تحقيق/ المـعمـل: لنــــا ام علينــــا ((أرجو المشاركة..رأيك يهمنا))

[slashik]

طبعا أنا كتبت موضوع بخصوص معمل الإنجليزي..في هذا الرابط
إش سويتوا في معمل الإنجليزي...أدخلوا الله لا يهينكم..

وهذه بعض الردود لطلاب بخصوص المعمل:

المشاركة الأصلية كتبت بواسطة Dr.SoOoMa إحنا النظام يستهبل علينا كل يوم نروح ونسجل نجي ندوام يقولوا لا باقي لسه ولا التسجيل اتلغى لازم تسجل تاني ومضاربات وكلام فاضي الله يعين بس بس الحمدلله اليوم سجلنا للمره الرابعه بالموت والمضاربه وللاسف ماخدنا شي جالسين نهرج وبس

وشوف الثاني يش يقول:

المشاركة الأصلية كتبت بواسطة قاهر المتكبرين والله هدا اللي بيحصل في موضوع اللاب مهزلة حقيقية بكل المقاييس .. في أول أسبوع من الدراسة سجلت اسمي في معمل من الساعة 10 للساعة 11 يوم السبت والاثنين .. رحت قالوا لي القائمة هذيك اتلغت لأنه في ناس سجلوا اسمهم في أكثر من قائمة فصارت لخبطة .. ورحنا فيها احنا وراحت مواعيدنا بدون ذنب .. فقط لأن بعض معدومي المسؤولية كتبوا اسمهم أكثر من مرة (لضمان المقعد .. ابتسم أنت في السعودية)

المشاركة الأصلية كتبت بواسطة قاهر المتكبرين رحنا قلنا أمري لله .. أخليها من 3 إلى 4 بعد نهاية دوامي الرسمي على الرغم من أن الواحد في هذا الوقت بالذات نفسه ومنى عينه يختفي ويطلع في بيته من القرف والتعب .. رحت قالوا فل!! في ناس جو فبلك واحتلوا المقاعد .. مع أني قبلها بفترة كاااتب اسمي في القائمة اللعينة .. من جد عييييب ووصمة عار على التنظيم في جامعتنا العريقة .. مرررة مو معقول اللي حصل في موضوع اللاب هذا بالذات ..

لسى ماغلقنا..أقرأواضحك..

المشاركة الأصلية كتبت بواسطة Dr.SoOoMa يجيكي مخلوق غريب الشكل يقلك نحن راح نعلمك الاي ليرنج e learning وطبعا المده دي لها فتره بس تعرفي؟؟ لين دحين ماخدنا ولا محاضره سوء تنظيم الاجهزة خربانه الفصول قليله ولا تستوعب الطلاب طبعا يقلك الماده فيها اختبار وخرابيط بس من النهايه مع نفسهم لووول

خلاص؟؟؟لاباقي أقرأ واعطيني رأيك!!

المشاركة الأصلية كتبت بواسطة مَـزٍآج ..}.. لآب= مسخرهـ ..

المشاركة الأصلية كتبت بواسطة مَـزٍآج ..}.. من يوم ندخل نقعد على الكرااسسـي والاستاذ يقعد على كرسيـه يقلب في الجهاز الي قدامهـ .. ونحنـآ سواليف لين تمر خمسيـن دقيقه .. يحضر ونمشي !! الفائده المرجوهـ ؟؟ مدري !!

أعتقد إنه مافي شيء أقوله..الطلاب وضحوا كل حاجة وكشفوا المعمل على حقيقته!!

..طلعت المسالة ضياع وقت ..هرج ..ضحك..وفي النهاية 5درجات!!!!يابلاش!!!

أول حاجة إللي إحنا شايفينه..هذا ماهو معمل إنجليزي..هذا معمل حاسب ألي

أوكي؟؟
..ثانيا..بالنسبة للمسؤولين..ماهي عيب إنهم يعتذروا عن الفشل إللي صاير في المعمل..العيب ينهم يستمروا في فشلهم..
وماألومهم يقدر ما ألومكم إنتو ياطلاب إللي حضرتوا المعمل.. بدل ما تقعدوا تسولفوا ..ليه ما تتناقشوا مع المدرس وتخلوه يوضح إش المقصود والمبتغى من هذا المعمل..وتحاولو تسووا من الحبة قبة..وتوضحوله إنه إحنا رافضين فكرة المعمل تماما!!
لأنه سكوتكم أكبر غلط..ومثل مايقولوا (السكوت علامة الرضى)

ليه ماتتناقشوا معاه؟؟ ها.؟؟.ياإنه يقنعكم بإجابته..ياإنكم تقولوله معليش إحنا محنا حيوانات تمشونا على كيفكم..إحنا شايفين..إنه المعمل ماراح ينفعنا لا من قريب ولامن من بعيد..ليش تضيعوا وقتنا عالفاضي..إحنا عندنا إلتزامات ثانية..محنا ناقصين...

