الأسئلة والاستفسارات عن كلية طب الأسنان ..

[Dr~NanoOok]

المشاركة الأصلية كتبت بواسطة شذى منصور السلام عليكم بالأول مبارك عليكم الشهر إمم عندي سؤال ما ادري اذا مكانو هنا ولا لا .. بس اتمنى انكم تجاوبوني و ما تضحكوا عليا إممم .. لمن ابحث بالنت عن تقويم الاسنان بمستشفى الجامعة ألاقي مستشفى الجامعة مالها في الاسنان .. لها مبنى منفصل خاص بطب الاسنان فا هل الكلية هدي اللي بتعالج الأسنان هيا نفسها الكلية اللي انتوا جالسين تدرسوا فيها ؟! و اذا هيا .. كيف سياستكم بفتح الملفات و المواعيد و افضل اطباء تقويم الاسنان ؟ و هل هيا مجانيه ولا فيها صرف ؟! علمًا باني طالبة بالجامعة .. و اذا مو هيا .. طيب فين مكانو المبنى الغامض هذا ؟ و شكرًا جزيلا

عليكم السلام والرحمة
اهلا بك أختي

عيادات طب الأسنان لها مباني منفصلة عن المستشفى الجامعي
وهي أقرب للعيادات المتخصصة التابعة للمستشفى عند الجسر اللي بين المستشفى والمجمع الطبي للبنات

وأكيد كليتنا هي اللي تعالج بعيادات الأسنان
يشتغل فيها الطلبة والدكاترة اللي يدرسونا

وهناك قسم لتقويم الأسنان "دراسات عليا" ومتخرجين اسمه البورد السعودي
مكانهم بنفس مبنى العيادات حقتنا
وهي مجانية لكن على المرضى شراء مستلزمات التقويم فقط

فتح الملف للجميع سع،ديين او اجانب بشرط احضار بطاقة هوية ساريه المفعول

والأفضل تكلمي دكاترة البورد وهم يشوفوا الحالة ويفتحولك ملف عن طريقهم وبشكل اسرع


واي استفسار تاني ،، احنا في الخدمه :)

[Dr~NanoOok]

المشاركة الأصلية كتبت بواسطة dr.k.i.w khaled السلام عليكم بس حبيت اسأل لبس السكرب للأولاد من اول يوم ولا كيف لأني محتار اشتري ولا لا و اخاف البس اول يوم و اكون انا لحالي لابس :(

عليكم السلام

غالبا ما بيلبسوه من أول يوم
البسوا اي شي وعلى كيفكم

[شذى منصور]

الله يعطيكِ الف الف عافية

بس عندي كم سؤال ..

1 - المبنى دحين اسمو كلية طب الأسنان صح ؟ و لمن ادخلوا الاقي فيه قسم البورد السعودي ؟ و تقولي أفضل لمن ادخل القسم أكلم الدكاتره هناك يعني يكشفوا عليا قبل افتح ملف ولا كيف الطريقة بالزبط ؟

2 - مستلزمات التقويم هذي فين ألاقيها ؟ و أيش هيا أصلا ؟ و ممكن تكون متوفرة عندكم بنفس الكلية ؟ و أيش افضل الأنواع ؟ و كم اسعارها ؟

3 - مواعيد التقويم كيف عندكم ؟ يعني مثلا زي مستشفى الملك فهد موعدي يجي بعد كم سنه ولا ما ياخذ وقت ؟ لانو صحبتي راحت مستشفى الملك فهد و كان موعدها بعد سته سنين ! يعني مره توو متش ..

4 - متى أقدر اروح لهم أحجز و كل شي ؟ و كيف دكاترة التقويم عندكم ؟ يعني راح يفيدوني ؟ لاني ما قد سمعت شي عنهم بصراحة ..

و آسفة اذا طولت عليكي، بس منجد ما صدقت احد يعطيني وجهه

[Dr~NanoOok]

اتفضلي زي ماتحبي :)

-1-
مبنى العيادات كبير وما يضيّع
على الشارع الرئيسي داخل الحرم الجامعي من عند بوابة الطير

والبورد السعودي مكانهم في الدور الأول على اليمين لما تطلعي الدرج
وتقدري تسألي اللي بالاستقبال تحت ويدلوكِ

كلمي أحد الدكاترة الموجودين وقوليله ايش تبغي وهم يساعدوك ويقولولك الخطوات

-2-
الدكاترة راح يطلبوها منك والنوع والمقاس المعين والمناسب لحالتك
ويزودوك بأسماء الاماكن والسعر التقريبي لها
فلا تشتري شي الا بعد ما يقلولك عليها

