Lane 211 اختبار يوم الاربعاء تاريخ 6/8 ساعدوووني الله يخليكم احس بحمل المادة

[Talotaibi]

السلام عليكم

زي ما انتوا شايفين عندي اختبار ماده lane211 يوم الاربعاء الجاي و ما اعرف ولا اي شي .. من فين اذاكر ايش الي معانا و مو معانا .. عن ايش الماده ؟
اشتريت مذكرة للمادة مادري تكفي ولا لا ؟

ابغا احد يساعدني و يقولي كيف اذاكرها و اذا فيه شي محذوف او نركز عليه بليز :(

الله يسعدكم دنيا واخره. ابغا انننننجح *فيس يبكي*

[Talotaibi]

انا منلت المادة قبل كذا و الحين اخذتها و لو حملتها ثاني بنفصل .. اذا احد يعرف رقم معلمه للمادة فيدووووني باي شي الله يخليكم

[white rose]

وعليكم السلام ورحمة الله وبركاته

حياك الله اختي

الله يعوضك خير وتعديها هالمرة بإذن الله

وللامانه اختي بنصحك نصيحة التخصص ما ينفع يتذاكر قبل الاختبار بكم يوم خاصة للطالبات لازم تشدين حيلك من بداية الترم وتحضرين دروسك بالسنترا من اول يوم بالدورة هذا لو حابة انك تكملي بالانجلش لانه مو هين وما فيه ملخصات تغنيك عن الكتاب مطلقاُ ويعتمد على لغتك وتطويرك لحصيلتك والكلمات اللي تحفظيها لان الاسئلة اغلبها من برى المنآهج خاصة بشطر الطالبات لكن الملخصات تخص الطلاب اكثر شيء الا فيما ندر وقل للطالبات ،، لانه كل ما تطورين من نفسك كل ما كنتي مستعدة لوجاتك اي اسئلة انك تجاوبيها وتفهمي اش المطلوب منك بالضبط كمآن الحفظ والاستيعاب يحتاج وقت منك ،،

لذلك الحل انك تسمعي المحاضرات لو نازلة عندك بالسنترا او حمليها من هالرابط :

http://elearning.kau.edu.sa/accesspa..._id=214&lng=AR

بعدها استفيدي من الملخصات والشروحآت :

{ملخصات مواد المستوى 3و4 لكتب College Communication 3&4 .} للعام 2012 وماقبله

وحاولي انك تحفظين زين وتركزين واستفيدي من هالموضوع :

مهم جدا لطالبات المستوى الثالث والرابع لمحة لطريقة مذاكرة المواد

بالاخير اذا حبيتي تروحي لمدرسة فعندك الاعلانات فوق المنتدى فيها الكثير من المدرسآت

الله يوفقك :-)

[دلع جدهـ]

اختي
كل اللي اقدر انفعك فيه هو التالي

راح تجيكي اسئلة متعددة بين اختيار من متعدد صح وخطأ واسئلة مقالية قصيرة
وهاذي كلها مايحتاج لها مذاكرة نصية لان الاستاذة راح تسمعكم مقطع خارجي وانتو راح تسمعوا وتجاوبوا بناءا على هذا المقطع
وطبعا قبل لا تشغله لكم الاستاذة اقرأي الاسئلة عشان وانتي تسمعي تعرفي وين تكتبي الجواب
تدربي على السماعي

القسم الاخر من الاختبار بيكون كلمات وفراغات وتطلب منك تحطين الكلمة في الفراغ المناسب
يعني لازم تحفظين معاني الكلمات عشان تعرفي تحطيها في مكانها الصحيح
وبعد بتجيكم اسئلة تخص القرامر
يعني تجبلك كلمة verb ,قلك حوليها ل noun
وهكذا

وبما انه مافي وقت طويل ع الاختبار حاولي تحفظين الكلمات ومعاني
وتدربي على الاستماع وان شالله بيكون سهل
وفالك النجاح يارب