حفلة التخرج مين اشتركت فيها

[TeeNa....]

السلام عليكم
ابغى استفسر عن حفلة التخرج متى موعدها؟؟
كمان ابغى اعرف كيف طريقة استلام الروب وكم ندفع؟؟
التكريم في الحفله للامتياز بس ولا حتى جيد جدا؟؟ كيف طريقة المسيره فيها تدريب قبل ولالا
ايش فقرات الحفل
الله يسعدكم ابغى التفاصيل عن الحفله خصوصا الي اشتركو فيها السنوات الي فاتت
استناكم

[PiNk]

السلام عليكم
وعليكم السلام
ابغى استفسر عن حفلة التخرج متى موعدها؟؟
حالياً مو معروف بس غالبا راح تكون بعد اجازة الربيع والله أعلم تقدري تستفسري من عند الشؤون أو وكالة الخريجات لأنو أكيد بيكونوا يجهزوا للحفل
كمان ابغى اعرف كيف طريقة استلام الروب وكم ندفع؟؟
راح يحطوا اعلانات في موقع الجامعة وفي الجامعة وغالبا يكونوا في الملتقى الغربي جنب كافتريا رابيس
تروحي معاكي صورة من الوثيقة وصورة من الهوية
ح يكوونوا مقسمين الكليات .. وللعلم في جامعتنا الحبيبة روب التخرج هو هدية من الجامعة وبدون أي رسوم ويكون من لومار
تستلمي الروب وبطقات الدعوة وحدة لكِ عشان تدخلي والتانية لوالدتك
التكريم في الحفله للامتياز بس ولا حتى جيد جدا؟؟ كيف طريقة المسيره فيها تدريب قبل ولالا
التكريم فقط للطالبات الحصلات على تقدير ممتاز مع مرتبة الشرف الأولى للبكالرويوس وحتى يميزوهم بالأرواب عن باقي البنات
وأيضا لطالبات الدراسات العليا الماجستير والدكتوراه ممتاز وجيد جداً مع مرتبة الشرف الأولى والثانية
وماافي تدريب على المسيرة .. في يومها يرتبوكم حسب الكليات والمعدلات وشوية توجيهات وبس
ايش فقرات الحفل
غالباً..تبدأ المسيرة بأعضاء هيئة التدريس وبعدين البنات ولما يجلسو في أماكنهم
القران الكريم وكلماات مااعرف ميين واخر شي كلمة عميدة شطر الطالبات وبعد كدا تكريم المتفوقات
الله يسعدكم ابغى التفاصيل عن الحفله خصوصا الي اشتركو فيها السنوات الي فاتت

أنا ماااشتركت بس صار لي نصيب احضر 3 حفلات وصراحة انتي وحظك أحيانا تكون حماس واحيانا عادي
استناكم

[TeeNa....]

PiNk
الله يسعدك مرررره شكرا على الافاده