سؤال لاي احد في قسم التغذيه الاكلينيه

[د.راقي جدا]

سؤال لو سمحتم

ايش الفرق بين التغذية في كلية العلوم التطبيقية

و التغذية في اقتصاد المنزلي ( غير سنة الأمتياز )

قصدي طبيعة الوظيفة و الدراسة و الرواتب

[do0ody-do]

الي في الاقتصاد المنزلي مستحييييييييييييل يوصفوا انظمة غذائية ،، مالهم تعامل مع المرضى ،، يطبخوا " نحنا م نطبخ ابدا " .. دراستنا طبية بحتة يعني امراض بس علاجها بالغذاء ..

ابدااااااااا عمره م كانت سنة الامتياز هيا الفرق الوحيد

[do0ody-do]

بالنسبة للراتب .. سلم الرواتب يحكم ..

[مرام12]

^
لا حبيبي قسم التغذية الي في الاقتصاد ما يطبخوا !
فيه بنات اتخرجوا منها والحين هم موظفات في المستشفى فنيات تغذية وبس ياخذو ماستر يصيروا اخصائيات

[do0ody-do]

اقصد عندكم طبخ خلال فترة الدراسة .. نحنا ابدا م عندنا و لا حتا كيف اسلق بيضة ..

اوك تصير اخصائية بعد الماستر بس لما تجي تقارني بين وحدة اخصائية اولى تغذية علاجية بالماستر و وحدة لسا أخصائية تغذية و غذاء من الاقتصاد .. و الافضلية بينهم ؟ .. دا يفرق .. و يفرق كتير كمان ..

و لا م كان اخدوا بالمعدلات و تعبوا نفسهم و فتحوا قسم لحاله في كلية طبية و جابوا دكاترة و عملوا منهج .. اذا كان نفس الشي .. مو ؟

[do0ody-do]

و الفنيين مهم زي الاخصائين .. فنية ابدا م تقدر تعمل نظام و تقابل مرضى ..

[NEW IN KAU]

مرحبا
انا الحمد لله انقبلت علوم طبية تطبيقية
عندي سؤالين
1- متى اقدر اختار التخصص داخل الكلية ؟ وفين ؟
2- لمن اتخرج ان شاء الله من التغذية ايش حكون فنية ؟ ولا دكتورة ولا ايش بالظبط
وشكرا لكم

[AM00NA]

^^
مرحبتين عزيزتي ..

1- اول يوم في الكلية راح يعطونكم استمارات وتحطين فيها
ترتيب رغباتك بالنسبة للتخصصات ..
وبعدها بثلاثه ايام ممكن يتم اعلان الاسماء والتخصصات
والغالب كل طالبه تتخصص في الشي اللي هي تبغاه ..

2- ان شاءالله اذا اتخرجتي راح يكون مسماك " اخصآئية تغذية اكلينيكية"..

ومبروك القبول وبالتوفيق ان شاءالله (:

[RENAD1994]

الله يكتب لي و احول لعندكم

بس ابغى اعرف متى اقدر احول ؟

انا موزونتي اعلى من الموزونة المطلوبة للالتحاق بالكلية بس مافي مقاعد متاحة

ف كيف حيكون يعني انتظر لبداية السنة و الا ايش بالضبط ؟؟

[RENAD1994]

علما باني انقبلت في كلية الحاسبات يعني حتى مو كلية تمريض والا شي صحي =(

ابغى اعرف ايش مفروض اسوي

ما ابغى الفرص تضيع من يدي و انا اتفرج

آحد يفيدني يا جمآعة الخير