ماذا لو قالت لك فتاة ..أريد أن أتزوجك..!! ( العكس )

[ليدر أستوديو هبقات]

السلام عليكم ورحمة الله وبركاته

زي ما شفتوا في العنوان وزي مافهمتوا من الموضوع الآخر

لكن السؤال

ما هوي موقفك في حال جاك خبر إنه جالك عريس ؟

شي صعب

لكن مو بس الشباب اللي يحرجوا في المنتدى حتى الشباب+( تاء التأنيث )

أنتظر اللي كانو يقرأو الموضوع اللي في ( له )

[NeMo]

احم احم




شعور عادي جدا جدا جدا






حاخش وفييييينك يابو الشباب من زمااااااااااااااااااااان؟؟؟



ياهو بيتنا عالشارع ومايضيع؟؟


شكلك ماسك خريطتك مقلوبة




مع نفسك يا ليدرو




يعني ايش حنعمل؟؟



حنفرح وننبسط ونصلي صلاة شكرلله ونسأل الله الخير



ولما يتم كل حاجة, حاخلي نوودي ولا نكش ولا تورو ينزلوا موضوع



نيمو عروس!! عقبال البكاري



خخخخخخخخ





واستناكم تباركولي واعزمكم عالى القراية والغمرةوالملكة وحتى الفرررررح



واجيبك ليدر تنشدلنا بصوتك الجميل ماشاء الله




وبس

[hms]

هههههههههههههههههههههه عجبني الموضوع لأنو الأول ماحبيت أرد عليه مالي شغل ... انا فلاويه ودايماً لساني طويل إذا جاني عريس اذا جاني عريس ومافكرت مره بطريقه جديه .. وفجأة يوم كنا جالسين نتسامر (العيله أبوي وأخواتي ) بدأو يتكلمو بصوت واطي كأنو عندهم حاجه وأنا ولا معاهم ماهمني المهم فجأه سارو كلهم يتكلمو بديت أشك بعدين وحده من أخواتي جات وقالت بصوت عالي ايش عندكم ودخلت نصهم بعدين قالت بس كذا طيب قولولها ليش خايفين وقالت بصوت عالي في واحد خطبك وقتها أول مره أحس انو الخجل غصب فجأه تلونت وقمت من عندهم ليش ما أعرف والمصيبه الموضوع كان مرفوض من قبل ماينطرح أصلاً لأنو مو كفو بس ليش الخجل ما أدري والمضحك انو طول عمري لما أخواتي كانو ينخطبو اتمسخر عليهم خجلانين من ايش واحد وخطبكي ليش الخجل .. بس هذي ردة فعلي في أول خطبه ما أدري يمكن لما أتعود يسير شي ثاني ههههههههههههههههههههه ... وأترك مجال لغيري .. ومشكور أخوي ليدر على الموضوع

[ليدر أستوديو هبقات]

أنا مش حأكثر ردود

لأن شكلي مالي داعي أدير حوار مع ؟؟؟؟؟؟؟؟

لكن شكرا لمشاركتكم

وفي إنتظار ردودكم

[sroora]

خخخخخخخخخخخخخ اكشن اريد ان اتزوجك

اقلو حسنن ولكن لتصارع الصعاب من اجلي ولتجتاز هذا القصر العالي وتحضر ليه زهرة من قمم ذاك الجبل
وبعدها قشر بصل هاهاها بايخه لحد يضحك

المهم مو لابقلو بابا يقلي جاكي عريس خخخخخخ ماتخيل المنظر الى الان سو نسيب المايك لابلاتشي الكبار

[داوود]

ليدر

ماتروقها

[bent mankoosha]

عاتشي
لو جاني عريس مرة عاتشي
انبسط

و على فكرة طبيعة اي بنت (حتى لو كانت مأجلة فكرة الزواج) انها تنبسط لو انخطبت
يجيها احساس انها مرغوب فيها
يعني شي يرضي غرورها

بس انا اتعامل مع الموضوع عادي صحيح فيه شوية خجل
اصلا اهلي يرفضوا من غير ما يقولوا لي عارفين ابغى اكمل دراستي

موضوع يجي منه يا ليدر

سلام

[eminem lover]

صح عاتشي عاتشي تنخطب البنت وتنبسط
وكم سنه تعدي بسرعه وتعنس وتنركن على الرف زيها زي غيرها عاتشي

[ليدر أستوديو هبقات]

المشاركة الأصلية كتبت بواسطة sroora المهم مو لابقلو بابا يقلي جاكي عريس خخخخخخ ماتخيل المنظر الى الان سو نسيب المايك لابلاتشي الكبار

الموضوع للكبار

لووووووووووووووووووووووووووول

وشكرا على مرورك

عاتشي

للأسف .. مني فاهم المعنى

بس انا اتعامل مع الموضوع عادي صحيح فيه شوية خجل اصلا اهلي يرفضوا من غير ما يقولوا لي عارفين ابغى اكمل دراستي

طيب بس أنا ما أتكلم عن اليله ولا بكره

أن أتكلم عن ردة الفعل

وشكرا على مرورك

[bent mankoosha]

عاتشي يعني عادي بلغة المناكيش

ردة الفعل عادية وي

زيي زي اي بنت تنخطب

بس مو لدرجة اني ما اواجه اهلي

عادي مررررررررة

بس فيه خجل اكيد