معلوماتكم عن هذي المواد واستاذاتها

[السوسن البهي]

السلام عليكم ورحمة الله وبركاته

كيفكن صبايا وشباب..............قلبت لبنانية

ابغى استفسر عن برمجة203 استاذة سهى كيف اسلوبها وكل شي تعرفوه عنها

وكمان استاذة اسماء الشنقيطي في التراكيب





وشكرا

[eih]

هلا وعليكم السلام
شوفي بالنسبه للبرمجه لو مع الاستاذه اروى لنجاوي افضل بس سهى مااعرفها
و استاذه اسماء يمدحوها بس ماجربتها بس الماده حلوة وسهله

[Nosa]

وعليكم السلام ورحمة الله وبركاته

ممممم

ممكن توضحيلي برمجة 203 دي ايش؟
جافا ولا سي عشان الرموز تغيرت

عموما ما اعرف أ. سهى كيف في المادة دي
بس هيا درستني لاب شبكات
ما شاء الله كويسة وفاهمة بس مممممللة محاضرتها
يمكن دا عشان طبيعة المادة يعني واتوقع حيختلف في البرمجة الموضوع
اشربي كوفي قبل المحاضرة ويمشي الحال ان شاء الله

بس هيا ما شاء الله نبيهة وفااهمة فلا تشيلي هم

وبالنسبة لاستاذة اسماء
مررررة احبها لانها انسانة اخلااااق ومحترررمة وعاااادلة ما شاء الله
وفوق دا كله شرح تماااام
بس ما عرفت تراكيب دي اش تطلع
هل هيا جديدة ولا تغير اسمها ولا فقدت الذاكرة

اتمنالك التوفيق ..

[شذى عبود]

انا استاذة سهى درستني السمستر اللي فات جافا 203 وماتعرف مررررررة واسئلتها معقدة
لو يكون مع استاذة اروى يكون احسن لانها مرة عسل مع البنات وشرحها كويس مرررة

[السوسن البهي]

استاذة اروى السمستر هذا ماتعطي جافا

ومالنا غير سهى والله يعين

^^^^طيب ياقلبي كيف واجباتها والبروجكت واسئلة

الاختبار اذا تفتكريها ممكن تقوليها

واشكر كل الي ردوا

تراكيب Cpcs222
يقولو زي الرياضيات

والبرمجة الي هي جافا

[lol18ita]

طيب كيف استاذه بدور؟؟؟؟
في البرمجة 2؟؟

[عصر الحاسب]

المشاركة الأصلية كتبت بواسطة السوسن البهي استاذة اروى السمستر هذا ماتعطي جافا ومالنا غير سهى والله يعين ^^^^طيب ياقلبي كيف واجباتها والبروجكت واسئلة الاختبار اذا تفتكريها ممكن تقوليها واشكر كل الي ردوا تراكيب cpcs222 يقولو زي الرياضيات والبرمجة الي هي جافا

ما كان فيه بروجيكت بس كان فيه 4 اسئلة زي البروجيكت بالضبط اذا مو اكثر
اما الاسئلة لاتعليق لكن حابه اقولك انه هذا الترم يختلف تماما عن الترم اللي فات لانه هذا الترم اروى لنجاوي موجودة وهي اللي تكتب الاسئلة دائما وغير كذا تحب تعمل بروجكت للبنات واكييد البروجيكت في صالحكم
وبالتوفيق يارب

[السوسن البهي]

المشاركة الأصلية كتبت بواسطة عصر الحاسب ما كان فيه بروجيكت بس كان فيه 4 اسئلة زي البروجيكت بالضبط اذا مو اكثر اما الاسئلة لاتعليق لكن حابه اقولك انه هذا الترم يختلف تماما عن الترم اللي فات لانه هذا الترم اروى لنجاوي موجودة وهي اللي تكتب الاسئلة دائما وغير كذا تحب تعمل بروجكت للبنات واكييد البروجيكت في صالحكم وبالتوفيق يارب

أ/ اروى موجودة ؟؟؟
طيب ايش تدي مواد
ولو طلبنا تغيير سهى ممكن يغيروها؟؟

[عصر الحاسب]

ايوه شفت اسمها تدي 203 جافا
والله انتي روحي عند الشؤون تلقي المواد واستاذاتها شوفي الشعبة اللي فيها الاستاذة وماشيه مع جدولك وحاولي في المرشدة بعد كذا...
اذا مارضيت لك حاولي تتأقلمي مع الوضع بس اقولك شئ فيه بنات ارتاحوا لها الترم اللي فات وفيه بنات ومنهم انا ما ارتحنا
عموما حسب كل بنت وطريقة فهمها والله يوفقك.

[al-7lwah]

يووووووووووووة الله يستر منها
انا عندها ذا الترم في مادتيين التراكيب والجافا
ياارب بس تسهلها
طبعا اقصد سهى لانه الكل خوفنا منها وحتى هي ماقصرت فينا يوم دخلت علينا