شهادة الانتساب لا تقبل في الماجستير

[ice cappuccino]

يووووووووووووووه كمان قدرات .... انا دراسات اسلامية وان شاء الله ناويه اكمل ماستر بس كده قلقت
طلع المعدل لوحده مايشفع
طيب عن ايش اسئلة القدرات حق الماستر
عن نفس المواد او كمان عامه؟؟؟

["كابر"]

للرفع
............نبغى معلومات شامله عن موضوع الماستر واختبار القدرات وبشو تنصحونا
انا اداراه عامه قسم تطوير وتنظيم اداري ...مستوى سابع
وارجو من الله التوفيق للجميع

[saadoony]

يعني ما فيه إلا جامعة الملك سعود

الجامعة كثيره ولا أعتقد بأن كلامك يشمل جميع الجامعات

بعدين أكثر المنتسبين أعمارهم فوق الـ 30 وما راح تنقبل إلا بالتعليم الموازي

يعني لو تسجل ماجستير تعليم موازي في جامعة الملك سعود راح تنقبل بإذن الله
ياخي ليش تفتحون هالمواضيع خلونا ما ندري

[shosho911]

عندي سؤال
الحين جامعة الملك عبدالعزيز يقبلونا في الماجستير العام ادارة اعمال وشهاداتنا انتساب ولا لا ؟؟؟؟
و اش حكاية العمر ؟ والموازي مافهمتها !!!

[هدوٍء~]

ياجماعة ليه مكبرين الموضوع ؟؟؟؟

خذو المعلومات هذي وحده وحده
1_ جامعة سعود ( لاتقبل خريجي الانتساب والتعليم عن بعد )
2_ جامعة عبد العزيز تقبل الانتساب والتعليم عن بعد وانا خريجة تعليم عن بعد واخذت قبول مبدئي الحمدلله

3_ الماجستير ماله علاقة بالعمر يعني قدمو حتى لو عمركم 40 معانا اخونا الكبير اقتصادي لغوي عمره 40 تقريبا وجاه قبول مبدئي وغيره كثير كثير
الماجستير ماله دخل بالعمر

كل المطلوب منكم ( اختبار قدرات جامعيين + اختبار كفايات انجليزي لو كان تخصصكم اللي بتقدمو عليه ماستر يطلب كفايات انجليزي )

وانتهى الموضوع

[هدوٍء~]

المشاركة الأصلية كتبت بواسطة shosho911 عندي سؤال الحين جامعة الملك عبدالعزيز يقبلونا في الماجستير العام ادارة اعمال وشهاداتنا انتساب ولا لا ؟؟؟؟ و اش حكاية العمر ؟ والموازي مافهمتها !!!

يقبلوك بإذن الله اهم شي معدلك جيد جدا + اختبري قدرات جامعيين + كفايات انجليزي

العمر ماهو شرط وماافي شي اسمه موازي واخسريك من اي احد يقولك فيه عمر محدد للماجستير

[shosho911]

المشاركة الأصلية كتبت بواسطة هدوٍء~ يقبلوك بإذن الله اهم شي معدلك جيد جدا + اختبري قدرات جامعيين + كفايات انجليزي العمر ماهو شرط وماافي شي اسمه موازي واخسريك من اي احد يقولك فيه عمر محدد للماجستير

الله يطمنك
ويسعدك ربي ان شاء الله

بس اختبار قدرات جامعيين وكفايات انجليزي وين يعلنوا عن مواعيدهم عشان اقدم طلب واروح ؟

[لذة صعود المنحدر]

انا بنقلكم موضوعي وسالفتي بجامعة الملك سعود معدلي 4.48 قدرات 77 خبره 9 سنوات ادارية
في 26-11-1434 فتح تقديم الماجستير الموازي وقدمت عليه تخصص ادارة عامه
عدد المتقدمين 2800 تم فرزهم الى 180 طالب وكنت من بين اال 180 وارسلوا لنا رسايل بالمقابلات الشخصيه
تمت المقابله الشخصيه في شهر 2 -1435 وقالوا النتايج بعد اسبوعين تفاجأت بعدم قبولي طبعاً طنقرت وقتها ودخلت على عميد كلية الاداراه العامه قال لاتكثر كلام انت انتساب والا انتظام قلت انتساب قال قررنا احنا واعضاء اللجنه استبعاد طلبة الانتساب وقبلنا 40 طالب وقال الشهر الجاي بيفتح التقديم على الماجستير الاعتيادي وصدقني راح تكون من المقبولين لاننا راح نقبل عدد كثير . قلنا قدر الله وماشاء فعل وماراح تكون النهايه


قدمت على الماجستير الاعتيادي وجلست شهرين ماجاني رد الى يوم الاحد الماضي قررت اروح اسنفسر بنفسي وش صار بالموضوع رحت الكليه قالي العميد خلاص المقبولين ارسلنا لهم رسايل قلت ماوصلتني رساله قال كم معدلك قلت 4.48 وانت قلت لي يوم ماقبلتوني موازي قدم على الاعتيادي واكيد راح تنقبل قال مانقبل الا اللي معدلهم 4.50 فما فوق مع احقية طالب الانتظام على الانتساب .

قدمت على البعثه في امريكا وجبت قبول من 4 جامعات هيوستن كلير ليك من افضل 250 جامعه ف العالم وجامعه لوثرن كالليفورنيا وجامعة بورتلاند وجامعه اركانساس وخلصت جميع اوراقي لكن عندي مدير حسبي الله عليه رفض اجازتي الدراسيه بحجة حاجة العمل الماسه لخدماتي .

واخيرا قدمت على جامعة الملك عبدالعزيز الموقره العزيزه على قلبي الشامخه الجامعه التي كويسه اللي بتقبلني يااااااااااااااااااااااااارب والي الان لم تطلع النتايج .

اسف على الاطاله بس 6 شهور وانا منضغط من هالموضوع وقلت انقل لكم معاناتي .

[مـازن]

طيب كيف نسوي في التوصيات ؟؟ طالبين توصيتين من دكتورين درسوك !! من وين اجيبهم اصلا ما اعرف اسامي اللي درسوني هذا اذا باقي موجوجين !! كيف نحل هذا الإشكال ؟؟

نقطة ثانية هل يوجد قبول ماجستير عام ادارة اعمال لخريجي الانتساب و الا فقط ادارة عامة ؟؟ (انا هنا اتكلم عن جامعة الملك عبد العزيز طبعا)

[نـــور الدنـــيا]

ممكن تكمل ماجستير ادراة اعمال في الجامعة السعودية الالكترونية

شهادتها شبه انتظام وتقبل خريجي الانتساب ولهم فروع في الرياض والدمام وغيرها