تحليلية مع د.هالة سنبل .. افيدونا بخبراتكم

[ĸнɪαℓ]

السلام عليكم ورحمة الله و بركاته ..

مرحبا بنات ..

تحليلية مع د.هالة افيدونا بخبراتكم لأني شوي حاسة بحوسة و لخبطة
كيف كان البدابة بدأتوا بكتاب و كيف كان يذاكر منه لأني لاحظت بعض المعلومات مو
موجودة في الكتاب لكن موجودة في السلايدات تبعها و تقول اكتبوها ..
و هل تعطي سلايدات ولا لا.. و هل كانت بتطلب منكم هوم ورك بسيط زينا الآن ؟

و اخيرا طريقة الأسئلة كيف و المقالي يكون شيء طويل ولا بسيط ..؟!


# كل وحدة ترد باللي تعرفه ولو معلومة مو مشكلة .. و شكرررا مقدما ..!!

[sho0ory]

التحليلي مع دكتوره هاله يحتاج انتباه ومذاكره

اسئلتها مقالي في الدوريات في النهائي اختياري

واسئلتها حلوه لو مذاكرة وتحب الشي الواضح فقط

[دروووووووب]

ميرسي عالمعلومة شوري

واللي عنده اضافه لايتردد يفيدنا

[miss.NeNo]

التحليلي ف البداية حتقولكم اشتروا ملزمة من المكتبة

ونص الكلام حتلاقيه ونصو مو موجود تكتبيه

حتحسي نفسك مرررا ملخبطة الين ماتعطيكم السلايدات

والسلايدات مو كل الاجهزة يمكن بس ٦ اجهزة يعني الدوري الاول والتاني من الملزمة

ومرررا لاتفوتي شي معاها قد ماتحاولي اكتبي كل شي

اسئلتها مرا مباشرة وحلوة ،، وتعطي واجبات احيانا بس مو بحث يعني شي مرا بسيط

جاوبي معاها ف الكلاس قد ماتقدري حاولي ،، وذاكري اول باول لانو تسوي مراجعه كل بداية محاضرة

وفي النهائي تجيب كلو اختاري بس تحذف الجزء الاول

موفقين يارب ..

[الارقام الصعبه]

اما اكتب كل شي <<< مالها سلايدات مسربه من هنا ولى من هنا

[وسام الامان]

م جد والله لو لها سلايدات تررررررررريحنا وتعطينا
انا ماحوسني الا الملزمة والله مقدر اذاكر منها ولا بالكذب
الله ييسر لنا امورنا يالله ياكريم
اللهم صل وسلم على الحبيب محمد

[دروووووووب]

ان شالله يكون احد عنده السلايدات ينزلها لنا
ونرتاح من هم الملازم واللخبطة ,,

[دروووووووب]

طيب بنات اللي اخدتو معاها ..

تتدكروو ايش الاسئلة اللي جابتها لكم في الدوري الاول ؟

وكمان اللي تقولة في المحاضرة ومو موجود في الملزمة تجيبة ؟

[وسام الامان]

اييييييي والله ماابغى ملزمة ولف ودوران صراحة ماناسبتني في المذاكرة

الله يسعدها اللي تعرف لهذه المادة سلايدات مو مشكلة حتى لو م دكتورة تانية

سبحان الله العظيم وبحمده

[دروووووووب]

يابنات اليوم لقينا السلايدات مع وحده من بنات الشعبة او بالاصح هي اخدتها من وحده ماشالله عليها كاتبه كل كلمه من السلايدات التعدادات والكلام الدش كللله في ورق

حاصوره انا وارجعه لها يوم الربوع
وانتو اتفق مع وحده منكم تقابلني في المعمل حق التحليلي يوم الربوع او قدام الخوارزم واديكم نسختي تصورو منها