هام وضروووري

[هيبة ملاك]

السلام عليكم
اللهـ يخليكم ابغاكم تساعدوووني

انا انسانهـ يمنيهـ في جدهـ اوكـ؟
ابغى ادخل جامعهـ الملكـ عبدالعزيز انتظام
لاني كنت علمي وممتازهـ في دراستي وحرام ماادخل جامعهـ

انا من خريجهـ السنهـ اللي فاتت
وطبعا مافي للاجانب الا انتساب
وانا حابهـ ادخل فيزياء ومافي في الانتساب دا القسم

اللي عندهـ واسطهـ او اي طريقهـ عشان ادش انتظام السنهـ الجايهـ قولولي اللهـ يخليكم
" من فرج عن مسلم كربهـ من كرب الدنيا فرج اللهـ عنهـ كربتهـ يوم القيامهـ"
واللهـ بكون شاكرهـ لهـ ولهـ هديهـ مايتوقعها اللي بيساعدني واللهـ اني قد كلمتي وبعطيهـ شي خيالي ،، صدقوني مو نيتي الرشوهـ او كدا بالعكس واللهـ نيتي المساعدهـ بمقابل حاجهـ تسعدهـ
"اللي يقدر بس يراسلني او تراسلني ع الخاص ونتفاهم بكل شي "
وشكرا...

[روووني]

روحي قدمي عن طريق السفاره اليمنيه انا مره وحده من صاحباتي انقطع دحين اتصالي فيها المهم هي يمنيه ونسبتها التراكميه مو الموزونه يمكن98 وهي ادبي وقدمت الترم الاول في السفاره اليمنيه على منحه انها تدرس في جامعه الملك عبدالعزيز وقالوها طيب بس السنه الجايه حتداوم وبمكافاءه زينا وهي دحين تدرس في جامعه صنعاء في جده وحتسحب ملفها في نهايه السنه روحي حاولي وجربي لا تيأسي والله يوفقك يارب

[الريمـ]

وانا كماان اعرف وحدة تداووم بالجامعه يمنيه

جاايه بعثه بس ما تاخذ مكافأة

قدمي وربنا يكتبلك اللي فيه الخير و يسااعدك ^^

[هيبة ملاك]

واللهـ انا ماتهمني المكافأهـ بس اهم شي اكمل دراستي
بنت خالتي دخلت جامعهـ صنعاء اللي هنا بس على طول سحبت تقول الدراسهـ مو زينهـ وكلهـ كلام فاضي

اما بالنسبهـ اني اقدم بعثهـ عن طريق السفارهـ
خليت بابا يروح للسفارهـ وقالو ندخل بس اللي نسبهم فوق 97 وانا بصراحهـ نسبتي اقل من كدا

طيب مين تفيدني عن التأهيلي
يقولو في تأهيلي وبفلوس ،،، بس ابغى اعرف يقبلو اقل نسبهـ كم وفي للاجانب او لا؟؟؟؟؟؟

اللهـ يعيني ويعين اللي مثلي

[* تركي *]

/

بـِ النسبة لـِ القبول بـِ الجآمعه بـِ إِمكآنك التَقدم بـِ أخذ مِنحة درآسية مِن وزآرة التعليم العآلِي ،

أمآ عن شروط تَقديم هـَ المنحه ، لـِ الأسف مآ عندي خَلفية ،’

وَ بـِ النسبة لـِ الانتسآب ، فـَ هو فَقط لـِ كليتي " الآدآب " وَ " الإِقتصآد وَ الإِدآرة " ..




