لا أريد عيش حياة شخص آخر

[م.مي]

السلام عليكم ، أنا بنت ضحيت بكل شي عشان أوصل لي الي انا فيه دحين..محد وقف معايا و اخواني تخلو عني وقت ضيقتي..لقيت مخرجي من ضغط الخياة دراستي و اجتهادي للحصول على العلم..الحمد لله لغتي ممتازه ..تخرجت من الثانويه بمعدل 100 وانقبلت علمي انتظام ..درجاتي كامله ولله الحمد..من الابتدائي خططت براسي ايش ابغا اكون وابغا اتعب عشان اصير الشي ذا ، كان حلم حياتي اني اصير معيده رياضيات لكن مع عدم توفر الوظايف قررت افكر بتخصص قريب وهو الهندسة (الكهربائية تحديداً) لقيته و دورت عنه وعرفت عنه كل شي ولو كملت ايش ادرس وايش اكون..حبيته وتعلقت فيه وقلت خلاص انا بصير كذا وكل مااذاكر والاقي صعوبه اكتب لنفسي فلانه مهندسة المستقبل ..الرياضيات يمشي بدمي احب المسائل احب الارقام احب الشي الي فيه تحليل واستنتاج وبالنسبه للفيزيا حبيت قسم الكهربا لمن درسته بالثانوي..تعلقت فيه لدرجه كل مااشوف جهاز كهربائي جديد اقرا عنه وايش مكوناته حتى كنت بفكك الريسيفر حق التيلفزيون لكن امي مارضت ، كل ما اشوف روبوت اقول خلاص بالمستقبل رح اخترع شي احسن من ذا ورح انفع المجتمع و ارفع راس بلدي.. خلاص كلمت اهلي كذا وكذا الا اسمع الطامه منهم..هندسه لا نبغاك دكتورة ..تعرفون شعور الي يخطط شي لحياته ف النهايه كله ينهدم..طلعو كل عيب بالهندسه..لا وظايف للبنات..مستواك يبغا له شي اكثر ما احد رح يتزوجك كل شي طلعوه حتى قالو احنا ندعي انك ما تنقبلي فيه كذا مره حمقت دمعتي بعيني خلاص انقهرت مره ..انا ماابغا ادخل طب مو عشان الكرف انا عادي اكرف واقطع حالي لكن على شان شي احبه انا اضحي بكل شي عشان الي احبه مو لو لقيت اول عقبه اوقف خلاص ..اقنعتهم وقلت خلاص اصلا بيكون رغبتي الثانيه بعد الهندسة طب بشري و لو انقبلت طب رح احمد ربي لاني رح اعرف انه خير من ربي لكن لو دخلت كمان بيحددو تخصصي بالماستر كمان قالو ادخلي اطفال !!! 😑😑😑😑 استغفر الله يحددو مستقبلي اقلهم ابغا ذاا لا ذا مره دقيق يا ربي ما عرفتلهم ..اسفه اذا كثرت عليكم بس من قهري وانا الحمد لله طموحي عالي فابغا شي فيه تحدي ومو اي احد يدخله عشان كذا تكلمت .. بس انصحوني كيف اكلمهم و اقنعهم لانه منجد نفسيتي تعبت انا امن ابغا اتخصص ابغا احد يدعمني نفسياً ،،واذا بتقولو خلصي تحضيري بعدين فكري انا احب افكر واحضر واقرر قبل بفتره وادرس كل تخصص وشكرا والله يسعدكم 😪

[بكرى أحلى]

وعليكم السلام ورحمة الله وبركاته

اولا من كلامك هم مو غاصبينك انك تدخلي تخصص معين لدرجه انهم يدعون انك ماتدخلي التخصص اللي تحبيه ، يعني الموضوع خارج عن يدينهم !

ثانيا اختاري التخصص اللي تبغينه واللي تحبينه ، وممكن تدخلي على التخصص المعين اللي تبغينه وتاخذي معلومات عنه وعن مميزاته وتخلين اهلك يشوفونه

الشئ الثالث والاهم انك تستخيري الله على التخصص

وبعدها خيرة ربي راح تشوفينها قدام عينك

اللحين اهم شئ اجتهدي وتحددي هدفك وتمشي فيه وتدعي الله بالتوفيق ، ومعروف انه التخصص اللي تحبينه راح تبدعين فيه وممكن ماشاء الله من شخصيتك وحبك للاكتشاف انك تكوني مبدعه فيه وممكن تكتشفي شئ جديد ويكون كبراءة اختراع

والله يوفقك ويسهل دربك ، ونصيحه لا تسمعي ولا تسمحي لأحد يشوشر على هدفك او يحدد مستقبلك دام عندك ثقه باْذن الله انك قد هالشئ

[fatoom sweety]

ماشالله باين من كلامك في المستقبل راح تصيري مميزة عن الكل عندك موهبة ربي أعطاك هي ولازم تستثمري فيها من خلال إنك تدرسي الهندسة و انتي لاتخافي من اهلك هم يضغطوا عليكي بس مو بيدهم ما يقدروا يفتحوا الأودس لما ينزل التسكين و يختارولك الكلية انتي قوليلهم حاضر و سوي اللي في راسك و حطي الهندسة أول رغبة لك واذا انقبلتي مو معقولة راح يمنعوك ويقولوا لاتروحي الجامعة..
كمان لو تبغي تقنعيهم قوليلهم الجوانب السيئة في الطب مثلا لما اصير دكتورة أنا كبنت راح اداوم فترات طويلة جدا و يمكن المناوبة تكون يوم كامل في المستشفى ماارجع البيت هل ترضون على بنتكم كذا؟ و كرهيهم في الطب قوليلهم مين راح يتزوج الطبيبة طول وقتها في الشغل ومستشفى و ماتدري عن عيالها و اختلاط وامراض ههههههههههههه ابدعي في الاقناع عالعموم محد يقدر يجبرك في شي وانتي اختاري هندسة اذا ربي كتبلك راح تنقبلي و تدرسي غصبا عليهم وهم مع الايام راح يتعودوا وينسوا الموضوع.. الله يوفقك

[Dr.Ammar]

اختاري وادرسي التخصص الي يعجبك

يمكن في البداية اهلك مايرضوا او يزعلوا لكن بعدين حيتقبلوك ويفتخروا بك

[م.مي]

شكراً لردودكم وخلاص قلبي مرتاح على الهندسة والله يجيب الي فيه الخير