اهلا وسهلا بكم جميعا من جديد

الدكتور مروان · #1 03-08-2012, 07:59 AM

السلام عليكم ورحمة الله وبركاته
تحياتي لكم جميعا اخواني واخواتي الاعزاء
اعرفكم بنفسي مرة اخرى معاكم اخوكم مروان
انا سبق ونزلت موضوع عن وكان هو اول موضوع لي في المنتدلا بشكل عام
في اشخاص تقبلت الفكره وتقبلت الموضوه فا انا شاكر لهم جميعا دون استثناء
موضوعي السابق كان عباره عن تشخص حاله مرضيه في كل اسبوع بمعنى
يكون لدينا حاله مرضيه اسبوعيه نتناقش فيها جميعنا لكي نوصل لا افضل نتيجه طبيه وعلاجيه ممكنه
للافاده فقط ومن باب العلم
في ناس ردة عليا وقالت انو اغلبكم مستوى ثاني ومستوى اول
فا انا قررت يكون نفس الموضوع لكن بفكره جديده
احنا عارفين في كلية الطب ست مراحل دراسيه داخل الكليه
من المستى الاول للمستوى الثالت دراسه داخل الكليه فقط ومن المستى الرابع للمستوى السادس تدريب داخل المستشفيات بلاضافه للدراسه داخل الكليه
احنا حنبدا مرحله مرحله ونتشارك كلنا بلارااء والشرح
حنبدا مثلا من سنه اولى مثلا واحد يقلنا انو انا مني فاهم في الاناتومي عن العضلات فا احنا كلنا حنتشارك ونشرح بلي نعرفه عن العضلات ولمدة اسبوع كامل فقط حيكون شرح للعضلات ثم نختار موضوع جديد ونشرح ونتناقش من جديد
فبعد فتره راح يكون عنا اكتر من موضوع شرحناه بس طبعا احنا لازم نكون متأكدين انو فهمنا كل اللي قلناه في السابق وكيف حنتأكد
انا عندي حل
نعمر اختبار لكل شخص شاركنا في الموضوع لو كنا مثلا تسع اشخاص فحيكون عندنا تسع نماذج اسأله وكل شخص سجاوب علي نموذج واحد او ممكن نستنثي الشرط هذا فهذا الخيار ليكم انتم وليس لي
من بعد المراحل الدراسيه ونشرحها ونراجعها مع بعض
حندخل للحلات الطارئه ونبدأ حاله حاله زي ما اتفقنا نشرح ونساعد بعض ونوصل لنتيجه تكون ادق واصح واسهل وافضل للطبيب والمريض
وكل حاله حنشرحها فقط لمدة اسبوع او اسبوعين على حسب المواعيد او اختياراتكم انتم
انا قلت شي اتمنى انو نستفيد منه جميعا
في ناس حتجي وتقول انو مروان انسان معقد وطريقه ماهي ممتعه ومتعبه وفيه ناس حتتقبل
اول شي
انا انسان عادي جدا اعيش واتعايش مثلي مثل غيري
ولا راح اكدب عليكم واقلكم انو انا الطبيب الشاطر او السيئ
انا اغلب عمري عيشته بره الممكله ودرست بره الممكله وحاليا انا في اجازه داخل الممكله
فما عندي هنا اصدقاء او اي شي يسليني
هناك اقتبست من الناس اللي انا عايش معهم بره الممكله وبلتحديد في روسيا وكندا
الطلاب مع بعض بيعملو قروبات ومجموعات اسبوعيه وبشرحو لبعض كل شي صار معهم
انا اقتبست الفكره
عشان نصير زيهم متفوقين بدراستنا وعملنا مو خطأ نعلم بعض ولا خطأ نصحح لبعض
هما احسن منا صار مو لانهم عندهم شي مو عنا بس هما متعاونين ويدهم مع بعض عشان كده صارو افضل منا
في ايش رأيكم نتساعد مع بعض ويمكن مجموعتنا تصير هي الافضل
اتمنى لجميع يشاركني الرأي واتمنى الاقي اهتمام من الكل
واسف جدا للاطاله
اخوكم مروان

ζ ـــږۉف الـتـ’ـمـيـــزْ · 03-08-2012, 09:05 AM

فكره جيده ..
وسبق وقريت نصيحه من الدفعه اللي قبلنا
ان وقت مانكون فاضين نراجع لبعض بعض الاشياء اللي تم دراستها .. عشان تثبت في المخ اكثر =)

انا اؤيد الفكره
منها اللي مو فاهم يفهم .. ونساعد بعض
ووتكون زي المراجعه لنا ..

اكيد لازم نستفيد من غيرينا
زي ما قال الرسول "الحكمه ضاله المؤمن فحيث وجدها فهوا احق بها"

يعطيك العافيه

doctor alanood · 03-08-2012, 09:22 PM

أنا اشكرك على الموضوع وبصراحا عجبتني الفكرة خصوصا انو أنا لسا جديدا في دا المجال وأكيد حستفيد من هادي الفكرة وتساعدني في مذكرتي ,,, اتمنى يكون في تفاعل مع الموضوع :)