[ لا يشكُر الله منْ لايشكُر الناسَ ] * غيم تايه *

[عهود العصيمي]

-

بسم الله الرحمن الرحيم

السلام عليكم ورحمة الله وبركاته .

فالبداية ما أخفيكم أني اشتقت لهالقسم الجميل اللي قضيت فيه أحلى سنه من دراستي
وأشتقت للأعضاء بهذا القسم أخواني وأخواتي اللي وقفوا معاي كثير .

ونزلت هالموضوع عشان أشكر بشكل خاص جداً جداً أخوي العزيز [ غيم تايه ]
وأقول له أني ليومي ذا مانسيته من دعواتي لأنه يعتبر هو السبب بعد الله في تحولي من ذاك المستوى للمستوى اللي انا فيه الحين .

انا كنت نوعاً ما متشتته وكنت ابي تخصص معين لكن ماسمح لي المعدل وكانت النفسيه صفر . تقفل كل شيء بوجهي
لدرجة أنو أكثر من مره احاول اسحب من الجامعه .

وكان كل من حولي يحطمني أكثر من ماهو يشجعني ويحمسني إلا [ غيم تايه ]

قال لي ف مره هالحكي

يالعنود .. باختصار أحييك .. جدول رائع ومتمكن .. وتفكيرك سليم ، وحماسك منقطع النظير ، ونقول انها العودة من بعيد .. يبقى الأهم من هذا كله ،، انتي ثم انتي ؟ لازم تكوني العامل الفيصل ، المواد هذه لابد تكون كلها امتياز ان شاء الله حتى يتم التحويل وانتي مرتاحه ، شدي حيلك ، ذاكري اول بأول ، اتعبي الشهور القادمة ، ذاكري بتركيز ،، اشتغلي على نفسك وتعديل معدلك وتطوير مستواك .. ما فيه شيء اسمه مستحيل ، خلاص ما مضى خليه وراء ظهرك ، ابدئي بداية جديدة ، ارفعي شعار اكون أو لا اكون .. نبى نسمع الاخبار الحلوه .. احيانا السنة التحضيرية ، ما نكون محضرين لها بالشكل المطلوب .. والحمد لله انها ليست نهاية المطاف .. طولت عليك ،، اتمنى لك التوفيق والنجاح ..

والله العظيم بعد حكييه هنا شديت حيلي واقسم لكم أقل درجة الحين اجيبها 82 . بعد الله ثم كلامه هنا وقف معااي بشكل كبير

والحين معدلي الحمدلله مرتفع ودرجاتي كويسه وتخصصت التخصص اللي ابيه ومبسوطه جداً بالمستوى اللي انا فيه .

واسفه على هذا الموضوع لكن جد ماحب انسى اللي ساعدني في يوم من الأيام
والله يسعده دنيا وأخرهه يارب

واستودعتكم الله

[براري]

وعليكم السلام ورحمة الله وبركاته ..

حياك الله أختي العنود منورة القسم بطلتك الرائعة ..

طرح رائع بارك الله فيكِ ،،
الأخ " غيم تايه " شخصية مميزة ومبدعة ، لا تخفى عليكم ، انتم اعلم بها مني
وهو يستحق هذة الشهادة مننا جميعاً ، شخصية معطائه بمعنى الكلمة
قلم دائماً يخط بأحرف من ذهب ، وافكاره متجددة ورائعة ما شاء الله .
ولن انسى أن اهدي شكري وتقديري
لمن فتح قلبه واحدث الموقع وصبر حتى اصبح الموقع مثل بيتنا
من جعل الأحترام سجيته في الرد على أطروحات الأعضاء
من يساهم في أطروحات الأعضاء بردود مهتمه
لمن اهتم بغياب الأعضاء ، إخواننا و أخواتنا فى الإداره والإشراف وللأعضاء المميزين
لكل من شارك وكتب موضوع أو مشـــاركة كانت مفيدة و ساهم في تقديم معلومة قيمة .
لكل من قدر الجهد في هذا الصرح من الأعضاء الكرام ولم يبخل بدعاء .
ولمن طرح هذا الطرح الجميل وهي انتي يا " العنود " وتستاهلين الشكر على كل ماتقدمينه لهذا الصرح الكبير
الله يعطيكِ العافيه وبيارك فيك وفي الجميع
وصدقيني انتي مازلتي في أول المشوار ، ومازال امامك الكثير لتبذليه ، حافظي على مستواك وما و صلتي إلية
واطمحي لتقديم كل ماهو افضل حتى تبلغي سلم التفوق و التقدم
ولكي إحترامي...

[شهد علي]

عٍلُِيڪم آلُِسلُِآم وُرٍحٍمة آلُِلُِهـ وُبَرٍڪآتهـ.
حيآك الله.
مبآدرة طيبة ولاهي بغريبه عليكم ي اعضآء منتدى سكاو.
والآخ غيم تآيه ..
له جهود وآعمال قدمهآ ومازال يقدمهآ ف كل الشكر والتقديرلُـِـِِـِِِـِِـِـہ.
واسال الله العلي القدير له التوفيق دائمآ .
دمتم بود.

