اذا عندك سؤال؟؟

[dr.abdullah1]

المشاركة الأصلية كتبت بواسطة فيصل الجهني 2013 السلام عليكم يادكتور عبدالله اخوي بصراحه مشكور على وقتك وهذا ان دل يدل على حبك للخير عسى الله يوفقك ويحقق امانيك اسئلتي 1بصراحه وبكل وضوح لو رجع الزمن ورى راح تدخل طب ولا بتشوف تخصص ثاني 2كيف برنامجك اليومي بعد مادخلت الطب 3اللي مايحب الاحياء ولايحب يحضر محاضراتها في التحضيري هل حيواجه صعوبه في الطب 4اللحين الكرف سنتين نظري وبعدين يسهل الوضع في السريريه. واكرر شكرا يادكتورنا

الاجابات راي شخصي واشتهاد مني شخصيا:
1. طبعاً وعمري ما راح اندم اني دخلت الطب.
2. برنامجي اليومي ممتع ومليان اروح الدوام ارجع على العصر اتغدا واراجع على العشا اروح النادي في بعض الاحيان وبعدين اخلص اشياءي وارجع انام هذا برنامجي في الايام العيدين مو ايام الاختبارات.
صراحه عشان اكون امين معاك خرجاتي قلت من يوم ما دخلت الكليه بس انا سعيد جدا بيومي وببرنامجي وعندي متسع من الوقت للاهل.
3.لا انا ما كنت احب الاحياء ولا احب اذاكرها ولا احب احضرها حتى اني جايب فيها b الطب حاجه مختلفه تماماً.
4.انا لسا في النضري وصراحه في نوع من الكرف وفعلاً واخواننا من السنوات السريريه يقولون انو اسهل.

اسف على التاخير في الرد
ونحن دائما بالخدمه.

[dr.abdullah1]

المشاركة الأصلية كتبت بواسطة shooshoo10 يعطيك الف عافيه انا جبت b في الفيزياء والباقي الحمد لله كلها فوق b+ وقريت في قبول الطب انه لازم اجيب b+ في مواد الطب سؤالي هم يقصدون b+ في كل ماده من مواد الطب ؟؟ ولا مجموع درجات مواد الطب يكون فوق b+ ؟؟ والف شكر لك

لا مو كل ماداه انا مثلاً في الاحياء b والحمد لله انقبلت المهم ان يكون الموزون حق مواد الطب فوق b+ فيزيا واحياء وكيمياء وانجليزي.

[dr.abdullah1]

المشاركة الأصلية كتبت بواسطة moony123 طيب بخصوص طب اﻻسنان كيف وضعوا وكم نسبتوا ؟؟ والنسبة الموزنة الكاملة وﻻ بس احياء وكيمياء وفيزياء وانجليزي ؟؟؟؟

طب الاسنان كتخصص تخصص مره حلو وشيق.
النسبه والله مني فاكرها.
النسبه الخاصه (احياء وكيمياء وفيزياء وانجليزي) لازم يكون اعلى من b+ او b
بعدين يصير التفاضل بين الطلاب بالنسبه العامه (الكامله) والسنه الماضيه كا اضن 60 طالب

اسف على التاخر في الاجابه
واتمنا اون وصلت الي تبغاه

[dr.abdullah1]

المشاركة الأصلية كتبت بواسطة bashaier.y د.عبدالله مره شكرا ع فتحك الموضوع ! عندي كدا كم سؤال : كم أخر نسبه قفلت ع البنات " السنه الماضيه " لو تعرف ؟ ويمدي تحول من موازي لـ إنتظام ؟ وأخر شي .. ألف ومليون شُكر ع الموضوع =)

عند البنات على ما الفتكر 92 بس هذي النسبه تتغير كل سنه تزيد او تنقص على حسب الدفعه.

ما في فرق بين الموازي والعادي غير المكافئه فالي ينقبل موازي يحمد ربو.
بنسبه للتحويل والله ما عندي فكره بس اتوقع (اتوقع) انو في امكانيه.

[dr.abdullah1]

المشاركة الأصلية كتبت بواسطة اتحادي منتظم الله يوفقك يارب ~ هل الطب يبغالو فهم كبير مثل الفيزياء والكيمياء ولآ الحفظ هو السآئد في الطب ؟ وآبغآك تكتب لنآ كلمة منك نصيحه من اخونا الاكبر وربي يوفقك~

الكلام الي حاكتبه راي شخصي واشتهد مني شخصيا:
الطب زي غيره من التخصصات به فهم وحفظ
الحفظ اكثر بس عشان تكون ناجح ومتفوق لازم تفهم.