مُوفقة


::

[Violet Heart]

وعليكم السلام ورحمة الله
انا هادي اول مشاركة ليا وحبيت اقولك القصة الطويييلة العريضة اللي باذن الله حتنبسطي بعد ما تقرئيه
انا طالبة منتظمة في السنة التحضيرية مسار علمي والقصة هيه انو وحدة من صحباتي انقبلت في الترم الاول بس متاخر كدا على شهر تماما من بداية الدراسة على اول ايام ذي القعدة
ولما سالناها انتي ايش قصتك قالت انا غير سعودية اختبرت القدرات والتحصيلي و قدمت عالنت وما قبلوني وقالت انها مررة اتحطمت وبعدين كدا على قبل شعبان حاول ابويا انو يشوف عند قسم الاولاد في عمادة القبول والتسجيل واعطوه استمارة يعبيها ويجيبها في اليوم اللي بعدو مع الطلبات اللي موجودة في الورقة اللي هيه كانت صورة من شهادة الثانوي وصورة من الهوية ونتيجة اختبار القبول بس واعطولو رقم معاملة وقالولو تعال في رمضان وراح ابويا على الوقت المحدد برضو قالو المعاملة لسه ما كملت لما تنقبل بنتك حندق عليك المهم بعدها مرررة ما دقو ولا سمعنا خبر طبعا وتقوللي صحبتي انو كل يوم كانت بتزن على ابوها روح شوف ايش سووا بالمعاملة فراح يمكن على كلامها مرتين او 3 بعدها وطبعا كل يوم بيعدي وصحبتي بتقولي انها متحطمة وماهي عارفة وووووو المهم بدات الدراسة بعد العيد باسبوع برضو ما جاهم خبر المسكينة راحت فيها ونفسيتها صعبة للغاية الا قالتلي بعد كدا انو الجامعة دقت على جوالها بعد شهر بالتمام والكمال وقالولها جيبي ملفك انتي مقبولة وعلطول اليوم اللي بعدو راحت والحمد لله كملت كل المطلوب بس حصلت مشكلة مع الجدول انو ما نزلولها هيه الابعد اسبوع تقريبا والمسكينة كان الاسبوع اللي بعدو علطول اختبارات الدوري الاول بس وكلمت بعض صحباتها الاجانب اللي تعرفهم واللي قدمو زيها ناس قالو انو الجامعة دقت عليهم برضو وقالت كتير كتير من صحباتها ما انقبلوا فاستغربت، بس وعرفت بعدها انهم ما قبلو اللي نسبتهم الموزونة اللي نصها من نتيجة الثانوي والنص التاني من اختبار القبول اقل من 90 % والحمد لله صحبتي اخدت فوق ال90% عشان كدا قبلوها هيه وكم وحدة زيها وترا قالتلي انو اللي انقبلو مرررة قلال يمكن ما يتعدو المية وكمان يمكن اقل بكتير حتى ما اعطولهم الخيار هم اي مسار كانو يبو يدرسوه حطوهم علطول في المسار العلمي لانهم متخرجين علمي وفي ناس تانية اداري وانساني هادول للي شهاداتهم ادبي، يالله انا فاكرة ذيك الايام واجهو صعوبة مرة كبيرة كانت العالم مخلصة شباتر كتيرة في كل المواد وهم المساكين فاتهم شهر كااااامل حتى فكرت انها تسحب ملفها بعد ما بكيت وشالت هموم المواد اللي بالانجليزي بس شدت حيلها وما سحبت، المهم في وقت امتحانات الدوري الاول اغلبهم ما اختبرو مع الطالبات المنتظمات من اول وقالتلي انو استاذاتهم في المواد العلمية حنوا عليهم وعملولهم زي المحاضرات الاضافية عشان يتداركو اللي فاتهم والحمد لله اختبروهم الدوري الاول لحالهم او على ما اذكر انها قالتلي اختبرت هيه والشلة المتاخرة مع شعب كلية العلوم اللي كانو بالمستوى الثاني في الترم الاول وبفضل الله مشت حالها وصارت احسن وتاقلمت وهيه منتظمة لا هي انتقالي ولا تاهيلي اللهم الشيء الوحيد اللي بيفرق عن الانتظام انها ما تاخد مكافاة وكمانة قالولها لما قدمت انو في احتمال انو الاجانب ممنوع يدخلو كلية الهندسة والطب وكل مشتقاتها << حلوة دي الكلمة بس هيه الحمد لله اخدت الموضوع ايزي ودايما دايما تحمد ربها انها انقبلت و قالتلي مؤخرا انو في احتمال يفتحو للاجانب في الطب لكن اهم اهم شيء هو المعدل في السنة التحضيرية لازم يكون عالي لو تبى طب مثلا على حسب كل كلية هيه ومعدلها المطلوب
طيب انا والله حبيت احكيلك عن اللي صار مع صحبتي عشان تطمني انو في قبول السنة الجاية بس والله هادا اذا كانو حيكملو نظام السنة التحضيرية ما ادري اذا ناويين يلغوا دي السنة يمكن تتغير القوانين والله يعينك بس باذن الله تنقبلي السنة الجاية اهم شيء نسبتك الموزونة فوق ال90% ونشوفك مبسوطة في الجامعة وربي يحقق كل امالك وامنتياتك وتدخلي قسم الفيزياء او اي قسم تاني انتي نفسك فيه بس طلب مني بسيط ليكي انك تدعيلنا ربنا يوفقنا ترا انا وهيه للان محنا مقررين ايش نتخصص الله يستر ويسهل لكل طالبات وطلاب السنة التحضيرية اللهم امين
اعذروني على الاطالة ويمكن طفشتكم بس معليه كان نفسي ابشر الاخت عن اللي صار مع صحبتي
وصلي اللهم وسلم على سيدنا محمد وعلى اله وصحبه اجمعين
والله الموفق والسلام عليكم ورحمة الله وبركاته

