ساعدوني في الإنسحاب من الجامعة ؟

[عبدالكريم عمر الحارثي]

أخواني انا. قررت الانسحاب ولكن ما عندي فكرة من اين اسحب ملفي ولا متى اسحبه وهل أقدر أقدم على الجامعة من جديد السنة القادمة علماً بأن نسبتي الموزونة قدرات وثانوي وتحصيلي 94.تحياتي للجميع .

[Ranad Ayman]

حرام عليك .. يعني موزونك جدا عالي ما شاء الله ربي يحميك
انت بترتكب جريمة احس انه الجامعة تفقد موهوب ممتاز بهذا المعدل

اذا استخرت ولقيت انه الاريح والافضل لك هو الانسحاب .. على كدا ربي ما يكتب لعباده الا الخير
وان شاء الله احد يفيدك

[Ayed__95]

بالعكس ليه يرتكب جريمة ؟ الجريمة إنه يكمل ويدخل تخصص أقل من مستواه .. يا كثرهم اللي سحبوا العام الماضي وقدموا من جديد هالسنة فقط عشان يدخلوا طب ! وهذا من حقهم , استفادوا من تجربتهم ودخلوا بمعرفة ودراية أكبر بأمور الجامعة وإلحين معدلاتهم عالية , صحيح تروح سنة من عمرك لكن تتعوض لما تدخل تخصص حلو , ولا تدخل تخصص سيء ويروح العمر كله ! أنا بصراحة أفكر جدياً بالإنسحاب ومقتنع بنجاح الفكرة , لكن الخوف إني ما انقبل السنة القادمة وأتورط :'(

[حآول تفتكرني]

فكرة الانسححآب فكرة سلبية بخلاف الواقع المؤلم الي انته تعيشة ..
وما اظن احد يتمنى ينقص ولو حتى درجة ) اتمنى الكل يراجع قراره قبل الاستعجال
والدعاء يا اخوان , ترون الله ما ينسى احد { بالتوفيق جميعآ ~ }

[Ranad Ayman]

المشاركة الأصلية كتبت بواسطة ayed__95 بالعكس ليه يرتكب جريمة ؟ الجريمة إنه يكمل ويدخل تخصص أقل من مستواه .. يا كثرهم اللي سحبوا العام الماضي وقدموا من جديد هالسنة فقط عشان يدخلوا طب ! وهذا من حقهم , استفادوا من تجربتهم ودخلوا بمعرفة ودراية أكبر بأمور الجامعة وإلحين معدلاتهم عالية , صحيح تروح سنة من عمرك لكن تتعوض لما تدخل تخصص حلو , ولا تدخل تخصص سيء ويروح العمر كله ! أنا بصراحة أفكر جدياً بالإنسحاب ومقتنع بنجاح الفكرة , لكن الخوف إني ما انقبل السنة القادمة وأتورط :'(

طيب يا اخي ..
انا قلتلكم اذا كنت شايفين بأنه الانسب لكم
اول شيء استخيروا لانه الاستخارة مرة شيء مهم في اتخاذ قرارات مثل كدا تحدد مستقبل
وهي الي تلاقي منها جواب لسؤالك "هل حتنقبل السنة الجاية ام لا" ؟

وان شاء الله ربي يوفقكم ويسهل عليكم

[BroOoOo]

أنآ شفت كم موضوع يبغو ينسحبوآ من آلجآمعةة
وكل م اشوفهآ أقول كيف لو.كنتو ف جآمعةة آلبترول :/
أنآ كنت فيهآ وسحبت لظروف م آرتحت وكذآ
وآلدرآسةة هنآك أبدآ م تتقآرن بهنآ والله فرق شآسع هن اموآد سهله بس إنت ف جآمعة يبغآلك أول بأول ~> كلم نفسك أول ههههههههههههه
آلمهم محد يدري عن ظروفكك آستخير والله يكتبلك آللي فيه آلخير

[وما توفيقي الا بالله]

انا خايف يكون انتا تفكر انك اقل شخص في الدرجات ويطلع تفكيرك خطأ ,’
نصحية اذا درجاتك والشروط تجاوزتها للطب او للهندسة كمل وعلى فكرة الترم هذا اللي انقبلو هندسة اقل معدل 3.95

وتفرق من سنة لسنة يمكن درجات الطلاب كلها طايحية ويقبلو اللي فوق 3.50 !!

ولاتنسى ان كلية الهندسة راح تفتح مبانيها الجديدة وراح تستوعب عدد اكبر .,,

===================

واذا ملزم تسحب روح للعمادة ,, وتقدر تقدم مرة ثانيه ,,

انتا لو على ايامي قبل 5 سنوات اللي زيك يدخل هندسة او طب مباشرة بدون سنة تحضيرية اذا كان موزنك 94 ,’

وترا فيه شباب راحو امريكا ودرسو 3 سنوات ورجعو قدمو في الجامعة ودرسو تحضيري ودخلو هندسة ومتخرجين هالترم باذن الله ,, يعني مو عيب انك تسحب ! لكن فكر صح اخاف تستعجل


ممكن تعطينا درجاتك وكم معدلك الترم هذا ,, وايش هيا رغبتك ؟؟ هندسة او طب ؟ او غيرها

(( في عام 2008 دخلت الهندسة وكان المعدل اللي يسمح لدخولك لكلية الهندسة 3.24 والله ما انساها ومعدلي كان اعلى من كذا بكثير لكن اقل شخص قبلوه كان 3.24 ))

