استفسارات عن جدول التمريض ،

[Miss.Sama]

بسم الله الرحمن الرحيم
السلام عليكم ورحمة الله وبركاته
كيفكم حبيباتي ، ان شاءالله الكل في تمام الصحه والعافيه ":)

ممم انا شفت الجدول تبع سنة تانيه تمريض بس فيه اشياء بستفسر عنها
لاني مو فاهمتها وفي اختصارات حيرتني ياريت تفيدونا ممرضاتنا =))

- اول شي الي عرفتو انو اختصار tut يعني محاظره بس تكون للنقاش
واسئلة البنات للدكتوره ، طبعا عرفت من كاندي الله يسعدها ف مشاركتها الاخيره ،،
- مثلا عندنا من 8 الى 12 كلها محاظرات بعدين فيه بريك الصلاة ، ابغى اعرف
هو مافيه بريكات قبل بالمره ؟ ع الاقل نص ساعه بين كل محاظرتين مافيه ":(
ممم وممكن مثلا نطلب من الدكتوره تدينا بريك توافق ؟ قد جربتوو قلولنا تجربتكمم في سنه تانيه
- اختبارات الميد كيف كنتو تذاكروها بس من سلايدز وماتخرج عنها وكيف طبيعة الاسئلة ، زي التحضيري ولا بتختلف ؟
- وفيه جزء مكتوب فيه اكتيفتي تايم وقت الانشطه دا بيكون بريك ولا بتخرجوا تعملوا نشاط معين ؟
- اعرف مبنى 8 للتمريض طيب بالنسبة للابات مو مكتوب في جدول سنة تانيه lab لاي ماده
يعني الترم الاول في تانيه تمريض بس في الكلاسات ؟
- حكونا عن تجربتكم في سنه تانيه كيف كانت صعبه ولا سهله حلوه ولا طويله ، اختباراتها
الدكتورات فيها ، كل شي الله يسعدكمم
- عطونا كم نصيحه حلوه زيكمم عشان نجيب معدل 5 ، باذن الله تعالى .
يووه ادري مره طولت بس طمنووووا قلبي الله يطمنكم ويكتبلكم السعاده والنجاح ف الدنيا والاخره":)

مستنيه ردك كاندي حبيبة قلبي ، والممرضات الحلوات هنا

[Dr.candy]

اهلين وسهلين بيكي حبيبتي ..

عادي احنا موجودين وكلنا تحت امرك ..

سنـــة ثانية ..

والله هيا سنة حلوة بس كررررررف وضغط لانك بتكرفي في المواد الاساسية
بس مرررة حلوة وراح تستمعي وكل ما تقرأي معلومة تقعدي تتدبري وتتأملي قولي سبحان الله
هيا سنة حلوة راح تتعرفي على صديقات جدد وراح تتكون شخصيتك وتتقوى
وحبة حبة راح تعرفي نظام الكلية وانشطتها وحاولي تشتركي في كل نشاط تعرفيه او ايا دورات
كده يكسبك معرفة وتتعلمي اكثر ويكون عندك خبرات

دكااااترة التمريض مرررة طيبين ويساعدوكي ويكونو معاكي في كل خطوة
ومكاتبهم مفتوحة في ايا وقت .. تروحي ليهم يحتضنوكي ..
لا تخااافي ابداً جدا حلوة ..

بالنسبة للجدول ..

TUT الي هيا زي حلقة نقاش وتسالو الدكتورة اذا مو فاهمين شيء وبعدين الاحيان تتأخذ دي الساعة تكملة المحاضرة الي قبلها ..

practical دي معامل ..
وطبعا في المعامل لازم تكوني لابسة لاب كوت ومرررة ياكدو عليه في معامل التشريح ومعامل التمريض

وطبعا وقت اختبارات معامل التمريض لازم تلبسي السكرب الابيض وتختبري كانك ممرضة بس على المجسمات


بالنسبة لاوقات الممحاضرات .. صراحة بين محاضرة ومحاضرة في وقت بريك بس 10 دقائق يادوب ترتاحي كده وعلى بال تجيكي دكتورة الماده الثانية

وفي بريك الصلاة دا ساعة كاملة
اما بالنسبة للاكتيفتي ..

شوفي دي بعض الاحيان ما نعمل فيها حاجة .. بس الكلية تعمل فيها نشاطات وحفلات شوي
ومعرض او محاضرات حلوة كده للي حابب يحضر
يعني بكيفيك تعملي فيها الي تبغيه ..

بس نصيحة .. حفلات الكلية ما تتعوض

المذاكرة ..

طبعا في مواد نذاكرها من السلايد وكمان نكتب نوت مع الدكاترة << ويجيبو منها لا تخافي
وفي زي ماده الفندمنتل تبع التمريض دي لازم كتاب وتأشري معاهم وتذاكري منه ..

وخذيها مني زاكري اول بأول ولا تراكمي عليكي كل شيء عشان لا تتعبي نهاية الترم ..

اسئلة الاختبارات ..

اسئلة المواد الاساسية كلها اختياري و صح وخطأ
اما مواد التخصص متنوعة في منها مقالي وصح وخطا واختياري ..

ولا تخافي كلها تعدي ويارب يسهلها على الجميع ..

وبس ياستي دي سنة ثانية ..

ايا استفسارات احنا موجودين ..

[Miss.Sama]

تسلميلي ياااااااااااااااارب
الله يسعد قلبك ويريحك ياحياتي ":))
وان شاءالله حعمل بكل نصايحك ، والتوفيق من الله
والله ريحتي قلبي ^^

[بتولآ]

حتحسي نفسك ضايعه دحين لكن لمن تبدأ السنة وتدرسي وتجربي كل شي بتفهميه
حتى طريقتك في المذآكرة حتعرفي بنفسك كيف تذآكري :)))

بالتوفيق ..

[دره جده]

عذرا صاحبه الموضوع .. بس بسأل دحين الجدول اليومي ثابت ؟ ولا احنا نسوي حذف واضافه ؟
اذا احنا نسويه متى ؟
ومشكورين

[بتولآ]

لا الجدول ثاابت .. مافي حذف واضافه
كل الكليآت الصحية جداولهم ثابته :))