جبت لكم الكلام الاكيد من الجامعه بالنسبه للتخصص والتحويل والاعفاء...

[خنفشاريه]

المشاركة الأصلية كتبت بواسطة جووري الوررد حبيبتي خنفشاريه يعني حبيبي الحين نزل قبولي انتظام بس بروح السبت وبعتذر ماعاد ابغى احول طيب يعني بالمره اروح للعماده خدمه المجتمع واقولهم لانه تخيلي للحين جدولي مانزل ولا شي ويوم السبت راح تبدا الدراسه بتروح عليه المحاضرات عبال ماينزلوا لي الجدول واصلا كل البنات مانزلهم شي قلت اكيد انه احنا كلنا سوا لانهم قالوا السبت بيحدثوا تقويم الجامعه لانه لما سالت البنات قالوا خلاص مستمر ماقالوا روحي العماده طيب يعني بتروح عليه المحاضرات يوم السبت عبال مايفتح الاعفاء ونروح نجدد وينزلوا الجداول يووووياربي

[/quote]

حبيبتي انتي قبلوكي انتظام وانا كمان قبلوني وفي فرع الفيصليه كمان اللي كنت خايفه منه عشان كذا انا باروح الاسبوع الجاي للجامعه ..طبعا اول شي اروح عمادة القبول عشان اغير الرغبه وارجع انتساب لاني ابي تخصص علوم اداريه ولما اخلص واتاكد انو حذفو رغبة الانتظام على طول اروح لعمادة خدمة المجتمع واقولهم انا انتساب وعندي اعفاء وابي جدولي ينزل وهم حيعملولي اللازم وماراح انتظر لحد مايفتح التقديم للاعفاء..وصلى الله وبارك... ثاني شئ انتي ليش شايله هم المحاضرات واصلا الانتساب ماعندهم محاضرات..الا اذا كان قصدك تروحي تحضري مع الانتظام هذا شي تاني..والله يوفقك يارب.

واذا تحبي نروح مع بعض الجامعه ونشوف امورنا ارسلي لي البن تبعك عالخاص او رقمك وانا راح اتصل عليكي ونتفق..واذا مشاركاتك قليله ادخلي على المواضيع واكتبي ردود عشان تتعدى المشاركات 100 ونعرف نتواصل بالخاص.

[جووري الوررد]

حبيابي انا قدمت تحويل انتظام والحين بروح ارفضه بكرا لانه مافي غير اداب وانا مابغغاه انا اعرف انه اروح لهم وارفض زي ماقلتوا هنا بس تعرفوا ادا اخد اوراق معاي او شي ولا بس كدا اروح وهما يخيروني وارفض انا اعرف الي بتحول تاخد اوراق الي ترفض تاخد شي ولا لا انتظر دركم حبابيبي الله يخليكم

[جووري الوررد]

حبايبي ربي يسعدكم الاخت الي نزلت الموضوع الي تقول راحت للعميده لمياء انا دكرت لها اني نفسي نزلي التحويل بس اليحن برفضه بس هم قالوا قبل يوم الاثنين يجون الي يبغوا يحولوا وانتي دككرتي انها قالت لكي تعالي يوم ينزل تحويلك وارفضيه وفيه بنات قالوا لي لاتروحي في المواعيد المحدده وهم يستبعدونكك ومدري الحين ويش اسوي اروح ولا لا ياريت تفيديني الله يسعدك بروح الصبح الجامعه....

[خنفشاريه]

المشاركة الأصلية كتبت بواسطة جووري الوررد حبايبي ربي يسعدكم الاخت الي نزلت الموضوع الي تقول راحت للعميده لمياء انا دكرت لها اني نفسي نزلي التحويل بس اليحن برفضه بس هم قالوا قبل يوم الاثنين يجون الي يبغوا يحولوا وانتي دككرتي انها قالت لكي تعالي يوم ينزل تحويلك وارفضيه وفيه بنات قالوا لي لاتروحي في المواعيد المحدده وهم يستبعدونكك ومدري الحين ويش اسوي اروح ولا لا ياريت تفيديني الله يسعدك بروح الصبح الجامعه....

