سارت عندي لخبطه ف الخطه ومحتاجه رايكم

[نوونيتا]

السلام عليكم
كيفكم ان شاء الله تكونو كويسين

انا دحين حسير مستوى رابع ان شاء الله
ف السمستر الثالث انا مشيت على الخطه تمام بس
بدل ما آخد احصاء اعمال نزلت بدآلو مبادئ الاداره
من المستوى الرابع
وقولت محا اخد الاحصاء الا ف اخر سمستر ليا ف الجامعه ان شاء الله
حتآ لو اخدتو ف ترم اضافي لحآلوو مافي مشكله
وانو السمستر الجاي حنزل بس 4 مواد لاني اصلن خلاص اخدت مبادئ الاداره
و ابا امشي على الخطه لين اخر سمستر ليا ف الجامعه ان شاء الله
وماني حابا اخد الاحصاء السمستر الجاي لانو ابا ارفع معدلي
واخاف ينزل مع الاحصاء


دحين ابا اسالكم .. الي قاعدا اسويه صح
انو اخلي الاحصاء لين اخر حاجا .. حتا لو ترم اضافي عشانو
وانو انزل السمستر الجاي بس 4 مواد ؟

او انو لا انزل السمستر الجاي ماده زياده من المستوى الخامس
ولمن اسير مستوى خامس ان شاء الله انزل الاحصاء واكمل امشي على الخطه


وايش هيه الماده الي مومكين انزلها بس تكون سهله ..
او انو كمان كدا غلط وفي رائي احسن ؟

منجد انا مرآ محتاره قولولي ايش اسوي
وانا ماني عارفا كيف حتكون صعوبه المواد كل زادت السمسترات
ف مرا محتاجه رأيكم

[أم حبلص]

وعليكم السلام ورحمة الله وبركاته

شوفي ياقمر شي جميل انك ماشية على الخطة تمام ما شاء الله عليكي والشي الحلو. انك اخذتي مبادئ الادارة وانتهيتي منها ، انا اشوف انك تاخذي احصاء هذا الترم ليه ! المادة ماهي صعبة ولا هي سهلة لو شديتي حيلك فيها واخترتي افضل دكتورة او استاذة تشرح المادة باذن الله ترفع لك معدلك لكن لو خليتيها الترم اللي بعده مع التمويل والنظم والمواد اللي يبغالها جهد وتركيز ما راح يكون حلووو يعني صعبه عليكي .. اتمنى فهمتيني وهيا المادة لو اعطيتيها مذاكرة اول باول راح تحبيها لكن لو راكمتي المذاكرة الين الاختبار حتكون صعبة .

بالتوفيق يا رب .

[khaled.91.11]

انا رأيي نفس رأي أختي أم حبلص
وتري ما حتوصل انك تاخذي الإحصاء لحاله في ترم
لأنه لو كان باقيلك 12 ساعة أو أقل من خطة مستجد أعمال تتخصصي وتقدري تاخذي مواد من المستوى السادس معاه

بس برضوا الأحسن انك تخلصي من الاحصاء لان المواد كل مالها تصعب فحيصر صعب عليكي انك تاخذي بعدين

[RHF]

اتوقع الاحصاء ما ينفع في المستوا الخامس حتصعبيها على نفسك يا عزيزتي

يا تاخديه في الترم الرابع يا السادس ، في الخامس ما يجي خخخخخ

وترا الاحصاء مرا سهل ومو محتاج الازمة الي عاملتها

//

في خطة الاعمال العام ال 4 مواد تعتبر قليل

نزلي مادة خامسة ، تكون حرة مثلا ، حترفع لك المعدل ان شاء الله

الافضل تنزلي تلاتة مواد تخصص ومادة حرة و مادة عامة جدول ممتاز

[ҳҲҳŔỜŔỜҳҲҳ]

خذي احصاء وذاكري اول بأول وماحتندمي

المستويات الجايه محتاجه مجهود وفي كل سمستر حتطلعلك مادة تشيب الرأس بس مو زي الاحصاء

الاحصاء متعة جنب مواد المستوى الخامس والسلوك التنظيمي اللي ف المستوى السادس

ونصيحة كل مازادت عدد ساعاتك المعدل يطلع ببطء وينزل بشكل فضيع يعني الافضل شدي حيلك من اللحين وخذي احصاء وجيبي فيه درجة حلوة وخلي معدلك حلو يساعدك للااترام الاخيرة

[نوونيتا]

الله يسسعدكم بجد مرآ سآعدتوني .. وقولت ان شاء الله ح اخدو
طيب لو اخدت الاحصاء احسن اخدو
مع هبه م. باشيخ ولا عبير الثبيتي
ايت دكتورا احسن واخلاقها كويسا
ومن ناحيه كمان المراعاه في الدرجات + الحضور والغياب

[ما أصعب الحياة]

المشاركة الأصلية كتبت بواسطة نوونيتا الله يسسعدكم بجد مرآ سآعدتوني .. وقولت ان شاء الله ح اخدو طيب لو اخدت الاحصاء احسن اخدو مع هبه م. باشيخ ولا عبير الثبيتي ايت دكتورا احسن واخلاقها كويسا ومن ناحيه كمان المراعاه في الدرجات + الحضور والغياب

الي أعرفو انو عبير الثبيتي جدا كويسة بس أنا صراحة ما أخدت معها بس على كلام البنات.
موفقة حبيبتي وفعلا المادة جدا حلوة وممتعة

[the candle]

أنا أخذت مع أ/تهاني وكانت أخلاق وتفهم وتراعي كمان
والمادة تراها حلوة بس يبغالها مذاكرة اول باول ،، بالتوفيق

[نوونيتا]

تهاني للأسف مو نازل اسمها
بس قولت حتوكل على الله وأخد مع عبير الثبيتي
وان شاء الله يارب تكون منجد سهله دي الماده
لأنو من كتر ما سمعت عنها انسدت نفسي عنها تماما
ومررآ شووكرا .. ربي يوفقكم أن شاء الله
ويسهل عليكم كل صعب

[باور هورس]

خذي الإحصاء الترم هذا
ولا تؤجلي مرة أخرى عزيزتي

هذه الفلسفة ما احبها ولا انصح فيها تقدمي وتأخري في الخطة

اولا الخطة وتقسيم المواد على المستويات موضوعة من قبل نخبة من الأساتذة وعلى أسس علمية
ثانيا لا تحكمي على المادة من تجارب غيرك وقبل ما تجربي بنفسك
ثالثا المادة وراك وراك وتأجلي لمتى ؟! وما تدري اش بتكون ظروفك في الترم الاخير او المستقبل بشكل عام
رابعا دائماً خليك على الخطة واذا تبغي ساعات زيادة خذي من مواد الترم التالي
خامسا خلي عندك مجال للمواد التي تعثرتي فيها
مثلا لو قلتي بتخلي الإحصاء آخر ترم
والترم الاخير عدد مواده 5 مواد + الإحصاء = 6 مواد
والترم اللي قبل الاخير رسبتي في مادة يصير اكيد ح تأخذيها في الترم الاخير
صار عدد المواد في اخر ترم 7 مواد
هيا وريني كيف تجيبي درجات حلوة

القرار لــك اولا وأخيرا

كل هذا
من مذكرات باور هورس الجامعية

باور هورس يتمنى للجميع التوفيق