الأسئلة والاستفسارات عن كلية طب الأسنان ..

[khlil saeed]

انصحك ماتستعجل لان انا فصلت اللون هذا وندمت :p
اصبر شويات وشوف الدفعات الاكبر واختار اللون اللي يعجبك

[ابوداعس]

المشاركة الأصلية كتبت بواسطة khlil saeed انصحك ماتستعجل لان انا فصلت اللون هذا وندمت :p اصبر شويات وشوف الدفعات الاكبر واختار اللون اللي يعجبك

يعني يا أخ خليل أقدر أفصل اللون اللي يعجبني! ...

و زيادة اذا فصلت في بداية الدراسة كم بيتأخر ؟ وهل هو عادي ادوام باي شي غير السكراب واللاب كوت حتى يطلع لي ...

[مَـزٍآج ..}..]

اختآر اللون الي يعجبك .. الكليه ما تلزمنآ بلون مـعـيـن ..

وتقدر تداوم بالي تبغاه لانك ما راح تنزل عيادات ..

بعدين لا تفصل في ماركات جاهزهـ مره حلوهـ وانا وكل العيال تقريبا يشتروا منها ..

وسعرها في حدود الـ 200 - 250 .. !!

المحل اسمه المظهر الطبي في شآرع حراء في مركز اسمـه دانيـه ..

[amiwa]

وعليكم السلام ورمة الله وبركاته ؛)
ماشاءالله د.خليل و د.نانووك ما قصروا يعطيهم العافية
بس حابة اضيف انو انا من رأيي مرة ضروري تجو اول اسبوع عشان تتعرفو على كل شي, احنا نبدأ دراسة بدري فلا تفوّتو على نفسكم الحمااااااااااس والفضاوة حقت اول كم يوم
بعدين بالنسبة للفيميل, احنا حندخللكم اول او تاني يوم ان شاءالله لان احنا حنبدأ دروس بدري.. فحيكون صعب شوية نجيكم تاني اسبوع :(
اتمنــــــــــــــــــــــــــــــــــى الكل يكون موجود مرررررة متحمسين نتعرف عليكم ~_^ ولا تشيلو هم ان شاءالله راح نكون لكم اخوات ونساعدكم في كل شي

[ابوداعس]

المشاركة الأصلية كتبت بواسطة مَـزٍآج ..}.. اختآر اللون الي يعجبك .. الكليه ما تلزمنآ بلون مـعـيـن .. وتقدر تداوم بالي تبغاه لانك ما راح تنزل عيادات .. بعدين لا تفصل في ماركات جاهزهـ مره حلوهـ وانا وكل العيال تقريبا يشتروا منها .. وسعرها في حدود الـ 200 - 250 .. !! المحل اسمه المظهر الطبي في شآرع حراء في مركز اسمـه دانيـه ..

حلووو مرة ... طيب اقدر احصل في المظهر الطبي مقاسات كبيرة شوي... عشان انافي حياتي ما لبست جاهز...

وشاكر لك قلبي موفق.....

[همس المشااعر]

مساء الخير

انا طالبة ثالث ثاانوي وطمووحي ادخل طب بس عندي مشكلة اللي هي اللغه الانجليزية

عجزت اتغلب عليها مشلكتي بالمحادثة اني ما اعرف ارد على احد بالانجليزي

انتم دخلتم طب والله يوفقكم وإن شاء الله الحقكم

كيف اول سنه كل شيء بالانجليزي

وكم النسبة لدخول الطب

لانه مافي سنه تحضيري على دفعتي إن شاء الله

اعتذر عن الاطالة

[Respect me Respect U]

هلا والله فيكي ياعسل ماراح تكون اللغة حااجز ابدا كنا زيك واسوأ مع الايام راح تتطوري
بالنسبة للنسبة تختلف من دفعة لدفعة علا حسب دفارتها بس شدي حيلك وحاولي لاتنزلي عن 95٪ وربنا يوفقك ياعسسل خليكي في دراستك الحين ولا تحملي هم كل حااجة في وقتها حلو ^_^

[shosho0o]

المشاركة الأصلية كتبت بواسطة ابوداعس السلام عليكم ... كيف حالكم يا دكاترة إن شاء الله مبسوطين..... عندي سؤال أتمنى ان عندكم خلفية عنه.... متى حينزلوا جداولنا والخطة الدراسية في الأودس بلس؟, .... وألف شكر للجميع.

و عليكم السلام ..
الخطة الدراسية ما تقدر تشوفها على اودس بلس بس تقدر تشوفها على الاودس القديم موجوده و معدله لانه السنة اللي فاتت غيروا شوية من الخطة الدراسية تقدر تطلع عليها في الاودس القديم ...

[D.AMAZING]

مساء النور ..

الله يوفقك ويسهلك يارب،،

ما شاء الله الاخت نوف ما قصرت في الاجوبه على اسئلتك

[همس المشااعر]

يعطيكم العافية :)