استفسار عن كتاب التدريب الميداني 2

[w h i s p e r]

السلام عليكم ..

اليوم رحت طلبت الملزمتين النظري والعملي من مكتبة خوارزم فأعطاني الرجال كتابين الاول عندي اللي

لونو كحلي وهوا كتاب التدريب 1 والكتاب التاني البني دليل الطالب في التدريب الميداني وقال دا تبع التدريب الميداني 2

سؤالي للي اخدو تدريب ميداني 2 : هل نحتاج الكتاب؟ ولو عندي الكتابين دي تغنيني عن الملزمتين؟ ولا لازم اشتري االملزمتين وارجع الكتاب؟

بليز اي وحده تقرا موضوعي وتعرف تردلي عشان اقدر ارجع الكتب واتصرف

[محلل شخصيات]

وعليك السلام
مساء الخير
ياهمس الكتاب مهم لك خاصةً عند إعداد التقرير وحتى مابعد التخرج هو مهم كذلكـ .

هذا مالدي ولك حرية القرار

بالتوفيق ^_^

[w h i s p e r]

انا قلت برضو انو الكتاب المهم وشكرا على نصيحتك وسرعة ردك ..

بس انا قصدي هل الملزمتين اللي كل البنات يشتروها مدري هيا ضروريه ولالا والكتاب اللي عندي خلاص يغني عنهم ..

يارب يكون ايوا لانو اكره الشعتره دي :\

[ديباكين]

نفس السؤال .. كنت بأكتب موضوع بهالخصوص

ولو الملزمه هي المهمه وين الاقيها ؟؟

[goood man]

الملازم مهمة بحسب ماتحدده الاستاذة وتطلبه منكم

وعادة الطالبات يعتمدوا على الملازم

تواصلي مع الاستاذ قبل الشراء وتعرفي على طريقتها


وفقك الله

[w h i s p e r]

ديباكين ,,

الملازم نلاقيها في مكتبة الجامعه ,,


goood man ..

الف شكر اخويا عالتوضيح المشكله انو مانزلت اسماء الاستاذات لدحين ودا االموضوع مضيعنا للاسف محنا عارفين نستفسر من مين ولا نتواصل مع مين ..

الله المستعان

[goood man]

تواصلي مع مشرفة الحذف والاضافة

وايضا مع رئيسة القسم

لانه اكيد عندهم الشعب المعتمدة قبل ماتزل على الأودس

وفقك الله

[ديباكين]

معليش اختي وين مكانها مكتبة الجامعه لأني ما قد رحت لها ابدا ..
شكرا لك قود مان ع تعاونك وردك علينا

[w h i s p e r]

المشاركة الأصلية كتبت بواسطة ديباكين معليش اختي وين مكانها مكتبة الجامعه لأني ما قد رحت لها ابدا .. شكرا لك قود مان ع تعاونك وردك علينا

تعرفي السيب الطويل اللي جنب مبنى 12؟ فيه كراسي كدا ودوبهم جددوه حتمشي على طوووول حتلاقيها قدامك ..

ولو ماعرفتيها اسئلي اي بنت تدلك عليها لانها معروفه لاتخافي

[ديباكين]

واسبر الله يسعدك ويوفقك