بنات تدريب ميداني 2 اللي ساكنين في جده

[moduston]

حبيت اشارككم تجربتي عشان تستفيدوا منها

اولا رحت مستشفى الملك فهد عشان اتدرب فيها باختصار رسلوني لقسم وحدة التدريب والابتعاث وهناك قالوا لى انه المستشفى حاليا لا يوجد بها قسم علم نفس وتم اغلاق القسم
يعني لا احد يروح عشان ح يضرب مشوار على الفاضي

المهم سمعت انه في بنات السنه اللى فاتت قدمت في مستشفى الخطوط للخدمات الطبيه , المهم رحت المستشفى وطلعت للادراة فوق ووجهوني لمكان الاخصائية النفسيه واخدت الدكتورة رقم جوالى وقالت انا الى الان البنات اللى قدموا فقط اتنين وقالت راح استني العدد يكمل لسته ونبدأ التدريب على طول

استفسرت منها هل ح تخلينا نمسك حاله معينه قالت لى لا بس راح تطبقوا كل اللى اخدتوه زي توصيل الدوائر ومقياس وكسلر ... الخ يعني اللى موجود في ملزمة التدريب 1

قلت لها عن مخاوفي اني خايفه اغلط قالت لى لا تخافي انتي جاية عشان تغلطي وانا اعملك الصح
المهم حبيت اقولكم تروحوا للمستشفى تقدموا عندها

المستشفى موجوده في جده طريق الملك قبل لفة الخالديه ح تلاقي سور كبير فيها كذا بوابه اسالى فين الخدمات الطبيه او خدي الموقع من قوقل

الله يوفقنا جميعا

[صموود متفائلة]

الله يسعدك مشكوورة

[w h i s p e r]

السلام عليكم ..

حبيبتي انا زيك كنت حروح المديكل ومعروف انو تعاملهم سهل وكلو تمام لكن لو كنتي مع دكتور خالد اظن سمعتي

انو مايفضل نروح المديكل حق الخطوط لانو مافي حالات مرضيه والتقرير مو مهني واصلا التوصيلات ودي الحاجات ملغيه ..

وقال لو ماكتبتو شي مهني بحت ويملي العين محا اعطيكم علامه عاليه ودا حيسير لو رحنا المديكل لانو مافي احد مريض هناك ..

حبيت اعطيكي فكره عشان تكوني فالصوره ولا انا كنت ناويه اروح بس الله يسامح الدكتور خالد خوفنا من التقرير :(

[moduston]

بس وسبر الميدكل فيله قسم نفسي وح نتعامل مع مرضى بس انا سمعت الدكتور قال انه اذا طلبو مننا نطبق مقياس على مريض والتوصيل احد المقاييس النفسيه

مدرى خوفتيني شكلى بروح اليوم تاني اشوف وارد لكم خبر