ها إشبكم ساكتين..تقعدوا هناك سكتم بكتم.وتجوا هنا المنتدى تفردوا عضلاتكم!!!
أتكلمو أهرجوا قولو حاجة..

يعني هل المسألة إنك تأخذ 5 درجات مقابل إنك تضيع 50 دقيقة من حياتك في هرج وكلام فاضي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طز في خمستهم على خمسات خمسين واحد زيهم...

أعتقد إني كنت صادق في في إحساسي قبل أسبوع لمن كتبت الموضوع..وقلت إنه المعمل بياخة..وأترددت إني أستعجلت
في الحكم..

لكن جات الردود لتثبت صحة كلامي..بل لتستدل عليه..

والمشكلة إنه حتى معمل الفيزياء والكيمياء إللي كنا محتاجينها لرفع المعدلات..وإلللي هي المفروض تكون مقررة علينا مأخذناها..

تجي إنت وتقولي معمل إنجليزي؟؟؟

خلاااص كفاية..كفاية ريدنغ..كفاية رايتينغ...كفاية إسبيكنغ..كفاية ليسينينغ..كفاية برسنتيشن..كفاية واجبات..
كفاية اختبار رايتينغ..كفاية اختبارات دورية..
يوه..هذا كله ماكفاكم..
بدال ماتقلصوا ساعات الدوام..تزودوها؟؟؟
إحنا خطة أ يالله تنبلع معانا..فما بالك بخطة ب..إللي عندهم ست مواد!!!

يا أخوان ياحبايبي..فكروا فكروا...
يعني ياريت بنستفيد من المعمل ..لا..يقولك الأخ قالبينها سواليف وهرج ووناسة..
يعني من حقي أغيب..ويعطوني 5 درجات..
إش فرق عني وعن إللي حضر..
إللي حضر..ضيع وقته
أما انا شفتلي شغلة أستفيد منها

طيب..لوافترضنا إنه فيها حاجة مفيدة..اعتقد إنه حصتين في الاسبوع ماراح يكون لها ذاك التاثير..
بعدين الإنجليزي إش فيها شي ناقص أصلا..والله بندرسها على أكمل مايكون..
وكل شيء حلو..وكل شيء زين...
إلا المعمل..وأقولها بالفم المليان..ياكثر المقالب إللي اكلناها..لكن هذا المقلب..والله..يا أنا يا إنتو..ونشوف
ولازم مانسكت..على المسخرة إللي بتصير كل ساعة والثانية..ونعلنها وبصوت واحد..

no..to..the..Laboratory

ونعمل إنسحاب جماعي..وصدقوني ذاك الوقت يعرفوا إنه الله حق

طيب.. خلينا نشوف ردودكم..إمكن لكم نظرة ثانية..ومثل مايقولوا (الإنسان عدو مايجهل)..

رجاء..أي واحد يدخل يضع رأيه حول الموضوع..يعني لازم عدد المشاهدات=عدد الردود

بتوقيـــــ أخوكم ــــــslashikـــــــع[/size]

[YAHYA.OK]

أنا بصراحة ما حضرت إلا مرة واحدة بعدين عرفت أنها مهزلة في مهزلة .

بس يبغووووا يشغلوووا الطلاب المعيدين بالجامعة .

[Bo0oZy]

شوف عزيزي ...

انا معاكم جميعا .. في انو فكرة المعمل فكرة فاااااااااشلة جدا ً جدا ً جداً .. وبصراحة ماهي الا زيادة هم وساعات دوام..

يعني كل اللي بقيلنا حوالي عشرة اسابيع ...

بالله ايش حندرس فيها وايش حنختبر وايش حنتعلم في الاي ليرنينق هادا ؟؟؟

انا صراحة كل اللي شايفو انو ضياع وقت .. وهرج على فاضي ... ونرجع البيت بعد ما الاهل يقومو من الغدا << همووو الكرش ككككك




وبيني بينك .. السمستر هادا .. كانو ماعندنا الا انجليزي

اختبارات .. برزنتيشنات .. تقويم مستمر .. هلااااااااااااااااااااك


والله ترا احنا بشر .. مو بقر !! مع احترامي التام للجميع


والله حرام اللي بيصير



انا بصراحة مستعد أسحب .. بس تضمنلي انو ما يطلع واحد دبس وعميل .. ويقعد يسوي فيها اللي بيتمصلح عشان خمسة درجات !!!