انتي اذا رحتي بتعرفين امورك صح وايش الخطوه الثانيه ..لكن لو مارحتي حتقعدي على اعصابك تفكري هم كنسلوكي من الانتظام والا قبلوكي ووقفو معاملتك...يااختي اسمعي الكلام وروحي الجامعه وقولي الانتظام مابيه لان التخصص اللي ابيه مو موجود بالانتظام وهم راح يعملو اللازم من عندهم ..ولاتاخذي معاكي ولا اوراق مو محتاج اوراق...وسلامتك

[دحيم1399]

تكفون ردووو انا تخصصت علم إجتماع لاكن لحد الأن ماطلع لي شي وماني عارفة هل انقبلت او لا وكمان ابغىىىىىىى احول انتظااام ؟؟الحين وش الحل كيف اعرف هاالأمورروهل لازم اجي الجامعه علشان ذاالامور احس الوقت داهمنا وانا زي الأطرش في الزفة

[جوليـــا]

بنات .. انا قبلوني انتظام بالفيصلية وانا تخصصي انجليزي بس اتاري فيه اختبار قبول ومو مضمون فقلت خليني افضل انتساب ... انا قلت خلاص ماروحلهم ولا اوديلهم الشهادة .. ويلغوا الرغبة ولا لازم اروحلهم واقولهم ماابغى انتظام ... طيب لو مارحت اش يحصل يعني

جاوبني بسررررعة بليز

[مضيعه من قلب]

يسعد قلبك ويريح بالك ويحققلك امنياتك قولي امين
وربي كونت شايله هم و موقع الجامعه مره يقلق ولا يقولو متى ولا حاجه ..
مره تسلمي ويديك العافيه ..


بس كيف اطلب اعفاء ..؟

[خنفشاريه]

المشاركة الأصلية كتبت بواسطة مضيعه من قلب يسعد قلبك ويريح بالك ويحققلك امنياتك قولي امين وربي كونت شايله هم و موقع الجامعه مره يقلق ولا يقولو متى ولا حاجه .. مره تسلمي ويديك العافيه .. بس كيف اطلب اعفاء ..؟

الاعفاء اول شئ تقدمي عن طريق النت عن طريق موقع عمادة خدمة المجتمع والتعليم المستمر ولما تقدمي تطبعي تاريخ المراجعه وتروحي حسب التاريخ معاكي الاوراق المطلوبه اللي مكتوبه اللي هي....

• تعريف بالراتب من جهة العمل, وفي حالة التقاعد إحضار تعريف بالراتب التقاعدي.
• كشف حساب من البنك لآخر ثلاثة أشهر للطالب أو ولي الأمر موضح به الراتب الشهري.
• يجب أن لايقل المعدل التراكمي للطالب عن 2.75 ( وهذا شرط لاستمرار المنحة ).
• صورة من كرت العائلة في حالة الزواج , أو صورة الهوية وبطاقة العائلة لغير المتزوجين من الطالبات.
• صورة من عقد إيجار المنزل ( في حالة كان السكن مستأجر) .
• في حالة وجود حالة التزام مالي , يجب إرفاق ما يثبت ذلك .
• تقرير طبي بتاريخ حديث في حالة وجود مرض مزمن لا قدر الله .

والتقديم عن طريق الرابط التالي

http://community.kau.edu.sa/Default...._ID=185&Lng=AR

واتمنى للجميع التوفيق...

[مضيعه من قلب]

وربي اسم ع مسمى خنفشاريه .. انتي احسن حبه فالجامعه يديك العافيه
ويسعد قلبك وما يضيعلك تعب .. ما قصرتي ..

[ميموشآ]

معليش سؤال دحين
اللي فهمتو انو اي بنت انتساب وتطلب تحويل لانتظام يحطوها في فرع الفيصلية كلية الاداب بس؟ مافي خيار تاني ابدا ابدا !!!
وكيف الانتساب برايكم مرتاحين فيه؟
سؤال اخير كنتو تروحو تداومو وتحضرو مع الانتظام؟
عشان انا اول ترم ليا

وشكرا