[عبدالكريم عمر الحارثي]

الله يعطيكم العافيه جميعاً ولكن ما توقعت بصراحه أخذ درجة خايسه في الإحصاء الدوري الاول والمصيبة الأكبر في الدوري الثاني
مع العلم أن درجاتي فل مارك في الأحياء والكيمياء
هذا سبب أنسحابي بصراحه راح عليه 20درجة في الاختبارين في الأحصاء

المهم أشكركم على التجاوب أنا طموحي عالي وأتمنى لو تجاوبوني على سؤال الإنسحاب

الله يوفقكم جميعاً

[عبدالكريم عمر الحارثي]

المشاركة الأصلية كتبت بواسطة وما توفيقي الا بالله انا خايف يكون انتا تفكر انك اقل شخص في الدرجات ويطلع تفكيرك خطأ ,’ نصحية اذا درجاتك والشروط تجاوزتها للطب او للهندسة كمل وعلى فكرة الترم هذا اللي انقبلو هندسة اقل معدل 3.95 وتفرق من سنة لسنة يمكن درجات الطلاب كلها طايحية ويقبلو اللي فوق 3.50 !! ولاتنسى ان كلية الهندسة راح تفتح مبانيها الجديدة وراح تستوعب عدد اكبر .,, =================== واذا ملزم تسحب روح للعمادة ,, وتقدر تقدم مرة ثانيه ,, انتا لو على ايامي قبل 5 سنوات اللي زيك يدخل هندسة او طب مباشرة بدون سنة تحضيرية اذا كان موزنك 94 ,’ وترا فيه شباب راحو امريكا ودرسو 3 سنوات ورجعو قدمو في الجامعة ودرسو تحضيري ودخلو هندسة ومتخرجين هالترم باذن الله ,, يعني مو عيب انك تسحب ! لكن فكر صح اخاف تستعجل ممكن تعطينا درجاتك وكم معدلك الترم هذا ,, وايش هيا رغبتك ؟؟ هندسة او طب ؟ او غيرها (( في عام 2008 دخلت الهندسة وكان المعدل اللي يسمح لدخولك لكلية الهندسة 3.24 والله ما انساها ومعدلي كان اعلى من كذا بكثير لكن اقل شخص قبلوه كان 3.24 ))

درجاتي
21أحصاء
30 كيمياء
30أحياء

والدوري الثاني
أحياء30
والأحصاء جاوبت 15سؤال على ورقة الأسئلة
ورحت ورقة الإجابة وحطيتها كلهاa
من راسي
وبكرة كيمياء ابسحب

ورغبتي كانت دخول الطب

[حيــــــاة]

بدايةً بجاوب على سؤالك ..
* الإنسحاب في اي وقت تقدر تنسحب ،، كل الي عليك انك تروح للعمادة وقولهم ابى انسحب وبيوقعوك على استمارة انسحابك وكذا طلعت من الجامعة .
* ماشاء الله موزونك عالي يقبلك السنة الجاية بالراحة ، بس اهم شيئ لم تقدم يكون عدى على انسحابك من الجامعهة 3 شهور .
.،.
بس نصيحة قبل لاتنسحب ،، الي الي مخليك مو قادر تتحمل ؟
درجاتك دوري اول وثاني ؟ حاسس انها مابتوصلك لحلمك ! ومابتدخلك التخصص الي تبيه !
طيب عالأقل حاول لنهاية الترم وشوف معدلك كيف يكون .. باقي معك 40 درجة فاينل كفيلة انها ترجح بكفة معدلك ككامل .. ممكن يكون في بونسات محترمه تعوض النقص ،
بتجتهد وتشد حيلك وتغير طريقة دراستك في هالشهر وتتعلم من اخطائك وتمشي كويس في الفاينل وتفرح لم تشوف الدرجات وتقول الحمدلله اني ماسحبت .
منت عارف اش الي لسى مخبى لك ،،
اذا انت ماشاء الله مستواك اساساً عالي بس صدمة بداية التحضيري <وعوامل التعرية > اثرت عليك وقفلتها كدا في وجهك ،،
استنى شوي على نفسك وكمان حاول ،، اذا انت اساساً هالفترة ماعندك شيئ ومافي جامعه بتقدم عليها عالترم الثاني يعني منتظر منتظر الين رجب ،، فكمل الترم <هذا اذا كان سبب انسحابك هو المستوى الدراسي مو شيئ ثاني مانعك انك تكمل >

واخيراً تأكد إن عندك طموح عندك حلم عندك هدف تبي توصله مافي مخلوق يقدر يوقفك ومافي مادة توقف في وجهك لا احصاء ولا منسقها ،
الي نقصته في مادة عوضه في غيرها ،، حاول واسعى ولاتتخاذل وربي مابيضيع لك تعب ،

مو مشكلة انك تنسحب عشان لاتضطر تدخل تخصص ماتبيه وهذا مو عيب <انا وحدة وقفت سنتين ونص كاملة عشان لا ارضى بالقليل >
بس المهم انك ماتتراجع من اول او ثاني او عاشر مطب ،، ذام باقي في محاولات ادخلها خوضها واجهها انت تقدر وتقدر وتقدر وتقدر ..
بس كمل هالترم وبعدها انسحب ..
.،.


الله يوفقك وييسر لك دروب الخير : )

وآسفه عالهذرة الكثير ><