أرجوكم أرجوكم احتاج نصيحه

[Dr.Passed]

ما ادري انا بامر بمرحله غريبه جدا ما ادري كيف حاكمل في كليه الطب كده

نفسيتي مره تعبانه سرلي كم شهر بس انا اسكت واحاول اتناسى وأتحمل واقول عادي

انا شهدت حاله وفاه من كم شهر ومني قادره مره متأثره احس اني ما اتحمل

كيف حستمر كده؟
اول كنت منشغله في الدراسه و الامتحانات ما عندي وقت افكر واكتئب بس دحين ما ادري اشبي سرلي اسبوع استرجع و افكر واكتئب انا عمرها نفسيتي ما سارت كده

والله ما ادري ايش في ..مني قادره أنام في الليل من كتر الضيقه الي فيا

يغني الحمد لله باصلي واقرى قران بس في شي غريب انا ما ادري اشبي كده

ما ادري هوا موضوع الوفاه و الصدمه ولا هرمونات و لا ايش المشكله بالزبط مني عارفه

بعدين تجيني حاله غريبه كده مع الاكتئاب احس قلبي يدق بسرعه بعدين يجيني استفراغ و صداع ما ادري كيف

افكر اشوف دكتور و اخد حبوب اكتئاب و لا ما ادري ايش المفروض اسوي

انا حاسه باكتئاب فظيع ..مني عارفه هوا السبب الوفاه هادي ..سرت أخاف من المستشفيات هوا مو خوف قد ماهوا ضيقه كده ما ادري انكتم

عندي عمليه لازم اسويها الى الان قاعده اتهرب من الموضوع عشني مضايقه و خايفه ومني قادره ما اعرف خايفه من البنج ما ادري

ابا الشعور دا يروح مني ..كيف يروح؟ كيف ارتاح ؟ انا ليه مضايقه بالصوره دي ؟ كيف يروح الاكتئاب؟ مايسير يقعد الخوف دا فيا و الاكتئاب

..هوا فجأه جاني كأنو الموضوع كان امس

استغفر الله ما ادري ايش المفروض اسوي! ايش تنصحوني؟

( الموضوع جدي رجاءا خدو بمحمل الجديه انا مضايقه نفسي محد يزيدني انا عارفه اني مايحتاج اقلكم انتو ان شالله ستقولون خيرا )

المهم..انا ابغى نصيحه من جد

ولحد يقولي سيبي الطب انا الحمدلله عاجبني وماشيه كويس ..والله من جد احتاج نصيحه انا بامر في شي اول مره امر في ..في حياتي


شكرًا

[اسرار علي]

عزيزتي انتي انسانه مؤمنه بالله تعالى وقضاؤه وقدره لاتخلي الاكتئاب يسيطر عليكي هيا يمكن فتره وراح تعدي بإذن الله احتمال لانو مافي شي يشغلك بهاذي الفتره صرتي تفكري كثير باللي صار اللحين داخلين على شهر فضيل ادعي الله دايم انو يكتب لك مافيه الخير وبندخل على الدراسه ويوم عن يوم راح تنسي مافي شي يبقى على حالو لاتحبطي نفسك وتستسلمي للوضع هاذا كوني اقوى من كذا وحاولي قد ماتقدري ماتجلسي وحدك دايم كوني مع اهلك ولاتجلسي وحدك غير وقت النوم يمكن ماقدرت افيدك كثير بس ارجع اقولك لاتستسلمي وخلي عقلك الباطني يفكر على انها فتره وراح تعدي بإذن الله اتمنى لك كل خير اختي وربي يفك ازمتك وترجعي لحياتك الطبيعيه...

[Dr.Passed]

حبيبتي يكفيني بس انك سمعتيلي

انا والله ما اقعد لحالي كتير و الله والله بي طولي دا اليومين هادي من متر مانفسيتي ما اعرف كيف سايره والله أنام في غرفه بابا وماما على الكنبه...كل يوم اسحب البطانيه ونايمه عندهم...انا وعمري سبعه سنين ماسويتها

ياشيخه ما اعرف اشبي مضايقه مره...كده افكر واشيل هم و اتزكر ايام المستشفى معاها ما اعرف ليه دحين يعني..انا والله مشغوله وعندي الف شي اسوي بس ما ادري ليه كده فجأه سايره.