[فراشه شماليه]

الله يجزاه خير ويبارك فيه
كله بموازين حسناته بإذن الله ..مافي شيء يضيع عند رب العالمين

[غيم تايه]

المشاركة الأصلية كتبت بواسطة آلعنود - بسم الله الرحمن الرحيم السلام عليكم ورحمة الله وبركاته . فالبداية ما أخفيكم أني اشتقت لهالقسم الجميل اللي قضيت فيه أحلى سنه من دراستي وأشتقت للأعضاء بهذا القسم أخواني وأخواتي اللي وقفوا معاي كثير . ونزلت هالموضوع عشان أشكر بشكل خاص جداً جداً أخوي العزيز [ غيم تايه ] وأقول له أني ليومي ذا مانسيته من دعواتي لأنه يعتبر هو السبب بعد الله في تحولي من ذاك المستوى للمستوى اللي انا فيه الحين . انا كنت نوعاً ما متشتته وكنت ابي تخصص معين لكن ماسمح لي المعدل وكانت النفسيه صفر . تقفل كل شيء بوجهي لدرجة أنو أكثر من مره احاول اسحب من الجامعه . وكان كل من حولي يحطمني أكثر من ماهو يشجعني ويحمسني إلا [ غيم تايه ] قال لي ف مره هالحكي [/center] والله العظيم بعد حكييه هنا شديت حيلي واقسم لكم أقل درجة الحين اجيبها 82 . بعد الله ثم كلامه هنا وقف معااي بشكل كبير والحين معدلي الحمدلله مرتفع ودرجاتي كويسه وتخصصت التخصص اللي ابيه ومبسوطه جداً بالمستوى اللي انا فيه . واسفه على هذا الموضوع لكن جد ماحب انسى اللي ساعدني في يوم من الأيام والله يسعده دنيا وأخرهه يارب واستودعتكم الله

وعليكم السلام ورحمة الله وبركاته ..

( وَقُلِ اعْمَلُوا فَسَيَرَى اللهُ عَمَلَكُمْ وَرَسُولُهُ وَالْمُؤْمِنُونَ )

سبحان الله وبحمده ، سبحان الله رب العرش العظيم ،،

يا هلا بأختنا العنود ، يا هلا بعضوه بيفتقدها هذا القسم كثير ، باقية مواضيعها المميزة شاهدة على عطائها ، وتفانيها في خدمة الآخرين ،
فيه ناس مهما تكلمت معها حاصلها في النهاية العبارة الشهيرة ( اسمعت لو ناديت حيا .. ولكن لا حياة لمن تنادي ) ،
وفيه من يكون قلبه حاضر ، والأحساس بالمسئولية والرغبة الأكيدة والصادقة على الخروج من عنق الزجاجة ، وهذا بالفعل ما كان معك ..
احساسك ورغبتك الصادقة وتحديك كان العنوان البارز في تلك المرحلة ، والدليل الاقتباس اللي ارفقتيه من سنة تقريباً ..
جميل طعم النجاح بعد الصمود والكفاح ، وجميل أنك تمضى إلى حيث تريد مهما حصل من محطات تعثر ولكن لا توقف ..
أبارك لك هذا الرضى عن النفس وما تم حتى الآن .. هذا ثمرة جدك وتعبك وقبل كل شيء أخلاصك في طلب العلم ، الأنسان عليه أنه يبذل الأسباب ويتوكل على من لا تنام عينه ،
وكنا نضرب مثل بأخوات تم لهن التحويل مبكرا مثل الأختين قلب زوجها ، وجود انتساب في قسم علم الاجتماع ، والآن أصبحنا نضرب فيك المثل لمن تمكن من التحويل بعد أن خاض هذه التجربة ..
ولا أوصيك برفع شعار التحدي في المرحلة الثانية بما فيها من تعب وأرهاق ، وبالاجتهاد والصبر يتحقق كل شيء وتكون الفرحة أكبر بإذن الله ،
شد حيلك وكملي مسيرتك وارفعي من معدلك أكثر ، خصوصا انك في تخصص له برامج في الدبلومات والماجستير تستحق النظر في دراستها في خطواتك المستقبلية ..
وأشكرك على كل حرف كتبتيه أنتي والأخوات الفاضلات والله ما سوينا إلا ما يمليه علينا واجبنا ، ويكفينا شرف هذه الأخوة الصادقة ..
بارك الله فيك ، وأسأل البارى أن يعطيك حتى يرضيك ، وأن يحقق لك كل أمانيك ، ويجعل كل ما قدمتيه في موازين حسناتك ..

في حفظ من لا تضيع عنده الودائع ،،


بالتوفيق للجميع ""

[nour al3mr]

و عليكم السلام و رحمة الله و بركآته

الله يجزآه خير و يبلغه أعلى مرآتب الجنة مشرفنا المُتألق بالعطآء غيم
مميز في النصح الله يسعدهـ :)

و موفقة يا كريمتنا العنود ، ربي يجعل لك في كل خطوة توفيق و سدآد و يسر أمورك كلها
و العاقبة بمباركتنا لك بالتخرج بإذن لله :)