سؤال لأصحاب الخبرة ضروري

[ولد مطير]

السلام عليكم ورحمة الله وبركاته ...لو سمحتوا عندي سؤال هل أستطيع ان احول من كلية الحاسبات إل كلية العلوم الطبية التطبيقية لأنها امنيتي من يوم عرفت الدنيا وإذا كان في إحتمال اروح اكلم مين ..... وإن شاء الله إذا تيسرت معاي وحولت هل متوفر لها مستقبل و مجالات توظيف وجزاكم الله خير

[صدى الأحلام]

اهلا اخوي

يب يمديك تحول وبالنسبه انك تكلم مين ف دا من العماده بس انا كنت اشوف طالبات يروحو لنفس الكليه ف الشؤون التعليميه و يحاولو معاهم.دا بالنسبه للطالبات بس الاولاد ما ادري بس برضو انت حاول من نفس الكليه لانو العماده ماتعطيك خبر ع سيره واذا ما رضيو يحولوك ف ما عليك الا انك تدرس سنه ف الحاسب و تجيب معدل بعدين تحول

بالتوفيق يارب

[قصة غروب]

وعليكم السلام ورحمة الله وبركاته.
اهلا وسهلا اخوي الغالي.
قبل كل شي اسال الله ان ييسرلك امرك ويشرح لك صدرك ويكتبلك الخير وين ماتكون ويحقق مبتغاك يارب.
اخوي الله يسعدك التحويل للعلوم الطبيه والكليات الطبيه مايكون غير من كلية العلوم.
وف الاوديوس لما يفتحوا التحويل اللي من كليه غير العلوم اظن مايفتحوا لهم الكليات الطبيه وممكن ف الاوديوس الجديد يفتحوا لكم.
لكن في كل الحالات هذي مومشكله ان شاء الله اخوي.
انتا ممكن ترسل معامله الكترونيه وتطلب فيها التحويل وهم بيردوا عليك.
ولو ماردوا برضو ممكن تروح عمادة القبول والتسجيل وتروح لمنسق الكليات الطبيه اسمه الاستاذ حسن الشلال اظن.
وكلمه وهو بيساعدك ان شاء الله لان هو المسؤل عن تسكين الطلاب ف الكليات الطبيه.
اتمنى اني اكون افدتك
وربي يوفقك ويكتبلك الخير اخوي الغالي.
ربي يسعدك ويوفقك
تحياتي....

[ولد مطير]

جزاكم الله خير على الردود