[مزون عابرة]

يعني انتي نسبتك مرة قليله؟؟
الي اعرفه انه الجامعه يقبلو من نسبه 97 ومافوق طبعا
او عن طريق المنحه

والافضل تروحي تقدمي اورآقك من قسم الرجال ترى يهتمو اكثر
ومسؤوله في الجامعه بنفسها قالت لي هالكلام
حتى لو يقبلوكي ترم ثاني مو مشكله
قدمي بالجهتين وربي ييسر لك

موفقه

[هيبة ملاك]

المشاركة الأصلية كتبت بواسطة violet heart وعليكم السلام ورحمة الله انا هادي اول مشاركة ليا وحبيت اقولك القصة الطويييلة العريضة اللي باذن الله حتنبسطي بعد ما تقرئيه انا طالبة منتظمة في السنة التحضيرية مسار علمي والقصة هيه انو وحدة من صحباتي انقبلت في الترم الاول بس متاخر كدا على شهر تماما من بداية الدراسة على اول ايام ذي القعدة ولما سالناها انتي ايش قصتك قالت انا غير سعودية اختبرت القدرات والتحصيلي و قدمت عالنت وما قبلوني وقالت انها مررة اتحطمت وبعدين كدا على قبل شعبان حاول ابويا انو يشوف عند قسم الاولاد في عمادة القبول والتسجيل واعطوه استمارة يعبيها ويجيبها في اليوم اللي بعدو مع الطلبات اللي موجودة في الورقة اللي هيه كانت صورة من شهادة الثانوي وصورة من الهوية ونتيجة اختبار القبول بس واعطولو رقم معاملة وقالولو تعال في رمضان وراح ابويا على الوقت المحدد برضو قالو المعاملة لسه ما كملت لما تنقبل بنتك حندق عليك المهم بعدها مرررة ما دقو ولا سمعنا خبر طبعا وتقوللي صحبتي انو كل يوم كانت بتزن على ابوها روح شوف ايش سووا بالمعاملة فراح يمكن على كلامها مرتين او 3 بعدها وطبعا كل يوم بيعدي وصحبتي بتقولي انها متحطمة وماهي عارفة وووووو المهم بدات الدراسة بعد العيد باسبوع برضو ما جاهم خبر المسكينة راحت فيها ونفسيتها صعبة للغاية الا قالتلي بعد كدا انو الجامعة دقت على جوالها بعد شهر بالتمام والكمال وقالولها جيبي ملفك انتي مقبولة وعلطول اليوم اللي بعدو راحت والحمد لله كملت كل المطلوب بس حصلت مشكلة مع الجدول انو ما نزلولها هيه الابعد اسبوع تقريبا والمسكينة كان الاسبوع اللي بعدو علطول اختبارات الدوري الاول بس وكلمت بعض صحباتها الاجانب اللي تعرفهم واللي قدمو زيها ناس قالو انو الجامعة دقت عليهم برضو وقالت كتير كتير من صحباتها ما انقبلوا فاستغربت، بس وعرفت بعدها انهم ما قبلو اللي نسبتهم الموزونة اللي نصها من نتيجة الثانوي والنص التاني من اختبار القبول اقل من 90 % والحمد لله صحبتي اخدت فوق ال90% عشان