خذ خلاصة طالب خريج ونصائح وتوجيهات

[QLQ20]

السلام عليكم ورحمة الله وبركاته ..اول شي احمد الله على تخرجي من الجامعة وهذا بفضل الله ثم بفضلكم وتوجيهاتكم ..هذي بعض من النصايح وكلامي موجه -للانتساب الطلاب تحديدا -


1-اهم شي المعدل هو راس مالك في الجامعه وقد ماتقدر تحافظ عليه حافظ .


2-لاتنخدع بكلام الطلاب النظام قفل وماتقدر تسوي كذا ومن هذا الكلام اذا استطعت الحضور الى الجامعه كل شي راح يمشي لك بس الفرق في التوقيت يعني بعض الموظفين لازم تجيه مرتين وبعضهم مره وبعضهم 5مرات حتى انه يقبل. يعني مثلا لو قفل الحذف والاضافه ترا فيه ناس تحذف قبل الاختبارات باسبوع .


3-الدورات التأهلية احرص على متابعتها جيدا واذا قدرت تحضر احضر للجامعة ويفضل حضورك في ثاني اسبوع من الدورة التأهلية علشان تاخذ التحديد من الطلاب والدكتور والفتره هذي يتم فيها الحذف من المنهج ..وايضا تناقش مع الدكتور بأسلوب حلو ومحترم جداا اذا تبغى يحذف شي من المنهج وحاول معه بافضل الطرق وكل ماكنت راقي في تعاملك معاه صدقني راح يتعاون حتى لو السمعه عن الدكتور انه ملتزم بالكتاب انت حاول مانك خسران شي.

4-يحق للطالب الخريج مالا يحق لغيره <حطها في بالك .يعني ماهو قانون في الجامعه يعني تكرما لك


5-بخصوص الاعفاء من الرسوم انا اعرف طلاب كثير جداا ظروفهم المالية صعبه جداا ولكن ليس لديهم مايثبت او ان الشروط لاتنطبق عليهم ولمن يقدموا يجيهم رفض اما بسبب المعدل او غيره.الحل هو (اذا قدرت تتواصل مع عمادة خدمة المجتمع وتحاول فيهم .تقدر تحصل على الاعفاء بدون اي شروط يعني للحالات الخاصة يحق لهم اذا توفر مقاعد واذا فيه مجال اتوقع فهمتوني

6-انت طالب على وشك التخرج ومعدلك نازل ايش الحل :

الحل طال عمرك لو مثلا باقي لك 4مواد وتتخرج لاتنزلها في ترم واحد نزل 3مواد والترم اللي بعده نزل المادة اللي باقيه عليك اضافة الى 7مواد يعني يصير مجموع ساعاتك في ترم التخرج 24 >هذا يخرف انا باقي ليه مادة واحد واتخرج من وين جبت لنا 7مواد >انا اشرح لك انت علشان تتخرج مطالب باللي في الخطه الدراسية اذا اخر تم باقيه لك مادة وحد النظام يفتح الحذف والاضافه الى 24 ساعه يعني خذ لك من كل قسم مادتين او ثلاث دور لك من المواد السهلة >انا بعد لمن جيت استلم الوثيقه قال لي معدلك 3.70 اذا حاب ترفعه ماراح اسوي لك تخريج ادرس ترم اضافي ونزل مواد وجيب درجات ويرتفع لك وتعال اسوي لك تخريج واستلم الوثيقه قلت انا لي شهرين اطرد وراء الاختبار البديل مابغى سوي لي تخريج واطبع لي الوثيقه والحمدالله تخرجت على هذا المعدل . <طبعا تقدر تتخرج ومجموع ساعاتك 152 عادي جدا اهم شي تكون مخلص الخطه كاملة راح يرتفع المعدل بشكل حلو.

