بنات خطة أ أفيدونا :') !

[Mirinoxd]

السلام عليكم ورحمة الله وبركاته

زي ما انتو عارفين الاختبارات خلاص قربت
وسمعة الرياضيات بالنسبة للخطة دي زي الاحصاء لخطة ب, إن وقت الاختبارات تتفاجئي بأفكار جديدة ما درستيها!! (لا تخافوا الاحصاء ما يجي شي برا الكتاب صعوبتو ف الدقة والتركيز بس)
وحابة انكم تفيدونا بخبراتكم زي إيش افكار غريبة ممكن تجي؟! وايش الحاجات الي لخبطوا فيها اغلبية البنات؟

[sara b]

اي والله ياليت تساعدوونا
في انتظاركم
والله يوفقنا جميعا يااررررب

[Bshbosh]

انا عن نفسي كنت احب الرياضيات وكنت اجيب فيه درجات وماحسيت في افكار غريبه حتى وقتها استغربت من البنات وكانت درجتي بالرياضيات اعلى من الفيزياء وطبعا انا يمكن عشان كنت اذاكر من اشرف بركات والكتاب بس بالمحاضرات فيمكن اشرف يجبلك افكار بس ما احس في افكار نفس اللي تشرحو اﻻستاذه اغلب اﻻختبار زيو فالرياضيات انا عن نفسي احسو مره حلو فلا تخافو

[Somaiah Yousef]

كلام جرايد

الاختبار سهل ومآفيه آفكار من برآ الكتاب

الاسئلة من سهولتهآ تلخبطي

فيه مثلا انا جاني سؤال ,, اختاري الدالة اللي متناظرة حول نقطة الاصل

طبعا السؤال مرآ سهل وهوآ مفروض آختار الدالة الفردية وهذي الفكرة اللي درسناها في الكتاب

لكن انا كان شغلي الشاغل ,, احنا ما اخذنا شي عن التناظر

ف ماتعبت نفسي افكر ,, تركت السؤال وانا زعلانة

الاختبار والله سهل ومآيجي شي جمب الاحصاء انا متأكدددددة

وانا ماذاكرت من الملخصات ,, كل مذاكرتي الكتاب وبس

وانا متأكدة إنكم حتجيبو 33 من سهولة الاسئلة :p

[Yasmina95]

^

فيونكة الله يسعدك

طمنتيني ❤️❤️

بس كيف يعني ما أخدتوا شيء عن التناظر ؟؟ احنا اخدناها مع أ.ليندة

[Somaiah Yousef]

مدري والله م افتكر انشرح لنا دا الشي
وعلى فكرة
مشكلة الدوري الاول البنات كانو مستصعبينو عشان الدومين والرينج
كانت ثلاث ارباع الاسئلة اوجدي الدومين والرينج
وماكنا فاهمينها مزبوط
في الدومين والرينج لاتعتمدو على الكتاب لحالو .. اتدربو من الوورك شوب مزبوط .. حاولو تغطوا كل الافكار

[Yasmina95]

فيونكة مين كانت استاذتك في الرياضيات ؟؟

و مررررة شكرااااا ❤️❤️

[Somaiah Yousef]

برضو لندا
وعفوا الله يوفقكك

[Yasmina95]

طيب معليش اخر سؤال
دحين في الكتاب مو موجود الحلول للأرقام الزوجية ، من وين نحصل الأجوبة حقتها ؟

[Somaiah Yousef]

للآسف مآلها وجود

انا كنت آحلها واذا شكيت في شي اراجع مع صآحباتي

حليهآ واذا شي استصعب عليكي آطرحيه في المنتدى

وإن شاء الله تلاقي المساعدة