المشكلة احنا مانقدر نعمل شي ... احنا حاولنا نتناقش مع الاستاز اللي كان موجود .. قلنا انو مافيدو شي ... هوا مطلوب منو زي ما احنا مطلوب مننا .. المشكلة عند الاداااااارة !!



انا كنت شوية مطرطع .. بس والله شي يرفع الضغط .. انا عندي فيزيا رياضيات حاسوب مهارات اتصال وكمان تلاتة مواد انجليش ... يجو يضيفو ساعة كمان .. وربي دوامي صار من 8 _ 4 .. وانا بيتي بعيد اخرج 7 .. وارجع 5

دواااام عشرة ساعات !!

والله لو حمااااار .. بهيمة .. ما يكرف قدنا


حسبي الله ونعم الوكيل .. ايش نقول ؟؟

[slashik]

ماشاء الله..الموضوع مالو إلا دقيقتين وألاقي ردين..
بالفعل عشان يشغلوا المعيدين.. أكثرهم قالوا زي كذا..(صادق يايحيى)
بس مو على حسابنا..وإذا كان ذلك كذلك..
إحنا لازم نتحرك..مونقعد مكتفي الأيدي..

وبالنسبة للأخ بوزي..
أعتقد إنه اللاب من صالح المدرس..مثل ماقال يحيى..يعني يادوب لقاله فرصة عمل..فمستحيل إنه يوقف ضدها..

أقول..

إنسحاب جماعي..

قول تم!!

[مَـزٍآج ..}..]

انـآ موافقكـ في كـل كلمـهـ ..إلآ شغله انه نفرد عضلاتنـآ هنـآ ..
وبالجآمعه سآكتييـن .. لا تكلمنـآ وسألنـآ ايش الفآئدهـ لكن لا حيآة لمن تنآدي !!

يعني لو تتكلم من الـيوووم لبكـرهـ .. ما راح احد يسمع صووتكـ ،،
ولو تقـول انسحآب جمآعي الطلاب نفسهم ما يتفاعلـوا مـ ع ـآكـ ..

انـآ جربت هالشئ في الاحيآء .. لما كنـآ نطالب ببنكـ المعلومات الجديد ينزل بدري ..
قلت يلا نجمع تواقيـع وكـذا .. والله مافي احد مهتم ..
كل وااحد يقـول ابعد عن الششـر وغنيلـوو ..

وانـآ ما الومهم .. لأن :
الطالب هنـآ مغلوب على امـرهـ .. تنفـذ وبـسس .. لو تعـآآرض ممكن هالشئ يضر
مستقبلكـ عششان كذا الكـل ينفذ وبـسسس ،،

شووف همـآ يقولوا هاليومين صآيره لخبطه في الاب .. عشان كـذا
لسسـّه ما د خلوا في الدرااسسـه !!

مدري ممكن مجرد اقآويـل منهم ،،

:


:

ومن نآحيـة إأني ما احضـر ومآ ابغى الـ خمـس درجآت .. خليها لكم
انت الخسسـران في النهآيـه .. الدرجه تفرق في السنـه هذي ،،


هـذا الي عندي .. !!
والله يعيننـآ !!

[Mohannad Najjar]

فعلاً اللي صاير مهزلة مهزلة بكل معنى الكلمة

بدل ما يزبطوا التوزيع ويعطونا جدول مزبوط

سابوها مفتوحة سبيل كدا

وكل يوم تحصل لخبطة زيادة والكلاس مليان (!!) وروح راجع التسجيل (!!!) وشفـ لك مواعيد تانية (!!!!) و.. و..

وفي الأخير اضطريت أسجل من 3 لـ 4 !
ومتى ؟؟ يوم الأربعاء!!
غير وقت البريك اللي اضطريت أكنسله في نفس اليوم من 11 لـ 12 !

مررررة ما احنا ناقصين

إيش حيخسروا لو نظموا الفكرة بعدين فرضوها عـ الطلاب ؟؟

إيش حيخسروا لو راجعوا الإمكانيات والوسائل والجداول بعدين فرضوها عـ الطلاب ؟؟

بالله ارحمونا !!

[slashik]

لا يا أخ مزاج...

صح إنه الطالب مغلوب على أمره..يمشوه على كيفهم زي.....>>>أتركها لكم

بس خلاص..طفح الكيل..فيه شيء اسمه حدود..

مافيها شيء لو يقولوا ألغينا المعمل..فيها شيء يا اخوان؟؟؟..مافيها شيء..وماهي عيب

بالعكس هذا اعتراف بالخطأ..والاعتراف بالخطأ فضيلة...

