مادة الحاسب...ومشكلتي معها...؟؟!!...

[جالكسي22]

بسم الله الرحمن الرحيم
السلام عليكم ورحمة الله وبركاته

ياحلوويين عندي مشكلة في مادة الحاسب مع انها اسهل مادة بالنسبة لنا...
والمشكلة هي:

عندي استاذة (ماتدري وين ربها حاطها) تقولنا انوو المقرر عليكم دراسة المادة باللغة

الانجليزية وتشترو الكتاب الانجلش ولكن الاختبارات ستكون المصطلحات فقط

بالانجلش والباقي "الله اعلم"!!!<<<طب مين اللي حيعرف الباقي ايش


واستاذة تانيه حق صحباتي تقولهم انوو المفروض والاجباري علينا تدرسيكم باللغة

الانجليزية والاختبارات بالعربي بس المصطلحات انجلش<<الى هنا تماام نفس الكلام

لكن تقولهم انا عشان ارضي ضميري واريحكم حعطكيم المادة عربي لانوو في الاخير

حتذاكرو عربي وتختبرو عربي!!!


ايش التناقض داا بين الاستاذات؟؟ ليش مايمشوو كلهم ع كلام واحد ويصير النظام واحد ع الكل...

انا دحين حايسه ومني عارفه اشتري اي كتاب واذاكر من فين...عربي ولا انجلش؟؟؟

اسمع كلام استاذتي ولا الاستاذة التانيه؟!!...


بلييييز كل وحده تدخل تقولي استاذتها ايش قالتلها ؟...ومين فين حتذاكرو الكتاب العربي ولا الانجلش؟...

واللي عندها خبر موثوق عن الاختبارات كيف حتكون تبلغناااا لانوو خلاص الاختبارات ع الابواب وهما مهم راسيين ع بر الى الان...


لكم حبي وتحيتي

[نسيم الوجود]

اللي عندنا قالت :

الكتاب المقرر انجلش
والاختبار عربي والمصطلحات انجلش
و الاستاذه تشرح بالعربي والعرض اللي تشرح عليه انجليزي


وانا عندي كتاب عربي - انجلش من بنات خطه أ احس انه الافضل ..
لكن افكر اشتري الانجلش لانه الاغلبية اشترو آآ
يعني زي ماتقولي مع الخيل يـآ شقرآ




(ملاحظه ) : للي اشترو كتاب الحاسب من مكتبة خوارزم بكم اشتريتوه عشان كم اجيب معاي فلوس ؟



نسيمـ

[Swεεŧ AŋGзL]

انا الحمدلله

راح اريح دماغي وأخذ شهادة icdl.. ان شاء الله


وافتك من هرجهم اللي مايخلص ...


لانهم مالهم كلمة وحده أبداً ...

يغيروا في القرارات الى يوم الاختبار

ودمتم سالمين ..

[NONO_88]

بالنسبه للعملي مره تافهه مايحتاج له اما النظري يحتاج له حفظ بس

[Dr.SoOoMa]

المقرر الاساسي باللغه الانحليزيه

بس ترى اللى يبي يريح راسه يشتري كتاب الحاسب بالعربي لانه في الكلمات كامله بالانجليزي وترى مررره حلو وجيد

اظن اسمه مقدمه في علم الحاسب والبرمجه كتاب كبير ورائع

[طقوس ..~]

انا كمان نفس الكلام


الكتاب انجليش

والاسئله عربي والمصطلحات انجليش

وانا الين دحين ماشريت ولا كتاب >>هع

مدري عنهم الله يهديهم بس ويقرروا

طفشونا والله

[rayyan1444]

المشاركة الأصلية كتبت بواسطة نسيم الوجود : (ملاحظه ) : للي اشترو كتاب الحاسب من مكتبة خوارزم بكم اشتريتوه عشان كم اجيب معاي فلوس ؟ نسيمـ

بـــــــــــــــــــــــ 60 ريال

[أنثى نرجسية]

:
/

آنَآ آتْذَكّرْ آنّهْ قبلّ الإخْتِبَآرْ بِـ يومينْ عرفنَآ آنهْ عَربِيْ والمصلحَآتْ بـ الإنقلِشْ بـ رسآلَة في الإيميلْ

اللهْ يعينكمْ ..!

