فعالية الملتقى المهني السنوي الخامس تحت عنوان { كفـاءات }

[منال عبد الغني]

المشاركة الأصلية كتبت بواسطة سارة 7 هلا منو يعني ندخل الجامعه من جوه اللي درسنا فيها ده كان سؤالي >>> وحشتني الجامعة عشان كذا أسأل أبغى أشوف أستاذاتي ...الخ مااااااا حيمديني أدخل لأني خريجه بس اللي فهمتوا منك إنو مافي أمل على طوووول دووووغري من السيارة على القاعه يلا خيرها بغيرها .... وبالنسبة للتسجيل كلنا عندنا نفس المشكلة الله يسهلها علينا بس مررررره طولوا

اهلين عزيزتي عادي وين المشكلة تقدري تجي الجامعة

وتشوفي استاذاتك اهم شيء تجيبي معاك نسخة من وثيقة التخرج

بحجة انك تبغي تسالي عن الدورات المقامة من قبل الوكالة مستغربة

لان الوكالة نفسها متخصصة في كل ترم عمل مجموعة دورات لطالبات

المستوى السابع والثامن وللخريجات وغالبا تكون في مبنى 420 يعني

في امل تجي الجامعة قلبوا

[وكالة الخريجات]

الموقع معلق وسيتم حل المشكله ان شاء الله فتابعو الصفحه طوال هذا اليوم

[هاجسية العلم]

فكيت الدورات طلع لي مكتوب كلها انتهي التسجيل ....

[هاجسية العلم]

انا اخدت دورة الثلاثاء و الاربعاء عاد اروح و الا كيف انو مخصص للطلاب هاليومين .

[حجابي رمز عفافي]

بنات فتح الموقع وأنا دوبي سجلت في الدورات والله يوفق الجميع

[مرام12]

المشاركة الأصلية كتبت بواسطة هاجسية العلم فكيت الدورات طلع لي مكتوب كلها انتهي التسجيل ....

حبيبتي ادخلي على الملتقيات مو الدورات الفصليه

[مرام12]

أبغى اسأل الباصات الي توصلنا للقاعه فين ألاقيها ؟ وكمان هي كل ساعه تمشي ؟
عشان اخاف اركب ف وحده منها واتأخر
الشي الثاني المعرض الأحد للأولاد طيب كيف احنا ندخل لدوراتنا ؟ من أي بوابه ؟

[نغم الخوآطر...]

ياحلوين أبغى أسألكم

مايطلعلي فبطاقة الدخول جميع الدورات اللي سجلت فيها !!!

أحد يعرف حل للمشكله

[eeewy]

لو سمحتو .. انا حابه اسجل اخواتي في دورات كفاءات .. بس لمن سجلت طلعلي رقم السجل المدني غير موجود في النظام .. اخواتي من برا الجامعة .. وانا عبيت جميع الخانات الي طالبينها للي حابين يسجلو من برا الجامعة طب ليش لمن سجلت وسويت كل شيء .. وجا وقت اني اختار دورة .. كتبو انو رقم السجل المدني غير موجود في النظام .. ايش اسوي ممكن تساعدوني .. والله اخواتي حابين يسجلو ويستفيدو من الدورات .. الله يسعدكم ساعدوهم عشان لا تفوتهم التسجيل فيها .. الله يجزاكم خير ساعدوني

[رسم الخيــال !]

ممكن وصف قاعات السمنار عشان لا اضيع