اختبار تحديد المستوى للقبول في تخصص الانجليزي

[ضحـى]

السلام عليكم ورحمة الله ..

انا طالبة مقدمة علىى تحويل الانتظام و مختارة تخصص انجليزي ..
و الثلاثاء جاتني رساله انو تم ترشيحي للقبول انتظام بس اروح اراجعهم فرع الفيصليه ..
ولما رحت يوم الاربعاء على قسم الانجليزي اتفاجأت وبدوون ايي علم مسبق انو في اختبار اسمو تحديد مستوى في الانجليزي مايتم التخصص بدونه وانه بدأ من 10 دقايق وقتها .. رحت لرئيسة القسم قلتلها انا مستوفية كل الشروط الحمدلله يعني المفروض اتخصص بدون اختبار .. طبعا مافي اي تجاوب غير انها تقول
روحي اختبري الاختبار بدا .. وسألتها ادا في وقت تاني للاختبار تقولي ماعرف ..لاني بصراحه اببدن ماكنت مستعده نفسيآ .. وادا هي رئيسة القسم ماتعرف ادا في اختبار تاني او لا مين يعرف؟
ياريت تقولوولي ايش دا الاختباار واش حكايتو
لاني حاسة مستقبلي بيضيع قدامي ومو عارفه اش اسوي :(

[ام حمدان]

وعليكم السلام ورحمة الله وبركاته


حياك الله اختي

الف مبروك قبولك في الانتظام وعسى ربي يسهلك مشوارك

ماعندي علم عن فرع الفيصليه

لكن بنقل موضوعك لقسمهم وهم إن شاء الله يفيدونك

موفقه

[قمــ15ــر]

للاسف هذا عيبهم ولازم يعقدوها معاكي
ومافي اختبار ثاني غيرة للمستجدات فية اخر الترم للطالبات الي بنفس الكلية بيحولو
وماعرف ايش حيكون وضعك صراحة لكن الله يسهلك ويعينك عالاخلاق الزفت >_<

[MS.Fabulous]

الله يعينك
زي ماقالت قمر الاختبار الجاي حيكون نهايه الترم للاسف
الله يهديهم غيروا النظام المفروض اذا انتي مستوفيه الشروط مايدخلوك الاختبار
وياريت ارسلو لك في الرساله انو في اختبار
ان شاء الله تكوني جبتي الدرجه المطلوبه في الاختبار
بالتوفيق

[طالبه مستجدده]

في اختبار يوم الاثنين او الثلثاء حيكووون للمحولات انتظام تخصص الانجلش والله يعين

[αFйαи ≈]

الي ماتعرف تقول مابعرف ،،، ما تقول مافي !


انا السبت رحت الفيصليه
وفي اختبار هذا الاسبوع الثلاثاء الجاي يبدأ من 8 ل 9 ونص ،،

قاعة 208 c

ان شالله اكون افدتك

انا راح اختبر كمان ،.. الله يعين

[ناموسه]

شوفي بالنسبة للاختبار أنا اختبرت قبل كذا بعدين هونت عن التحويل
أنا اذكر الاسئله الي جاتنا شوي صعبه وكثيره
اذكر بالبدايه جابو صلي تعطيك كلمه ونتي طلعي معناها
وكمان كلمه وعكسها هذي انتي تكوني حافظتها
جابو انك لازم تكتبي تعبير
وكمان اسئله ع القرمر وكان في قطعه طويله وعليها اسئله
يعني صراحه كانت الاسئله كثيره هذا كان ع عهدي قبل كم سنه .. مكوثي كانت سنه او سنتين
بس النظام دائم يتغير مدري اذا بتكون نفسها اول لا

ع العموم شدي حيلك .. والله يوفقك ويوفق الجميع