-3-
المواعيد على حسب الحالة و كمية المرضى المتواجدين بهذاك الوقت
اذا كانت الحالة متقدمة وصعبة يحولوها للعيادات التخصصية
والعادية عند البورد

وغالبا المواعيد بالشهور ومو اكثر من 4-6 شهور

-4-
تعالي مع بداية الدراسة
اوقات عياداتهم من 9 الى 12
وبعد الظهر من 1 الى 4
عندهم ايام مخصصة ، ارجعي رديلي مع بداية الدراسه
يصير اسألك متى مواعيدهم بالضبط

الحمدلله وبشهادة الكثيرين؛ دكاترتنا ممتازين
و اللي بقسم التقويم كلهم دكاترة متخرجين
و دكاترة ماخدين الدكتوراه

[شذى منصور]

المشاركة الأصلية كتبت بواسطة dr~nanoook اتفضلي زي ماتحبي :) -1- مبنى العيادات كبير وما يضيّع على الشارع الرئيسي داخل الحرم الجامعي من عند بوابة الطير والبورد السعودي مكانهم في الدور الأول على اليمين لما تطلعي الدرج وتقدري تسألي اللي بالاستقبال تحت ويدلوكِ كلمي أحد الدكاترة الموجودين وقوليله ايش تبغي وهم يساعدوك ويقولولك الخطوات -2- الدكاترة راح يطلبوها منك والنوع والمقاس المعين والمناسب لحالتك ويزودوك بأسماء الاماكن والسعر التقريبي لها فلا تشتري شي الا بعد ما يقلولك عليها -3- المواعيد على حسب الحالة و كمية المرضى المتواجدين بهذاك الوقت اذا كانت الحالة متقدمة وصعبة يحولوها للعيادات التخصصية والعادية عند البورد وغالبا المواعيد بالشهور ومو اكثر من 4-6 شهور -4- تعالي مع بداية الدراسة اوقات عياداتهم من 9 الى 12 وبعد الظهر من 1 الى 4 عندهم ايام مخصصة ، ارجعي رديلي مع بداية الدراسه يصير اسألك متى مواعيدهم بالضبط الحمدلله وبشهادة الكثيرين؛ دكاترتنا ممتازين و اللي بقسم التقويم كلهم دكاترة متخرجين و دكاترة ماخدين الدكتوراه

الله يعطيكِ ألف ألف عافية يا رب و يوفقك و يسعدك دنيا و آخرة و يفرج كل همومك يا كريم يا قادر
بجد ما قصرتي و فكيتي عليا أشياء كثير كانت محيرتني ..
و ان شاء الله مع بداية الدراسة على يوم الأحد بإذن الله بروح أشوف كيف الوضع هناك و الله يسهل يا رب
و إذا صعب عليا شيء بجي هنا
تسلمي

[Dr~NanoOok]

المشاركة الأصلية كتبت بواسطة شذى منصور الله يعطيكِ ألف ألف عافية يا رب و يوفقك و يسعدك دنيا و آخرة و يفرج كل همومك يا كريم يا قادر بجد ما قصرتي و فكيتي عليا أشياء كثير كانت محيرتني .. و ان شاء الله مع بداية الدراسة على يوم الأحد بإذن الله بروح أشوف كيف الوضع هناك و الله يسهل يا رب و إذا صعب عليا شيء بجي هنا تسلمي

ولو ما عملت حاجة
وتكفيني هذه الدعوات الراائعه ^ـ^
واياكِ يارب وأعلى منها باذن الله

ولا يهمك ، وإن شاء الله اقدر اساعدك بكل اللي يقدّرني ربي عليه

[Dr.So0oMa]

سسسلام عليكم
اول ايام بيكون في محاضرات ولالا؟

[Dr~NanoOok]

عليكم السلام

سنة ثانية غالبًا اول ثلاث ايام مافيها دراسة

اما ثالث من اول محاضرة

والسنوات الاكلينيكية اول اسبوع اورينتيشن

[Wa3od]

ممكن اسال هل عن المستقبل الوضيفي لطبيب الاسنان
لاني كتير بيقولو كثيير طب اسنان واغلبهم مالقو وضايف
ولازم البنت تكون متغرغه ولا لايعني حياخد من وقتها كتير في الدراسه والعمل ???

[khlil saeed]

التوضيف بإذن الله مضمون يمكن يكون الاشكالية فالمدن الرئيسية بس
ولاتنسي القطاع الخاص

وبالنسبة للدراسة أنا ما اقول سهلة لكن مو صعبة ولو فيه تنضيم وترتيب للوقت مو لازم التفرغ
أما العمل فمعروف عيادات الاسنان ف المستشفيات الحكومية دوام صباحي


اتمنى اكون افدتك