تكفون يا السنوات اللي قبلنا فيدووني

[yona]

السلام عليكم ورحمه الله
انا حابه اسال عن المواد الحره لرفع وتحسين المعدل اتمنى تفيدوني يعني ايش المواد السهله وايش طبيعتها يعني حفظ ولا فهم وسمعت ان المواد الحرة غير والمواد العامة غير اي وحدة اسهل لو اخذتها ترفع معدلي وشكرا
مع العلم ان انا للحين ما تخصصت ف اذا خصصوني تخصص ما ابغاه ابغى اخذ مواد عامة او حرة اللي ترفع معدلي وبعدها انقل يا ليت تفيدوني

[Amna J-allail]

المواد العامة : هي مواد إجبارية كل إلي في الجامعه ياخدوها مثل (عربي :مستوين / ثقافة 4 مستويات )
و بالنسبة لكلية الاداب في مواد عامة كل الي في كلية الاداب لازم ياخذوها مثل
(مقدمة في العلوم الطبيعية : عباره عن كيمياء و فيزياء و احياء و علم فلك ) و ( مادة فكر فلسفي )
_______
أما المواد الحرة : كل ترم ينزل جدول للمواد الحره من كل قسم و انت تختاري من أي قسم تاخدي ماده حره من قسم التاريخ او الدراسات او اللغات الاوربية
في الغالب إلي دايم البنات يقولو سهلة ..
علوم قران
سيرة نبوية و خلفاء رشدين
جغرافيا طبيعية
جغرافيا بشرية
____________
اعرف كثير من صحباتي لمن تخصصو قالو بيرفعو معدلهم عشان يحولو لكلية ثانية او قسم ثاني و بعد الترم الاول يروحو يسالو يقولو التحويل حسب نسبتك بعد التحضيري و ما قدرو يحولو لانو معدلهم بعد التحضيري 2 فاصله شي .. لمن وحده معدلها في التحضيري كان 4 قدرت تحول بعد ترم في كلية الاداب لي تربية خاصه
_______________
اتمنى أكون افدتك
بالتوفيق