كدا قبلوها هيه وكم وحدة زيها وترا قالتلي انو اللي انقبلو مرررة قلال يمكن ما يتعدو المية وكمان يمكن اقل بكتير حتى ما اعطولهم الخيار هم اي مسار كانو يبو يدرسوه حطوهم علطول في المسار العلمي لانهم متخرجين علمي وفي ناس تانية اداري وانساني هادول للي شهاداتهم ادبي، يالله انا فاكرة ذيك الايام واجهو صعوبة مرة كبيرة كانت العالم مخلصة شباتر كتيرة في كل المواد وهم المساكين فاتهم شهر كااااامل حتى فكرت انها تسحب ملفها بعد ما بكيت وشالت هموم المواد اللي بالانجليزي بس شدت حيلها وما سحبت، المهم في وقت امتحانات الدوري الاول اغلبهم ما اختبرو مع الطالبات المنتظمات من اول وقالتلي انو استاذاتهم في المواد العلمية حنوا عليهم وعملولهم زي المحاضرات الاضافية عشان يتداركو اللي فاتهم والحمد لله اختبروهم الدوري الاول لحالهم او على ما اذكر انها قالتلي اختبرت هيه والشلة المتاخرة مع شعب كلية العلوم اللي كانو بالمستوى الثاني في الترم الاول وبفضل الله مشت حالها وصارت احسن وتاقلمت وهيه منتظمة لا هي انتقالي ولا تاهيلي اللهم الشيء الوحيد اللي بيفرق عن الانتظام انها ما تاخد مكافاة وكمانة قالولها لما قدمت انو في احتمال انو الاجانب ممنوع يدخلو كلية الهندسة والطب وكل مشتقاتها << حلوة دي الكلمة بس هيه الحمد لله اخدت الموضوع ايزي ودايما دايما تحمد ربها انها انقبلت و قالتلي مؤخرا انو في احتمال يفتحو للاجانب في الطب لكن اهم اهم شيء هو المعدل في السنة التحضيرية لازم يكون عالي لو تبى طب مثلا على حسب كل كلية هيه ومعدلها المطلوب طيب انا والله حبيت احكيلك عن اللي صار مع صحبتي عشان تطمني انو في قبول السنة الجاية بس والله هادا اذا كانو حيكملو نظام السنة التحضيرية ما ادري اذا ناويين يلغوا دي السنة يمكن تتغير القوانين والله يعينك بس باذن الله تنقبلي السنة الجاية اهم شيء نسبتك الموزونة فوق ال90% ونشوفك مبسوطة في الجامعة وربي يحقق كل امالك وامنتياتك وتدخلي قسم الفيزياء او اي قسم تاني انتي نفسك فيه بس طلب مني بسيط ليكي انك تدعيلنا ربنا يوفقنا ترا انا وهيه للان محنا مقررين ايش نتخصص الله يستر ويسهل لكل طالبات وطلاب السنة التحضيرية اللهم امين اعذروني على الاطالة ويمكن طفشتكم بس معليه كان نفسي ابشر الاخت عن اللي صار مع صحبتي وصلي اللهم وسلم على سيدنا محمد وعلى اله وصحبه اجمعين والله الموفق والسلام عليكم ورحمة الله وبركاته