وأعيد وأكرر..كل شي ينبلع..إلا المعمل..يا أنا..ياهو

بتوقيـــــــslashikــــــع

[YAHYA.OK]

بس أتوقع <<< مجرد تووقع .. .... إن البداية الجدية في المعمل حتكووون

بعد الإختبارات << الدوري الأول ...... أو بعد الإجازة .... !!


هم إالحين مو عارفين إايش يسووا في المعامل ... يعني طلاب لفل 2 وطلاب لفل 3

وطلاب لفل 4 مختلطين مع بعض معقووولة حيكون كذا أو رااح يكون لكل مستوى

برانامج خاص فيهم .

من أول يوم دخلت المعمل وشفت الطلاب مختلطين مع بعض عرفت أنهم يبغوا يشغلوا

الطلاب وكمان يبغوا يزودا ساعات على الطلاب . فالمفروض يكون لطلاب لفل 2 معمل

وكل الطلاب يقسموهم على مستوياتهم لأنووا كذا الطالب ما بيتطورفي اللغة الإنجليزية .

[3bOoOod]

والله رأيي

اصلا هما بس يبغو يعذوبنا زياده


وفى النهايه اللاب دا مامنه فايده

والله يعين


عموما انتو لا تتناقشو على موضوع مو فى يدنا


شكرا للكل

[slashik]

المشاركة الأصلية كتبت بواسطة 3booood عموما انتو لا تتناقشو على موضوع مو فى يدنا

صح إحنا مو في يدنا التنفيذ.. بس إحنا في يدنا التبليغ..
إنت قول إللي عندك..وخلي الباقي عليهم..
وصدقني رح يأخذوا بكلامنا..إذا مو اليوم بكرة..

أو عالأقل يعرفوا إنهم غلطانين..وماشين في الطريق الخطأ...
بدايتها اختبار تحديد مستوى.. ونهايتها معمل..

وصدقني أي قرار جديد يقابله رفض واعتراض من قبل الطلاب بشكل كبير وجماعي..رح يكون محل الدراسة..وإذا وجدوا أهمية تعديل هذا القرار او إلغاؤه..ماراح يكون الآن..يكون السنة إللي بعدها..
عشان تكون نتائج الدراسة عادلة ..بعد إعطاء القرار وقته ليتسنى لهم الحكم عليه بعدل..
(يعني إحنا بالفعل فيران تجارب)

و أي قرار ترى إنه موفي صالح الطالب..لازم تنبه المسؤولين بذلك وتحطهم تحت الضغط..عشان يحرموا يصدروا قرارات عشوائية..

وإمكن إنت ماراح تستفيد..بس رح تكون سبب في تصحيح أنظمة وقرارات رح يتم العمل بها في وقت لاحق..

فهمت؟؟؟..يعني عالمدى البعيد..

يعني إحنا بنصارخ..موعشان أنفسنا..لا..خلاص بعد وقع الفأس في الرأس؟؟؟..

ولكن لننبههم على الأخطاء إللي وقعوا فيها..عشان مايقعوا فيها مرة ثانية ويروح ضحيتها ألوف آخرين..

وصدقني السنة الجاية...رح يتم تلافي او تعديل كل القرارات إللي تبعتها ردود أفعال صاخبة من قبل
الطلاب..(وسيتم دراستها نهاية السنة)
ومن ضمن المصادر إللي تبث ردود افعال الطلاب..إللي هي مشاركات الطلاب في هذا المنتدى...

ولذلك صوتك سيصل..سيصل..بس إنت اتكلم..

ومثل ماقلتلك..إذا ماكنت إنت المستفيد..رح يكون غيرك..

مثال بسيط قبل ما أختم..
اشتكينا وبكينا وزعقنا وصرخنا والسنة التحضيرية تسير بنا حيث تسير..إش الفايدة؟؟؟

الفائدة هنا ياحبيبي..لمن سمعنا إنه..السنة التحضيرية باتت محل الدراسة..ومن المحتمل إلغاءها
السنة القادمة..

بغض النظر عن الإلغاء من عدمه..لكن وضعوها تحت الدراسة بسبب ردود الافعال إللي ماخلت ولا بقت..والمستفيد طبعا الطلاب الجدد..لكن حنا كنا السبب الرئيسي بعد الله في ذلك..

فهمت علي ياعبود؟؟؟
الشيء إللي بأقولو..لا تخلي شيء في قلبك..لأنه إذا ماكان يؤذيك..رح يؤذي غيرك..

وتسلموا ياحبايبي على المرور..
وصدقوني إني أهتم بردودكم..فلا تبخلوا علينا