نَصيحتِيْ لكِ حآوْلِيْ تشتريْ الكِتآبْ بدريْ حَتّى لوْ آنقلشْ وذآكرِيْ لأنّه الجزئيّة الأولَى فيهَآ حفظْ


وبِـ التوفيقْ ~ ..



:

\

[جالكسي22]

المشاركة الأصلية كتبت بواسطة نسيم الوجود اللي عندنا قالت : الكتاب المقرر انجلش والاختبار عربي والمصطلحات انجلش و الاستاذه تشرح بالعربي والعرض اللي تشرح عليه انجليزي وانا عندي كتاب عربي - انجلش من بنات خطه أ احس انه الافضل .. لكن افكر اشتري الانجلش لانه الاغلبية اشترو آآ يعني زي ماتقولي مع الخيل يـآ شقرآ نسيمـ

هلا نسيم<<<الى دحين ماشوفتك الظاهر موو مكتوب نشوف بعض...
حبيت اقولك انوو الكتاب تبع بنات الترم الاول موو نفس المنهج اللي احنا ندرسوو في اختلافات كثييييرة انا كان عندي في البداية بس مررة ماينفع لانوو طبعتوو قديمة من نفس حقنا دحين...
في كتاب عربي اسمه:مقدمة في الحاسب والانترنت هذا نفس الانجلش اللي قالولنا نشتريه...

المشاركة الأصلية كتبت بواسطة جامعيه ودق التحية انا الحمدلله راح اريح دماغي وأخذ شهادة icdl.. ان شاء الله وافتك من هرجهم اللي مايخلص ... لانهم مالهم كلمة وحده أبداً ... يغيروا في القرارات الى يوم الاختبار ودمتم سالمين ..

احسن لك والله...
شاكرة تواجدك معنا

المشاركة الأصلية كتبت بواسطة dr.soooma المقرر الاساسي باللغه الانحليزيه بس ترى اللى يبي يريح راسه يشتري كتاب الحاسب بالعربي لانه في الكلمات كامله بالانجليزي وترى مررره حلو وجيد اظن اسمه مقدمه في علم الحاسب والبرمجه كتاب كبير ورائع

الكتاب اسمه: مقدمة في الحاسب والانترنت

المشاركة الأصلية كتبت بواسطة أنثى نرجسية : / آنَآ آتْذَكّرْ آنّهْ قبلّ الإخْتِبَآرْ بِـ يومينْ عرفنَآ آنهْ عَربِيْ والمصلحَآتْ بـ الإنقلِشْ بـ رسآلَة في الإيميلْ اللهْ يعينكمْ ..! نَصيحتِيْ لكِ حآوْلِيْ تشتريْ الكِتآبْ بدريْ حَتّى لوْ آنقلشْ وذآكرِيْ لأنّه الجزئيّة الأولَى فيهَآ حفظْ وبِـ التوفيقْ ~ .. : \

شاكره تواجدك...




ع كداا بعد الكلام داا معناتوو الاختبار حيكون عربي والمصطلحات بس انجلش يعني مالنا الا الكتاب العربي (مقدمة في الحاسب والانترنت) عربي ومصطلحاتوو انجلش...
نسيم نصيحة مني// لاتشتري الكتاب الانجلش لانوو انا شايفه الكتاب العربي احسن...





.....لكم حبي وتحيتي.....

[υикиσωи]

<< شوفي قلبونتي زي ما قالت أنشى نرجسية ..
انو قبل الاختبار بيومين جو قالولنا العربي
مع انو فحطنا في الانجلش

بسس تدري الانجلش اقل واسهل

ع العموم زاكري عربي ومصطلحات انجلش
.. وايش كنت ابا اقول كمانا ...!
ايوا صح .. في الاختبار كانو يعملو حركة ما ادري ايش اسميها .. يجيبولنا اللي المفروض يجي عملي يجيبوو نظري...
ما ادري عليهم مخ ...!:s