ادخل وابد رأيك أيهما أسهل الإقناع أم المدخل في وسائل الإعلام

[فيثاغورس_]

قررت انزل مواد حره او اختيااريه في الترم الصيفي ان شاء الله ايش تنصحوني فيه وياليت بلمواد الي اسائلتها تكرر وياليت توضحون طريقة المذااكرة من الكتاب او الملخص او من اسالت لاترام الماضية نرجوووو التفاعل لكي تعم الفايده للجميع

[اتن]

اخوي الغالي من القلب الي القلب انا خريج هذا الترم وابشرك تخرجت.
وهاذي كانت موادي اخر ترم النظام السياسي السعوديps111 وفن الاقناع 205 و مدخل وسائل الاعلام 201 و تمويل صحي ونظم معلومات اداريه.
اترك عنك مدح بعض الطلابه لبعض المواد لكن افضل مادة من تجربتي هي مدخل وسائل الاعلام فقظ!!!!!!!!!!!!!!!
الدكاترة الباقين عاطف سكر و دكتور فن الاقناع يعطونك تحديد وتلاقي اسئله من المحذوف وحركات نص كم ودرجات مدري ايش ما تليق با اجاباتك.
انا شخصيا كنت مثلك مخدوع في المواد الحرة الاختياريه خليتها الي اخر ترم
الاقناع86 ومدخل وسائل الاعلام92 وعطانا اسئله من الحذوف عشان ما تجيب درجخ كامله كل دكتور وذكائه
ونظام سياسي سعودي72 دكتورها قهرني بدرجه كلمته وقلت دكتور انا متأكد من حلي وقال يا ابني روح لعمادة الكليه وطالبهم باعادته التصحيح ما تكلمني .
عموما افضل مواد بالجامعه من سابق خبرتي (ثقافه اسلاميه4 وادارة الجودة في الاجهزة الحكوميه دشمسان ومدخل وسائل الاعلام و ادارة المشروعات العامه)
مع مراجعه اسئله السنوات السابقه طبعا راح يغيرون بعض الدكاترة الاسئله بكلمات تغير معني السؤال.
واخير اسف ع الاطاله حبيت اكون خفيفا عليكم وسامحوني اذا خانني التعبير ...

[فيثاغورس_]

نرجووو التفااعل يا شبااب

[مبارك الدوسري]

الاقناع com205
وملخص علي الدوسري وفالك a+

[فيثاغورس_]

فالك التوفيق اخووي مباارك طيب الاسائلة تجي مكرره

[fh.d]

الاختيارية
النظام السياسي السعودي - الاسئلة تجي مكرره
الاستشارات الادارية - الاسئلة مكررة بالنص من نموذج كيف حالك

الحرة
الاقناع - مكررة من الاسئلة السابقة بنسبة كبيرة
مدخل الى وسائل الاعلام - الترم هذا تغير الدكتور وبعض الطلاب درجاتهم لم تكن متوقعة كمادة حرة
التفسير الاسلامي لسلوك Psy454 - مادة سهلة جدا عند الدكتور غانم منهج قصير وسهل تقريبا

[مبارك الدوسري]

الغالب متكررة
لكن لاتعتمد على هالشي
المنهج سلس وبسيط وتستوعبه بشكل جميل
ومثل ماذكرت لك ملخص علي الدوسري الله يوفقه دنيا واخره مايتعدا 35 صفحه تقريباً ان ركزت عليه ماراح تقل درجتك عن التسعينات انا جبت فيها 96

[فدوكس]

النظام السياسي السعودي عند الدكتور الفاضل عاطف سكر
مكرر للأسئلة السابقة

[نجم الرياض]

الاخ اتن هدي السرعه شوي والله ان الاقناع والسياسي متفق عليها من كثير بانها من افضل المواد لرفع المعدل ومو لمجرد انك اخذت 72 في السياسي تشطح على دكتورها الفاضل عاطف سكر اللي الكل يمدحه الا الشواذ ,, ةللعلم هالماده اي طالب ممكن ياخذ فيها 70 بدون مذاكره !! وايضا الاقناع ملخص الدوسري كما ذكر الاخوان يضمن الامتياز صحيح ان الدكتور يجيب فقرتين او ثلاث من الكتاب لكن ليست مشكله ,, الطلاب يبون احد يفيدهم بالعقل مو بالعاطفه يعني اذا اخذت درجه كويسه فالمادة كويسه واذا درجه رديئه فتراها ماتصلح ودكتورها ضيعنا كما فعل اخونا اعلاه ,, ثم والله انهم ماجابوا من اللمحذوف ابد وهذي من تاليفك اصلحك الله ,, في النهايه الاقناع وادارة الجوده والنظام السياسي اذا كانوا عند شمسان وانمار وعاطف سكر فهي افضل المواد وبشهادة الكثير .......

[فديــتك]

الله يعطيكم العافيــة يا شباب

ابي نصيحة منكم لمادتين اختيارية

انا إن شاء الله خريج بالصيف 😄✌

والي منكم خذا المواد الاختيارية السهلة 😁 يفيدني