مادة العلوم الطبيعية انحذفت بعد الاختبار

[نغــم]

السلام عليكم ورحمة الله وبركاته

اسعد الله صبااحكم حبايبي

انا اخذت المادة مع الدكتورة سعيدة عودة وبعد مااختبرت رجعت اشيك اذا الدرجة نزلت او لا

مالقيت المادة محذوفه من عندي

ممكن احد يفيدني الحين اكثر من اسبووووع وبالي مشغول

ليه طارت بعد مااختبرتها

احد مثلي انا تعليم عن بعد افيدوني جزاكم الله خير

[LeLou]

و عليكم السلام و رحمة الله و بركاته..

يا ساتر كيف كذا يعني طارت من الجدول الدراسي؟؟!!!!

في طريقة تتأكدي،، في الأوديس: الطالب / التسجيل / التسجيل الحالي.. و شوفيها موجودة أو لا..
كمان الطالب / سجلات الطالب / الاستعلام الأكاديمي الشامل.. شوفي يمكن اترصدت لك درجتها أنزلي آخر شي و شوفي..
و كمان في سجلات الطالب / تفاصيل الدرجات،، الفصل الأول 2014.. شوفيها موجودة و لا لآ..

إذا ما لها أثر أبدًا:
روحي للشؤون الأكاديمية في كليتك و قولي لهم ع اللي حصل و عشان يتاكدوا إذا المادة لسا مسجلة و لا فعلاً انحذفت..
و إذا صار و لا سمح الله طلعت المادة محذوفة لازم تروحي لدكتورة المادة نفسها تقول لهم انك فعلاً كنتِ تحضري المادة و انك اختبرتي دوريات و فاينل عشان ترجع لك المادة..
ما أعرف إذا الشؤون يرجعوها و لا عمادة القبول و التسجيل مو متأكدة صراحة..

الله يعينك بس لازم تروحي تشوفي الموضوع..
موفقة||~

[LeLou]

^

معليش عزيزتي ما انتبهت أنك كتبتي تعليم عن بعد..
روحي طيب شوفي عمادة التعليم عن بعد أول أيش يقولوا لك لأني ما أعرف أكيد النظام عندكم كيف مين يضيف و يحذف لكم و كذا..

موفقة||~

[نغــم]

يمه وش ذا فجعتيني الله يستر معقوله

المشكله باقي موجودة في جدولي بس في تفاصيل الدرجات كانت موجودة قبل الاختبار ودرجات اعمال السنه ترصدت وكل شي كان تمام

بعد الاختبار جيت اشيك المادة انحذفت من تفاصيل الدرجات وحتى ماهي موجودة في الاستعلام الشامل ..

والمشكله انا سافرت ماني بجدة الحين

طيب وش الحل وربي قلقت اكثر الله يستررر

والف شكر يقلبي ع تجاوبك السريع جزاك الله الجنه

[LeLou]

طالما أنها موجودة في الجدول إذًا لا تخافي إن شاء الله خير..

المهم أنها موجودة في الجدول الدراسي..
لا تنفجعي و لا شي بس هو لو المادة انحذفت من الجدول لك لأي سبب من الأسباب لازم ترجع تنزل لك ثاني في الجدول و يكون في سبب مقنع لهم أنك فعلا حضرتي و اختبرتي عشان يرجعوا يضيفوها لك و تترصد لك الدرجة..
لأنه لو المادة محذوفة الدكتورة ما تقدر ترصد لك درجاتك و ح يقولوا لك الشؤون انتِ ما درستي المادة..
لكن أهم شي أنها موجودة في الجدول أحيانا تختفي المواد من تفاصيل الدرجات صارت لي شخصيا قبل كذا أهم شي الجدول..

موفقة||~

[نغــم]

الله يسسسعدك والف شكر لك يالغلااا

طمنتيني شوي لاني اختبرتها اول اسبوع وثاااني يوم وبااقي مافي حس ولاخبر

هذا اللي خلاني اخاف ..

جزاك الله خير ياعسل