فات الميعاد ..؟؟

[حلاوة مره]

ابغى اسجل ..
بس مااعرف ..من فين اجيب ورقه الترشيح ..ولا لمين ارسلها او اسلمها

وعندي كم استفسار ..بس ياليت النت يعطينا من وقته شويه بدل لما يعلق ..

[يمامة سلام]

أول شيء

التسجيل الالكتروني ( تعبيئة استمارة الترشيح ببياناتك)
على هذا الرابط

تقديم

وبعدما تعبي بياناتك كاملة تظغطي موافق وبتطلع لك صفحة فيها رقم الترشيح وبيانات أخرى

أطبعي الصفحة , واذا تعذرت الطباعة الآن اكتبي رقم الترشيح في ورقة خارجية
أو احفظي الصفحة في جهازك..

وبعد كذا تسلمي الأوراق المطلوبة للجامعة مع ورقة الترشيح
أو ترسليها على بريد الجامعة اذا كنتي من خارج جده..

موفقة

[يمامة سلام]

اختبرتي التوفل أو بديلة؟؟
..............
بخصوص الأوراق المطلوبة:

صورتين مصدقة من وثيقة التخرج
صورتين مصدقة من كشف الدرجات.
صورتين من كل توصية (عد التوصيات 2)
صورتين من شهادة حسن السيرة والسلوك..
صورتين من بطاقة الهوية.

[حلاوة مره]

شكرا ياجماعه ..

على مساعدتكم الفوريه ..الله يريح بالكم يارب ..

المشكله الي صادفتني .انا كنت حابه اداره وتخطيط او علم نفس تربوي ..
بس مافي ابدا خيايارات تربويه ..فكتبت ..علم اجتماع ..
صح كده ..؟؟ ينفع نغير بعدين ..؟؟

اما بالنسبه ..للصور ..اصدقها يعني يكون عليها ..ختم صورة طبق الاصل ..؟؟ من الكليه ..
في مشكله تانيه ..
انا من المدينه ..وحابه اكمل في جده .. اعمل ايه بالنسبه للعمل ..يعطوني تفرغ ..لانه صعب اداوم هنا وهناك ..؟؟

وطيب طبعت ورقه الترشيح والرقم الي طلع لي ..
اخد اوراقي ..وارسلها على طول ..ولا استنى ..المفاضله ولا كيف الوضع ..؟؟
وبالنسبه للانجليزي .. مو مشكله .. اخد التوفل .. في ظرف اسبوع >>> ياشديد ههههه
كتبت زي ما قرأت في المنتدى ..377 ..وراح احاول .. اخده في اقرب فرصه ..
اكتب لهم تعهد بخط اليد اني ساحرص على اخذه ولا كيف الحال ..؟؟


عارفه ان اسالتي كثيره .. بس طولوا بالكم عليا ..

[يمامة سلام]

بجاوبك ع الأسئلة اللي أعرف..
والباقي إن شاء الله الأعضاء ما يقصروا معاكي..

بالنسبة لاستفسارك الأول ماعندي أي خلفية إذا تقدري تغيري التخصص بعدين..

والتصديق ايوه يكون ختم طبق الأصل..

وموافقة العمل حاولي تاخذيها منهم الآن..

والأوراق خلاص ارسليها مع رقم الترشيح على العنوان المكتوب في صفحة الترشيح..
واذا باقي ما اخذتي بديل التوفل اكتبي لهم تعهد خطي انك تجيبي درجة بديل التوفل المطلوبة في اقرب فرصة..

التعهد اكتبي فيه اسمك والكلية المتخرجة منها والتخصص والمعدل
والكلية اللي راح تقدمي عليها والدرجة (ماجستير/ دكتوراة) والتخصص..

حاولي تقري في مواضيع المنتدى اكثر, وان شاء الله ما أكون غلطت أو نسيت حاجة..

بالتوفيق.

[حلاوة مره]

شكرا يمامه سلام ..
سعيده بتواصلك ..
بس بفي السؤال المهم ..
اقدر تفرغ كامل .. ولا يكون تفرغ جزئي ..
والراتب ..كيف ح يكون ..؟؟

اتمنى المساعده ..