش قصدك محاضرات تطبيق

لكن فيه معامل عليها25 درجة من المادة وتكون يوم في الاسبوع 3 ساعات

بس لزوزة واسهل من النظري

وبالتوفيق

[Noor Moon]

المشاركة الأصلية كتبت بواسطة dr.imey والله حبيبي انا لاني دخلت الكيميا حيوي وانا موناوية اكمل فيه فمااخذت غير في السنة ذي مادتين في تخصصي ومادة اختياري وكلللهم مستوى سهولتهم زي الموية لوذاكرتي اول باول حتجيبي الايه بلس ومافهمت اش قصدك محاضرات تطبيق لكن فيه معامل عليها25 درجة من المادة وتكون يوم في الاسبوع 3 ساعات بس لزوزة واسهل من النظري وبالتوفيق

كوويس ريحتيني يسلمو
انا اقصد ناخد محاضرات في مختبر
يعطيگِ العافيه حبيبتي ماقصرتي