سؤال موجه لكل من درس مقدمه فى الترجمه الترم الماضي واللى قبله

[عبدالله بن عبدالرحمن]

السلام عليكم
اسعد الله اوقاتكم بكل خير

شباب اللى اخذ الماده هذى الترم الماضي وبالصيفي وش كان المطلوب منها ..
الماده طويله جدا ولا اعلم ما الاشياء المهمه منها حتى الان وضعت لنفسي اشياء مهمه لكن بصراحه متلخبط شوي منها
اتمنى اللى عنده رؤيه او خبرة بالماده يلحقنا فيها

اسال الله للجميع التوفيق فى الدنيا والاخرة

[اللورد ريان]

هلا اخوي....

الماده ليست صعبه وليست سهله .... اخذتها الترم المنصرم... للأسف الرسوب كان عالي جدا

والمطلوب الوحده 1و2و3و4و5و6و7و8و9

لكن نصيحه مني ركز على الوحدات 12345 مهمه جدا و99% الاسئله منها

والوحدات الباقيه اقرائها قراءة.....

والله يوفق الجميع.

[HaMaD2oO8]

اذا عند الوزنة الله يعينك على كذبه لاتصدق مايقول بالدورة

واذا عند غيره سهلة جداً باذن الله بانتظار تخرجك

[عبدالله بن عبدالرحمن]

اللورد
حمد
الله يعطيكم العافيه جميعا وبارك الله فيكم

[nour al3mr]

أطلع على الدورات التأهيلية و الأسئلة في آخر ثلاث ردود
السنة الماضية للآترام الأول و الثاني و الصيفي

هنا تجميع لـ مواضيع الدورات التأهيلية و أسئلة الأعوام/ الفصول الماضية والفصل الحالي

[عبدالله بن عبدالرحمن]

المشاركة الأصلية كتبت بواسطة nour al3mr أطلع على الدورات التأهيلية و الأسئلة في آخر ثلاث ردود السنة الماضية للآترام الأول و الثاني و الصيفي هنا تجميع لـ مواضيع الدورات التأهيلية و أسئلة الأعوام/ الفصول الماضية والفصل الحالي

ثاااااااااااااااااانكس ابلا نور ^^

[THE DRAGON]

اسمع اخوي عبدالله انا اخذتها الترم الماضي ورسبت فيها عند الوزنة وهذه اكثر مادة تعبت فيها والمادة جداً سهلة لاكن اسمع كلامي وركز على الخمسة فصول الاولى وللمعلومية المطلوب على ماعتقد تسعة فصول ولاكن مثل ماقلت لك ركز على الخمسة فصول الاولي لسببين
الاول / ان هذه الفصول تعتبر اساس للفصول الباقية
الثاني / ان الدكتور يركز على هذه الفصول في اسئلة الاختبار يعني لو انك تراجع هذه الفصول وتدخل الاختبار تجيب من 70 الى 80 درجة
ونصيحة اذا تبغى تاخذها عند الوزنة ابدا من اليوم ولاتنظر الدورة التأهلية لان هذا الشخص جداً جداً مراوغ وانا اقول الشي هذا من تجربة شخصية
والنصيحة اللي انا نفسي تعمل فيها هي انك اذا مانت خريج لاتقربها مع الوزنة لعل الله ان تكون مع غيره والله يوفقك

[عبدالله بن عبدالرحمن]

اخوي دراقون الله يعطيك العافيه ويوفقك وتجتازها هذا الترم بأذن الله ... وانا خريج بأذن الله ومافيه مفر منها
بس ابي اسألك هل الدكتور جاب مقاطع وطلب ترجمتها ولا ايش بالضبط الاشكاليه فيها ...
ومعليش عندي سؤال لو تكرمت ... هل معدلك فوق الاربعه ؟؟؟


اسال الله يوفقك يابطل

[sultan shammar]

هلا ابو عابد يالله حي الامير

هههههههههههههه >>> تذكر يوم اقولك خل ناخذ صيفي قبل العام ماطعتن


خذيت بالوقت هذاك مع الدكتور محمد فوزي الله يوفقه ان شاء الله واعطانا 5 ورقات منها حكم ومنها اسماءا لانبياء

واشياء والله كثيره لكن كان المطلوب من عربي الى انجليزي والعكس

وصح نسيت المصطلحات عاد انت ماشاء الله ماعندك مشكله بالمصطلحات


لكن مع الدكتور آنف الذكر ماحصل لي الشرف ولله الحمد

وراح اتخرج الترم هذا ان شاء الله وانا مااخذت عنده

[THE DRAGON]

المشاركة الأصلية كتبت بواسطة عبدالله بن عبدالرحمن اخوي دراقون الله يعطيك العافيه ويوفقك وتجتازها هذا الترم بأذن الله ... وانا خريج بأذن الله ومافيه مفر منها بس ابي اسألك هل الدكتور جاب مقاطع وطلب ترجمتها ولا ايش بالضبط الاشكاليه فيها ... ومعليش عندي سؤال لو تكرمت ... هل معدلك فوق الاربعه ؟؟؟ اسال الله يوفقك يابطل

اخوي عبدالله المادة نفسها واضحة ومافيها تعقيد يعني مقدور عليها لاكن الاشكالية في الدكتور الوزنة الله يهديه ويسخره لكم في هذا الترم والمسئلة ومافيها انو انا نزلتها الترم الثاني وحضرة الدورة التأهيلية والرجال قال ان الاسئلة راح تكون خيارات وصح وخطاء وقال في الحرف الواحد ان الخيارات راح تجي اما اعطيك مصطلح واجيب الخيارات اربعة تعاريف او العكس يعني يجيب تعريف واربع مصطلحات وانت تختار وفي اخر محاظرة في الدورة انا كنت واقف معاه وسئلته الاسئلة ايش رح تكون وشدد على انها خيارات وصح وخطاء وقال احتمال اجيب لكم جملة بالعربي وانتم تترجموها الى الانجليزي بس قال الجملة لاتشيلو همها حتى اذكر اعطانا مثال جملة واحدة فقط وفي يوم الاختبار تفاجئنا بأن الاسئلة عشرين فقرة فقط صح وخطاء والرجال لعب كثير على وتر المفردات يعني ماهي نفس المفردات اللي في الكتاب ومعدلي اخوي عبدالله 3.46
المادة سهلة اخوي عبدالله لاتشيل همها وان شاء الله مقدور عليها ومدام انت خريج ابدا من اليوم وراح تكتشف بنفسك ان المادة ماتستاهل كل هالتعقيد اللي يدور حول المادة . بالتوفيق