[Dr . B E B O]

ياا قلبي ربي يزيح عنك و يشرح صدرك
يااااا رب ،، اممممم و الله أنا نصيحتي قد
تكون غبية بس خليني اقول صرخي و بصوت عالي
و ابكي و اكتبي كووول شي سلبي يزعلك او احكيه
لأحد قريب منك اجري و سوي رياضة و إرسمي
او اعزفي لو تحبي دا الشي ،،، دي الأشياااء تخفف
عنك و تطلع اللي ف قلبك ريحي روحك و اذكري ربك
و ابتسمي و اضحكي ربنااا معاكي يا الله

[Dr.Passed]

انا مؤ مضايقه من احد ولا عندي شي معين مضايقني هوا يا موضوع الوفاة يا بس كده ما ادري...بس أظن الوفاة

اروح الجيم كل يوم =) وانبسط وأغير جو وارجع اكتئب تاني اول ما ارجع ( احس لازم انسى ولا اتناسى) ما ادري ايش لازم الواحد يسوي

كمان انا ترا ما احب افضفض لاحد يعرفني مره ما احب أبين قدام احد الي في قلبي عارفه كيف ...الناس فيها الي يكفيها كمان

انا باشغل نفسي كتير بس مجرد ما أسيب الانشغال و لا انفرد دقيقه مع نفسي يبدأ الاكتئاب و اقعد افكر فاهمه كيف..

[Dr . B E B O]

اجل روحي البحر و صرخي
و اكتبي كوووول تفااااااصيل الوفاااة
اللي سااارت بالتفصيل و قلبي
المواجع ع نفسك و بعد كدا رح تبكي
من قلبك و ترتااحي =)

[Dr.Passed]

يا بيبو انا ما أبا أتكلم حتى في الموضوع
انتي عارفه انا كان اول مره اشوف ميت في حياتي كان موقف قوي يعني جداً عليا
انا كنت اجيهم البيت ..كانت تفرح مره بجيتي واللهي ..كنا نخرج سوا وكنا نقعد سوا ..كانت تفضفضلي
مني قادره أتخيل الين يومك دا

لمن اتوفت في المستشفى العيله كلها مشيت مهي قادره ..واولادها وكده قعدو عشان الاوراق حقت الوفاة و الإجراءات الكل مشي وانا قلك مصره اقعد معاهم عونا لهم ( وانا عارفه انو صعب عليا ) بس قعدت تاني يوم روحت معاهم المغسله بس كده عشان اكون واقفه معاهم و سند لهم ( وانا عارفه اني ما اتحمل وهادي اول تجربه ليا) انا ما أبا اخش في التفاصيل كتير عشان في اشياء كتير انا مؤ حابه اتزكرها..


المهم انا احس الموضوع مأثر عليا مره ..عارفه كيف..أبا ارجع زي ماكنت ..أبا انسى

[Dr.Passed]

الصريخ دي ...لاتخافي نبرتي الطبيعيه صريخ =) امزح xD
من جد فين أصرخ مافي مكان اقدر أصرخ في..البحر عشان يحسبوني مجنونه ولا البيت عشان انفرش...ولا السكن عشان تجيني المديره توريني شغلي

للأسف مافي حتى أصرخ فيها
ممكن الملاهي بس أخاف اركب شي ممكن الواحد يصرخ في عارفه كيف ما ينفع يعني شكلي حيسير أهبل =)

[مى جده]

انتى استهدي بالله اول شي وثاني شي كلنا بيجي يوم ونموت فيه ذا شي اكيد وانسي انا مات عندى اشخاص كثيررررر ومنهم بنت خالتى جلست شهرين اتذكرها واحس انها واقف معي وهي ميته وماقدرت انساها ولليوم لها ميتة 10 سنين هي لو كنت موجودة في ذي الدنيا كنت تصير بنفس عمري كنت هي بنت خالتى واختى ودرست معى في نفس المدرسة لكن الموت اقوى منى ومنك ياخذ الى نحبهم لكن باذن الله نلتقى في جنات الخلد وانتى حاولى تدعى لشخص الى مات بالرحمة والمغفرة واستغفر ربك طول يومك وياقلبي اقري قصص عن الاشخاص الى مرو بحالتك في اشخاص كثير ونساهم الزمن خلص انسي ومشاء الله انتى طالبة طب بس مدري وش تخصصك اعتقد انتى كنت تطبقي في المستشفي اذا ماكنت غلطانة ترا لك اجر لمن رحت المغسله تواسين اهل الميت وعيش ايامك وحاولى تقضين وقتك كلو في شي ينسك تمام ذا الموضوع وماتشوفين شر يالغلا
^_^

[Dr . B E B O]

اممممممم و الله تقريبااا
ما أقدر انصحك نصيحة تانية
غير انك تقلبي ع نفسك المواجع
الين ما يطلع الشي اللي يتعب
نفسيتك كله بالبكااء و لا الصراخ
و لا الكتابة << كدا يقولوا النفسيين =)
ادعي ربنا كتير و احكيله اللي ف نفسك
أنا صراحة ما قيد مات احد قريب
لدرجة دي مني ><!!