ابا احول من الفيصلية للأدارة بعد هالترم ... ممكن ؟

[lola1111]

السلام عليكم ورحمة الله وبركاتة
مساء الخير ..
انا طالبة درست التحضيري انتساب وحولت هذا الترم انتظام انقبلت في الفيصلية
واخترت قسم الدراسات واخذت جدول كله مواد حرة لاني ناوية احول ياادارة ياقانون
بس بعد البحث لقيت ناس تقووول مستحيل التحويل من الفيصلية للسليمانية
انا مررره خفت وشغل بالي الموضوع بالله هذا الكلام صح او خطأ هل ممكن احول لقسم الادارة
انا معدلي الحين 4.72 وناوية يكون 5 من 5 ان شاء الله ...
وكمان عندي استفسار ثاني هل ممكن اغير المسار للعلمي انا كنت ادرس صيدلة بمكة وحولت قالت لازم تعيدي من الاول والانتظام قفل
وماانقبلت الا انتساب وهذا اصعب قرار اتخذته في حياتي والحين رجع لي الامل اني ممكن ادرس الصيدلة ثاني
لان نسبتي الموزونة 85.6 في شي قريت عنة اسمة تغير مسار طبعاً مو عملية التخسيس ...
هل هالشي ممكن انهم يدرسوني المواد العلمية اللي مادرستها او لا وملاحظة انا خريجة 1429 / 1430
الله يجزاكم كل خير افيدوني بأي معلومة ولكم جزيل الشكر والامتنان ...

[الصمت الخجوؤل]

المشاركة الأصلية كتبت بواسطة lola1111 السلام عليكم ورحمة الله وبركاتة مساء الخير .. انا طالبة درست التحضيري انتساب وحولت هذا الترم انتظام انقبلت في الفيصلية واخترت قسم الدراسات واخذت جدول كله مواد حرة لاني ناوية احول ياادارة ياقانون بس بعد البحث لقيت ناس تقووول مستحيل التحويل من الفيصلية للسليمانية انا مررره خفت وشغل بالي الموضوع بالله هذا الكلام صح او خطأ هل ممكن احول لقسم الادارة انا معدلي الحين 4.72 وناوية يكون 5 من 5 ان شاء الله ... وكمان عندي استفسار ثاني هل ممكن اغير المسار للعلمي انا كنت ادرس صيدلة بمكة وحولت قالت لازم تعيدي من الاول والانتظام قفل وماانقبلت الا انتساب وهذا اصعب قرار اتخذته في حياتي والحين رجع لي الامل اني ممكن ادرس الصيدلة ثاني لان نسبتي الموزونة 85.6 في شي قريت عنة اسمة تغير مسار طبعاً مو عملية التخسيس ... هل هالشي ممكن انهم يدرسوني المواد العلمية اللي مادرستها او لا وملاحظة انا خريجة 1429 / 1430 الله يجزاكم كل خير افيدوني بأي معلومة ولكم جزيل الشكر والامتنان ...

لا ماشاءالله معدلك حلو وتنقلي بالراحه لا تخافي اما التحويل للمسار العلمي ما اعرف بس سهل من علمي لأدبي الله يوفقك ويكتب لك الي فيه الخير

[lola1111]

جزاك الله خير (الصمت الخجول) الله يسعدك..
ياليت تفيدوني مالي غيركم احد اسئلة... ‍بأي معلومة ...

[شناشن]

في الفيصليه الطالبات اللي كانوا انتساب وحولوا انتظام مايقدروا يحولوا على السليمانيه بسهوله
بعكس اللي كانوا انتظام من البدايه وتاكدي من دا الشيء والافضل تسالي البنات اللي قبلك

بس تقدري تحولي تربيه خاصه او تصاميم وفنون
لانها هذه الكليات تبع الفيصليه ^^^

[نواف بن فهد]

ما شاء الله تبارك الله

معدلك ممتاز جدا ،، إعتقادي ولو بسيط ان مكه تقبل التحويل من اداري الى علمي ..

أما بخصوص التحويل بين الكليات ، إذا ما تحولتي خلي أحد من أقاربك يروح لليوبي وكيل الشؤون التعليمية بالجامعة يقدم طلب مع كشف الدرجات وأكيد انه بيحولك

[غرام جدة]

وعليكم السلام ورحمة الله وبركاته

انا كنت انتساب وحولت انتظام في الفيصليه ونزلت مواد عامه وحولت السليمانيه بالتخصص اللي ابغاه عادي تقدري ترجعي السليمانيه اهم شي عندهم المعدل
الله يوفقك

[lola1111]

صباح الخير ..
جمعة مباركة .. الله يجزاكم عني كل خير لاهتمامكم وردكم علي
واتمنى احد نفس حالتي وحول يقولي فضلاً ..
غرام جدة اذا تخصصك علم نفس معناها انت محوله
لتخصص مختلف بس نفس كليتك اللي هي الاداب
لكن الهرجة اقدر من دراسات لادارة ..؟!!!!!
الله يسعدك ع ردك وشكراً للجميع ..
لاخلا ولا عدم ..

[غرام جدة]

مو شرط تحولي كلية اداب انا اخترت علم نفس عشان احبوو
التحويل كان مفتوح لكل كليات الجامعة مو بس الاداب اهم شي معدلك يكون عالي لما يفتح التحويل في الاودس اطلبي تحويل تلاقي اكتر من خيار (اداب _اداره واقتصاد_ قانون _كلية الرحاب تصلميم وفنون-تربيه خاصه)

بس كليه التربيه الخاصه ماتبا احد يحولها حتى اللي معدلاتهم عاليه ماقبلوهم بس بالنسبه لاداره واقتصاد تقدري تحولي بالراحه اذا حافظتي على معدلك طبعا وقف التحويل فيها عند معدل 4.14
الله يوفقك

[asma turki]

بس انا قريت ورقة في العمادة مكتوب فيها
"لايوجد تحويل من السلامة والفيصليه لفرع السليمانيه "

[lola1111]

مساء الخير ..
غرام جدة .. روحي الله يسهل دربك ويوفقك ويفتحها بوجهك
ويريح بالك ويحقق أمالك ريحتي بالي ..
ممكن سؤال صغيرون جداً انت شفتي كلية الادارة والاقتصاد بعيونك..؟!
وهذا الكلام من كم سنة..؟! وجزاك الله عني كل خير...
اسمااا تمزحين متى شفتيها وليش ووين كل مااستانس شوي واقول خلاص
بتطمن اعرف شي مايطمن الله يخليك رديلي ...؟!
وجزاكم الله خير ..
واتمنى الاقي ردود من اللي زي حالي نفس غرام يطمنوني
ولهم جزيل الشكر والامتنان..