تم رصد درجة اجهزة تطوير اداري

[ابو سلطانه]

نزلت رجة اجهزة تطوير اداري

الحمدلله

[الين اليوم]

الحمد لله عدت ع خير مع اني توقعت ماانزل على ال90 بس الحمد لله

[kin_admoz]

والله مرررره غريب حتى انا اتوقعت درجه كويسه وفي الاخير 60 كيف كدى مع انه متاكد اني حليت كويس

[mahawi_1]

والله حتى انا مع الاستاذة خديجة الحربي خسفتنا وكمان ما تراعي اننا تخرج ولا كمان رسوووب والله قهر واتكلم معاها اقولها اني حليت كويس وكنت متوقعة اني ناجحة ولكن بكل اسف ترد بطريقة غير لائقة من استاذة بجامعة والله انا ما اتوقع الرد هذا يصدر من استاذة اول حاجة قالت انا مش استاذة المادة وان الاستاذة رصدت الدرجات واستحالة انها تغير الدرجات لا لي ولا لغيري وان الي رسبوا جابوا اقل من 50 ولو جايبة 50 كان نجحتي تقوول ان نحنا نستاهل لاننا نذاكر من ملازم غريب الدار وماادري مين واننا نحنا كبار لكن ندور على الشيء السهل ما تبغوا تتعبوا انفسكم وانا اقولها اني كتبت رقم المادة غلط ورجعت عدلته وقلت للمراقبة تعطيني ورقة ثانية ولكن قالت لا عادي كملي ماراح يصير شيء والله اني حليت كويس والاسئلة كانت جدا حلوة .
وبعدها افهم الاستاذة اني والله حليت كويس وفرحانة وعدينا الاصعب وكان عندي ثاني يوم محاسبة حكومية ونجحت لكن رافضة انها ترد او تتفاهم صراحة ظلم بس قلت لها اعيدي النظر بورقتي وشوفي حلي واني مع ظروف عملي ما اقدر اروح للجامعة لكن حسبي الله ونعم الوكيل الان ترم كامل علشان مادة الله يكافيهاا وكمان قلت لها ان امي كانت منومة وانا كنت مع امي مرافق وعندها عملية بتر ويمكن اكون سهيت او اني ما حليت كويس ولكن مش رسووب وقلت اجيب تقارير وافادة بعملية امي علشان تصدق ولكن لا حياة لمن تنادي ما اقول غير ان ربنا يمهل ولا يهمل وادعي الله انها تنحط بنفس موقفي علشان تحس حسبي الله ونعم الوكيل ..