*وتعلم تحسب معدلك اذا اضفت لك كم مادة عن طريق احتساب المعدل في الاودس وكم راح يوصل وأعلى شي تقدر توصل له وهكذا *

7-طبعا عارفين النصايح العامه اللي كل الطلاب المتخرجين قالوها وماقصروا .من ناحية الدكتور قبل المادة والدورة التأهلية ...الخ

يعطيكم العافيه واعذروني على عدم ترتيب الموضوع واتمنى لكم التوفيق للجميع وسامحوني اذا قصرت في حق احد ولاتنسونا من دعواتكم الطيبة :)

[عاشق الشطرنج]

والله ماشاء الله عليك نصائح جدا ممتازه اتمنى تثبيت الموضوع لأنه مهم جدا للطلاب جزاك الله خير اخوي

[عظيم الطموح]

جزاك الله خيرا...
نصائح من ذهب
سلمت وليت الخريجين يحذون حذوك في مثل هذه النصائح

[SevenOceanS]

نصائح قيمة من إنسان رائع

وفقك الله و سدد خطاك و جزاك خيراً عن كل ما قدمته لنا في هذا المنتدى أنت و بقية الزملاء الكرام

سؤال بسيط لو تكرمت كيف طريقة التدريب العملي لأني دخلت على جدولي ما لقيت اسم الدكتور عشان أراسله مكتوب tba

و شكراً

[المهندس$$]

مبروك التخرج


وشكراً على هذه النصائح

اتمنى من الأخوه الاستفاده


وفقك الله

[nour al3mr]

و عليكم السلام و رحمة الله و بركاته

الله يعطيك العافية و ينفع بك عبآده
نصائح مهمة للزملاء و الزميلات بالقسم خآصة و بقية الأقسام عامة
و نسأل الله لك التوفيق في كل أمور حياتك

[حلم قريب]

نصايح حلوة
يعطيك العافية
بس أعتقد بعض النصايح ماتصلح مع الطالبات
انتم عندكم تساهل وتعاون مرة الله يزيدكم , احنا عندنا تعقيد
مثلا:ما أظن لمن أجي بستلم الوثيقة أحد يقولي لو تبي ترفعي معدلك خذي لك مواد ثانية ووو
حتى سالفة الحذف وافضافة عندنا مو كذا
أنا بتكلم عشان لاتجي طالبة وتقول بتمشي على كل النصايح وتتورط

[حبي لذاتي قمة أولوياتي ~]

سوال

نزلت جداول الدورة والاماكن ؟؟

وياليت لو فيه رابط تعطوني

[CHaNGe]

6-انت طالب على وشك التخرج ومعدلك نازل ايش الحل : الحل طال عمرك لو مثلا باقي لك 4مواد وتتخرج لاتنزلها في ترم واحد نزل 3مواد والترم اللي بعده نزل المادة اللي باقيه عليك اضافة الى 7مواد يعني يصير مجموع ساعاتك في ترم التخرج 24 >هذا يخرف انا باقي ليه مادة واحد واتخرج من وين جبت لنا 7مواد >انا اشرح لك انت علشان تتخرج مطالب باللي في الخطه الدراسية اذا اخر تم باقيه لك مادة وحد النظام يفتح الحذف والاضافه الى 24 ساعه يعني خذ لك من كل قسم مادتين او ثلاث دور لك من المواد السهلة >انا بعد لمن جيت استلم الوثيقه قال لي معدلك 3.70 اذا حاب ترفعه ماراح اسوي لك تخريج ادرس ترم اضافي ونزل مواد وجيب درجات ويرتفع لك وتعال اسوي لك تخريج واستلم الوثيقه قلت انا لي شهرين اطرد وراء الاختبار البديل مابغى سوي لي تخريج واطبع لي الوثيقه والحمدالله تخرجت على هذا المعدل . <طبعا تقدر تتخرج ومجموع ساعاتك 152 عادي جدا اهم شي تكون مخلص الخطه كاملة راح يرتفع المعدل بشكل حلو.

المكتوب بالاحمر يحتاج توضيح اكثر
يعني اقدر انزل 7 مواد غير المواد الحره والخطه الدراسية
انا باقي لي 4 مواد بنزل 3 بالترم الصيفي والترم الاول من عام 2016 بنزل ماده ,, هل اقدر انزل أي ماده خارج الخطه الدراسية ؟؟؟؟ هذا مافهمته من كلامك وبعد التخرج تكتب لي جميع المواد اللي درستها ؟؟

[QLQ20]

نعم صحيح ..انت مطالب ب128 ساعه تقدر في اخر ترم تضيف حتى24 ساعه وتنزل مواد من خارج الخطه الدراسية من اي قسم تحب :)