استفســـــــــــــار هاآآآآآآآآآآآآم جدااااااااااااااااا

[نقاء]

السلام عليكم ورحمة الله وبركاتهــ

صباح/مساء ..التوفيق والرضا من رب العالمين

اختبرت اختبارات بديله وتأخر رصد درجاتي

بالتالي ماقدرت اعمل جدول كل مابنزل مواد يقولي متعارضه

ومواد الشعب صارت فيها فل

انا اساسا خطتي تفرض عليا يكون جدولي

هذا السمستر
ادارة اعمال انقلش
محاسبه 102
اقتصاد كلي
مبادئ تسويق
مالية شركات
سلوك انساني في المنظمات

حاليا جدولي
بعد رصد الأختبارات البديله
محاسبه 102
اقتصاد كلي

المشكله اللي صارت لي
صار تعارض بين مبادئ تسويق ومالية شركات حاولت اغير شعب كل ماده برضه

لانه اصلا الشعب الصلاة ع النبي فل

قولت خلاص كلهم 3 ساعات انزل مبادئ تسويق احسن

المهم جيت بنزل سلوك انساني في المنظمات

ماشالله تبارك الرحمن الشعب فل

طبعا انا نزلت المواد في نفس الجامعه عند وحده من الموظفات

المهم

اظطريت انزل

محاسبه 102
مبادئ تسويق
اقتصاد كلي
ثقافه 301

صار عندي 11ساعه

وانا الحد الأقصى لساعاتي 18 ساعه

كل مانزل ماده متعارضه او لها متطلب

نزلت ادارة مواد بشريه

صارت 14 ساعه

احتاج انزل كمان ماده تكون 3 ساعات عشان يصير
عدد الساعات 17

بس مني عارفه ايش انزل

المواد اللي في خطتي مالها متطلب

ادارة العمليات وتخطيط وتنمية موارد بشريه

بس مني عااااااااارفه ايش اعمل

وهل ادارة موارد بشريه افضل اني نزلتها او لا

ايش اعمل

انتظر كمان شويا تفضى الشعب وانزل سلوك انساني

ولا ؟؟؟

اي شخص يشوف موضوعي ويعرف اي معلومه مايبخل عليا في المساعدهـــ

الله يوفقكم وينور طريقكم

أختكم:zaky

[nOoOoOna]

السلام عليكم

اذا مادة ادارة عمليات ماتعارض جدولك نزليها لانها ماده سهله وراح يسير 17 ساعه وتقدري تنزلي كمان مادة النوع الاجتماعي وهيا وحد ساعه بس

او مثلاا تنزلي ثقافه والنوع الاجتماعي ويسير جدولك 18 ساعه بالزبط او ممكن عادي تخلي 17

وبالتوفيق يارب :)

[نقاء]

الله يوفقك وينور طريقك
طيب متلا لونزلت ادارة عمليات تمام

يصير جدولي
محاسبه 102
اقتصاد كلي
مبادئ تسويق
ادارة موارد بشريه
ادارة عمليات
ثقافه اسلاميه 301

بس حابه اسئلك ايش مادة النوع الأجتماعي بدون امر عليك

يعني اثبت على هذا الجدول ولا ؟؟

احس المواد النظريه صارت اكتر
ثقافه ومبادئ تسويق وادارة عمليات وادارة موارد

بس ان شالله تكون سهله


تسلمي لي على مرورك وابداء رايك

[نقاء]

ادارة موارد بشريه باخذها عند عضو هيئة تدريس

مابعرف يقولوا عضو هيئة تدريش يعني استاذ

اخذت قبل عند استاذ وماكنت بفهم عليه

ومبادئ تسويق باخذه عند نعيمه بوقري الكل بيمدح ماشالله بجيهان فكهاني

مني عارفه كيف استاذه نعيمه تمام او لا ..؟؟

وادارة عمليات مافي غير امل دمنهوري ومابيمدحوا فيها

يعني انزل الماده ولا لا ..؟؟

[نقاء]

جدولي حاليا
محاسبه 102
اقتصاد كلي
ثقافه301
مبادئ تسويق <<مع نعيمه بوقري <<كيف تمام الأستاذه؟؟
أدارة موارد بشريه <<عضو هيئة تدريس
أدارة عمليات << دمنهوري

احذف شي او اضيف شي
افيدوني الله يوفقكم

[نورآ]

للرفع
ان شاء الله البنات يفيدوك

[نقاء]

ان شالله يارب

بس كنت حابه اعرف المواد سهله ولا صعبه

ان شالله يفيدوني الأخوات الله يوفقهم

تسلمي حبيبي ع المرور

[نقاء]

حالياً جدولي

مالية شركات
مبادئ تسويق
سلوك انساني في المنظمات
اقتصاد كلي
ادارة موارد بشريه
محاسبه 102


غيرته لانه الحمدلله فتحت لي شعب في مالية شركات والسلوك الانساني

بس انا حابه ارفع جدولي

وحابه يكون عدد ساعاتي زي ماهوا 18 ساعه

اللي اختبروا هذي المواد ياليت يقولوا لنا كيف الأسئله تجي صعبه او سهله

خايفه من مالية شركات في نفس الوقت اقول انا السمستر اللي راح كان عندي تحليل كمي وقانون تجاري والخ

يعني ان شالله نعديها

مني عارفه

اخلي جدولي زي ماهوا ولا اغير فيه

ياليت تفيدوني الله يوفقكم وينور طريقكم

[nOoOoOna]

السلام عليكم

جدولك كدا مرا كويس بصراحه بالنسبة لمالية شركات هيا 6 فصول بس وكل فصل علية تمرين واحد بس ماعليكي الا تفهمي كيف تنحل التمارين دي لانها كلها تجي في الاختبار ماعدا واحد منهم على حسب استاذتك

ومادة التسويق تعتبر نظرية اكتر بس فيها مسألتين مهما وجيه في الاختبار اكيد اعتقد ماراح تعطيكم غيرها اللاستاذة

ومادة سلوك انساني ممكن تذاكري من الكتاب او من ملخص هاني عرب لانها مادة نظرية

ومحاسبة 102 نزليها من محاضرات الاستاذة انيسة تركستاني

ومادة موارد بشرية ممكن تذاكريها من الكتاب او ملخص هاني عرب والفصول المطلوبة منها
(1,2,3,4,5,6,7,8,9,10,11,16) والمحذوفة (12,13,14,15 والفصول اللي بعد 16) واي مسائل فيها محذوفة كمان يعني بس الاجزاء النظرية

والاسئلة تجي صح وخطأ واختاري واحيانا صلي والمسائل تجي مقالية

ودا موقع هاني عرب http://www./showthread.php?t=12070

ودا موقع جميع الاساتذة http://www.kau.edu.sa/DrSites.aspx?sid=120

ان شاء الله تستفيدي وماكون اتأخرت في الرد عليكي

بالتوفيق يارب :)

[العلم والعالم]

ينقل للقسم المختص