مرهـ فرحتيني يعني ان شاء اللهـ في امل
اللهـ يسعدكـ وينور طريقكـ
وان شاء اللهـ انتي وصديقتكـ تختارو القسم اللي يناسبكم

[هيبة ملاك]

المشاركة الأصلية كتبت بواسطة مزون عابرة يعني انتي نسبتك مرة قليله؟؟ الي اعرفه انه الجامعه يقبلو من نسبه 97 ومافوق طبعا او عن طريق المنحه والافضل تروحي تقدمي اورآقك من قسم الرجال ترى يهتمو اكثر ومسؤوله في الجامعه بنفسها قالت لي هالكلام حتى لو يقبلوكي ترم ثاني مو مشكله قدمي بالجهتين وربي ييسر لك موفقه

انا نسبتي يالغاليهـ 88
واللهـ الترم الاول جبت 95 بس الترم التاني تعبت ايام الاختبارات ونزلت نسبتي
شكلي اذا مالقيت حل بروح اسجل في كليهـ ابن سينا " طب اسنان "
ودي الكليهـ تقبل اللي نسبهم فوق 85
اللهـ يكتب اللي فيهـ الخير

[الحســssــام]

اختي لاتيأسي خلي املك في الله كبير بس انا بقولك على حاجه اذا والدتك سعوديه ترى يقبلونك على طول وتتعاملين معاملة السعوديه في الجامعة روحي وقدمي واسالي لاتخلي باب الا و تدقيه والله يوفقك يارب

وانا بقولك على قصتي عشان تعرفين انه ربنا كبير ورحيم :
انا اتخرجت من الثانويه بنسبة 65 % والله العظيم 65% وجلست سنه عاطل وبعدها قالو فتحو دبلومات في الجامعه قلت يالله احسن من جلسة البيت ودخلت وطبعا اول دفعه كانت بهلله لانسبتي ولانسبتك المهم دخلت الدبلوم والحمدلله جبت معدل 4.04 من 5 طبعا ماهو فلاحه كلها دف من الدكاتره وانا والله نيتي الدبلوم ولافيه شيء بعده تاخذ شهادتك واتوكل على الله اخذت الدبلوم في الفندقه والسياحه لاحظي في ايش (فندقه وسياحه ) المهم لمن جينا نتخرج قالو في ميزه للطلاب الي معدلاتهم عاليه انهم راح يدخلون الجامعه انتظام وانا والله ماادري عن السالفه هذه واني انقبلت في الجامعه ولا ادري اصلا انهم بيدخلونا الجامعه المهم دخلت الجامعه وكملت وايش تخصصت ؟؟؟؟؟ محاسبه والحمدلله بعد خبره 7 سنوات في الجامعه اخذت البكالوريوس >>>> فاشل 7 سنوات خخخخخخخخخ .
فانا ماسردت القصه هذه كلها الا ويمكن تزبط معك شغلت الدبلوم هذه فجربي لعل وعسى بس قبل ماتسجلي في الدبلوم اتاكدي هل باقي النظام هوه هوه ولاتغير واذا كان باقي مثل ماهوه وفي دبلومات للبنات والله ادخلي ولاتقولي مضيعة وقت على الفاضي ( سنتين ادرسها وماادري ايش ) انتي في النهايه الي كسبانه دبلوم وان شاءالله بكالوريوس وماستر ودكتوراه يارب .

وربنا يوفقك ان شاءالله ونشوفك باش مهندسه فيزيائيه قد الدنيا