راح عليا الاختبار بسببكم !!

[باور هورس]

المشاركة الأصلية كتبت بواسطة s.hasan لااا يا شيخة يعني مهملة وما تدري متى أوقات اختباراتك وتجي تقول بسببنا !!! وأصلا أصلا أصلا كل الاختبارات الموحدة من 2 الظهر

هههههههه

ليه الهجوم العنيف هذا ؟!!!


ما تدري اش ظروف البنت !!





خوخاااا

اذا حملتي قولي

عشان احذف الصورة ولا المشاركة
ولا قيرل ما تقصر تحذف الموضوع كله


ما نبغا ضعاف النفوس يستغلوه
لانه يعينهم على الكسل وعدم الانظباط

ههههههه

[girl.k.s.a]

الظاهر انو باور حيتدعس اليوم هههههههههههه
( شيل المرفق أشوف )

لالا ما ابغى شكراً

حرآم تزور أصلا + كيف تبعي التقرير يا ذكاء وهيا ما عندها رقم الملف !!
+
تخيل كتبت اسم دكتور وطلع مو في المستشفى
+
الدكتورات عندنا شديدات مو زي الطلاب
يعني ممكن تروح تكلم المستشفى وتتأكد وأستاذتي عملت الحركة هادي وحرمت بنات من المادة
فالأفضل لها إنهآ تقول الصراحة

^
هاه ترى كتبت بالخط الأحمر عشآن لا تقولي أنحرمت بسببك يا باور

[باور هورس]

انا ما زورت

اللي جابو ليه موظف من المكتب حق التقارير الطبية

ورقم الملف والبيانات وو تكتب اللي تبغاه

لان الدكتوره لو اتصلت حيرد عليها واحد من موظفين حقين المكتب

وهم يصرفوا لان هما نفسهم اللي طلعو التقارير برا

يعني أمان أمان ومجرب

الله يسامحك قيرل

الحمد لله ماني مزور ولا شيء

كل التقارير اللي عندي أخذتها من الموظفين نفسهم
بعدين الدكاترة يبغو شيء رسمي

ما يقدرو الظروف


المهم يا خوخا

الانسه قيرل حذفت الملف

انتي كنتي شايله هم الدكتورة ونسيتي تشيلي هم مراقبتنا قيرل

لأنها باين انها اشد من الدكتورة ونسيت انها طالبة وممكن تمر بظروف ولو قالتها لدكتوراتها
متأكد ان الاغلبية ما رح يقدرو الظرف وما يتفهموا الوضع
وتضطر انها تلجأ لمثل هذي التقارير اللي تشوفها مزورة وحررام
باقي تقول انتو كفار


بالتوفيق للجميع

[Joda Majed]

قدام عيني سار هدا الموقف بنت انحرمت بسبب انها قدمت تقرير واستاذه الماده عرفت واكتشفت انها مزورته =/

انا مابنقولك لا اكيد انتي واعيه لنفسك وماحتخاطري بالحرمان !

وممكن تعدي وتنفذي بجلدك وممكن تنقفطي وتروحي ورا الشمس

افضل شي انك تقدمي عذرك للدكتوره وطبعا مستحيل تعيد تختبرك ، حتختبري شامل اخر الترم ^^ قبل الفاينل

امشي على النظام احسن لك ،

صحبتي ماختبرت احصاء دوري اول .. وهيا تدري وسحبت بنفسها ماهي مستعده تدخل وتجازف بدرجاتها
واخر الترم اختبرتها شامل الدكتوره ، ونجحت بدرجه كويسه اخر الترم

امشي بالسليم افضلك حبيبتي لسلامتك *.*

،.

