ماهي افضل محلات السكراب و الستيثوسكوب في مكه او جده ؟

[Alkhattabi.marwan]

السلام عليكم، وين احصل افضل محلات السكراب في مكه او جده، بس يفضل في مكه

بالنسبه للون السكراب هل فيه لون مخصص لطلاب الامتياز او عادي اي شي انا متخرج من الخارج وماعندي اي معلومه عن اللون لان الي اعرفو بعض المستشفيات يكون لها الوان مخصصه لكل قسم.

وبالنسبه للستيثوسكوب ايش افضل نوعيه وهل احصلها في محلات السكراب كمان؟

شكرا

[S.O]

سكرب في جدة زي ، عالم الأطباء و ايكو
مكة ما اعرف

[بشائر الفرح =)]

للسكرب في المظهر الطبي ف شارع صاري وفي السويدي وفي محل كمان بس نسيت اسمه
مرره كثير المحلات بجده قصدي


وبالنسبه للون لا مافي لون محدد أحسهم عاديين مدري إذا المستشفى بتشترط لون معين بس غالباً الدكاتره ف الأزرق وتدرجاته


وبالنسبه للستاثسكوب فأحسن نوع كما هو معروف لتمان تلاقيه ب 300 أقل أو أكثر شويه مدري
حقتي أخذتها ب 300
وتلاقيها ف كل محلات بيع الأدوات الطبيه ف شارع أبوخشب بجده مليان محلات تبيع أدوات طبيه

بالتوفيق يارب

[Zozo2008]

بالنسه السكراب فيه محل اسمه اللباس الصحي متوفر عنده الوان روعه وموديلات كثيره موقعه بجدة شارع صاري وبمكة متواجد بالشوقيه بشارع البيك