اول شيء انا انصحكم انكم تتوكلون على الله اولا واخيرا وانكم تتخيلون نفسكم بعد فتره (10 سنين) ايش تبغون تصيرون ( دكتور ناجح ، مهندس محترف ، محامي موقر ) وانك تحاول تصل الى هذا المنصب بالجد والاجتهاد والعلم والحماس ....

[HU~]

الله يوفقك ويسعدك يادكتور ، عرفت أشياء كثيرة من خلالك كنت حايسة فيها
الله يعطيك ألف عافية، بس سؤال بسيط؟ تفتكر متى طلعت نتائج التسكين؟ معقولة في نص رمضان!

[dr.abdullah1]

المشاركة الأصلية كتبت بواسطة bahamdain اخوووي اذا تعرف بالله هل في فرق بين جامعة الملك عبد العزيز جنوب جدة وبين الشمال لأنني ان شاء الله ناوي على الهندسة ويقولوا الجامعتين بتنفصل والي بالشمال بتصير جامعة عسفان وانا حاليا ادرس بالشمال وخايف اذا انفصلت تختلف الجامعتين عن بعضها علشان كدة لو بصير اختلاف بينهم بالاعتمادات الدولية حخلي اول رغبة المقر الرئيسي اتمنى تساعدني ..

اسف اخوي تاخرت بالرد عليك.
على ايامنا يعني السنه الي راحت انفصلت رابغ عن المقر الرايسي بس ما عندي فكره هي انفصلت بجامعه مستقله (جامعة رابغ ) او انها ما زالت جامع الملك عبد العزيز بس انفصلت بالتسكين.

واحتمال ينفصل الشمال عن المقر الرايسي في التسكين هذي السنه او السنوات القادمه بس ما عندي فكره هل هي حتنفصل بجامعه مستقله ام لا.

مره اخرا اسف جدا على التاخر بالاجابه.
واتمنا لك وللجميع بالتوفيق والنجاح.

[dr.abdullah1]

المشاركة الأصلية كتبت بواسطة hu~ الله يوفقك ويسعدك يادكتور ، عرفت أشياء كثيرة من خلالك كنت حايسة فيها الله يعطيك ألف عافية، بس سؤال بسيط؟ تفتكر متى طلعت نتائج التسكين؟ معقولة في نص رمضان!

الله يوفق الجميع وهذا واجبنا.

نتائج التسكين تتاخر وما له للاسف وقت محدد للنزولها.
بس السنه الماضيا نزلت على ما اتذمر قبل رمضان بفتره.

لا تستنو النتائج وتقعدون على اعصابكم وان شاء الله كل واحد يدخل التخصص الي يبغاه.

[قروشـ]

يجزاك ربي الجنة يا دكتور عبدالله على تخصيص جزء من وقتك لخدمة اخوانك الصغار , انا سؤالي مختلف شوية , تقول انك جايب في الاحياء b يعني تقريبا 80 وكمان قلت انك ما كنت تحب مادة الاحياء , فسؤالي هل تتوقع انك راح تستمر في كلية الطب ؟ يعني بعيد الشر عنك , لكن انا سمعت في محاضرات الاسبوع الارشادي ان الواحد لازم يدخل الكلية الي يحبها وإلا ما راح يبدع و قصص كثيرة لناس دخلوا كلية الطب وما كملوا فيها لإنهم ما وجدوا انفسهم فيها , يعني ممكن دخلوها لاجل سمعة او راتب او من هذه الامور , سؤالي بكل بساطة بما انك ما جبت درجة عالية بالأحياء وكذلك ما تحب المادة ! كيف تدخل تخصص في نفس هذه المادة , اتمنى فهمت علي

[m.sh]

المشاركة الأصلية كتبت بواسطة اثيره السلام عليكم ..... لو سمحت انا حابه الصيدله بس املي في انو ادخلها ضعيف بصراحه عشان المعدل فاليوم قالوا لي على كليه الحرس الوطني وبصراحه ما اعرف عنها ولا حاجه اذا كانت عندك اي معلومات عنها ممكن تفيدي فاتمنى انك تساعدني .. وشكرا

أكيد تقصدين جامعة الملك سعود بن عبدالعزيز للعلوم الصحية ،، هذي الجامعة فرعها الرئيسي في الرياض ولها فروح في جدة والأحساء ،، مشكلتها للأسف أنها ما تقبل إلا المتخرجين للتو من الثانوية يعني في حالتك ما تقبلي لأنك تخرجت العام الماضي ، طبعاً هذا الكلام من شروطهم للسنة هذي 2012/2013 ، فممكن أنهم على العام الدراسي الجديد يغيروا بعض الشروط
بالإضافة إلى أنه لا يوجد طب للبنات في فرع جدة
لذلك يا ( اثيره ) حاولي تجتهدي قدر الإمكان في الشهرين المتبقية .

والشكر الجزيل لصاحب الموضوع