باور هاوس

ههههه لاتنسى بعض الدكاتره يشيكو على المنتدى -_-'

[باور هورس]

مع نفسهم
انا شغلي نظيف
وتقاريري بعيدة عن الشبهة
واستفاد منها موظفين حكوميين واخذو عليها إجازات

ف ما اسمح لاحد انه يشكك في اي تقرير من عندي

تحرمها عشان التقرير ؟؟!!!
ليه مو كيفها
المفروض تخش في عينها وترفع التقرير قب

يعني لو استفسرت عن التقرير

تقول مو حقي وانا اصلا ما قدمت تقرير
والطالبة تروح تشتكي تقول هذي الدكتورة تتبلى عليه
وتقول انا مزوره وترفع عليها قضية في المحكمة تقول ان الدكتورة تتبلى عليه وشوهت سمعتي في الجامعة
وتطلب تعويض مادي و رد اعتبار كمان تجيب تقرير نفسي انها سببت لها مشاكل نفسية هذا غير انها حرمتها من الاختبار

بعدين تأخذ تعويض مادي
وتعتذر لها الدكتورة قدام الطالبات
وتعيد لها الاختبار

هذا طبعا اذا سامحتها
اذا ما سامحتها ممكن الدكتورة تأخذ لها سجن وجلد
يعني تقلب السحر على الساحر

هذا هو الخبث القانوني
لازم الواحد يستغله بما ان النظام في القضاء فوووووضه

[Aneen Alshoog]

كلنا اختبرنا اقتصاد كلي
وكان من 2 ل 4
بس ياحلووة انتي اي يوم رحتي؟؟
لانه كان يوم الثلاثاء..

[لؤلؤة*]

باور هورس مقدرة لك فزعتك وحرصك ع اخواتك من الطالبات

بس الفزعات تختلف ومو شغلت تقاريري وشغلي نظيف

البنت ماتركت الاختبار استهتار منها لو اشتكت للدكتورة وقالت لها ع للي قلها مافي اختبار بذا الوقت

الله بيفتحها بوجهها وبيوقف معاها

هذا اسمه مبدا الصدق والامانه كون عونها بالطريقه الصحيحه حتى لو نجت واختبرت واخذت الدرجه

اش تقول لربنا ساعدني بالتزوير عشان اعيد الاختبار

وصدقت قيرل في بنات انحرمو بسبب هذه الحركه كلنا مقدرين وقفتك معاها بس ابدا مو بالطريقه هذه

وياريتك انت كمان ماتستخدم نفس الاسلوب حتى لو الامانه زي مابيقولوا ماصدقوك وودوك ورا الشمس

ونصيحتي لخوخا كل دكاتره الاقتصاد زي العسل ادخلي ع مكتب دكتورتك واشرحي لها الوضع ع انفراد

واسفه ع الاطاله

[بنت ناس وقلبي ألماس]

لا تعليق!!
كل واحد محاسب على عمله وحساب الآخره أشد من الدنيا وكل واحد الحمد لله عنده عقل ويعرف الصح من الغلط ..
باورهوس أتمنى أنك تعيد النظر في كلامك وتعتبر من غيرك وتذكر ما يلفظ من قول إلا لديه رقيب عتيد وكل واحد راح يطبق كلامك راح تأخذ انت وزره بالإضافة لوزرك..
وأخيرا لاتجعلوا الله أهون الناظرين إليكم..
اللهم إني بلغت اللهم فاشهد..

[باور هورس]

قيرل

اتمنى تحذفي كل ردودي في هذا الموضوع

[khaled.91.11]

خووخاا
شوفي نصيبك بتاخذيه بتاخذيه بأي طريقة كانت
فخليكي على الصدق أحسنلك وربنا ان شاء الله يسهلك
وزي ما قالولك الأخوات روحي وكلمي الدكتورة وان شاء الله ما تطلعي من عندها اللا وانتي فرحانة

باور هورس
والله انك طلعت خطير وينخاف منك
سويت سيناريو كامل وجاهز لأي حاجة
+
أتمنى إنك ما تزعل من الأخوات
كل وحدة عبرت عن رأيها ورأيهم هو الصح
وما قالولك كذا غير عشان أكيد يعتبروك أخ ويبغولك الخير
وأنا معاك فيه دكاترة يشجعوك على الشي هذا
وبعضهم ما شاء الله يقلك جبلي عذر مزور يعني مرة ما عنده مشكلة
بس صدقني لو سيبت الأشياء هذي حتلاقي ربك يسهلك ويعطيك اللي تبغاه

آسف على الإطالة